داخل فينال فانتسي 11

[Thehawk]

السلام عليكم ورحمة الله وبركاته

عندي كم سؤال في فاينال فانتسي 11 ياليت تساعدوني واكون ممنون

1/ بالنسبه للي داخل معركه خاسره ومتورط كيف يهرب من المعركه اعطوني الطريقه

2/ اماكن رفع الليفل للي في باستوك انا ليفلي سبعه الان انا الان ارفعه جهة البوابه الجنوبيه اكمل

والا فيه مكان ثاني اروحه

3/ اخر سؤال وهو يتعلق بالاسلحه هل لكل ليفل سلاح خاص والا عادي وايش الافضل واعذروني

على التطويل


طلب من الاخوان اللي ليفلهم مثل ليفلي وما انهو المهمه الاولى اذا ودهم نتعاون وننهيها

مع بعض انا جاهز

الاسم Thehawk
الهندل hawk of red sea
الوظيفه thive
الليفل سبعه

تحيه لولد البوكواره تصدق اني فرحت كثير يوم شفتك لكن المشكله في اللغه عندي

افهم كثير من الكلام لكن ماعرف اعبر او اكتب واشكرك على عرض خدماتك وتسلم يالغالي

والشكر موصول لAzmove و Scutt اظن انهم عرب ومن المنتدى ازموف اعطاني كور وسكوت

اعطاني كور وبروتكت

والسلام خير الختام



ماعندي توقيع

[RPG_master]

1/ بالنسبه للي داخل معركه خاسره ومتورط كيف يهرب من المعركه اعطوني الطريقه

- حط رجلك على أقرب zone يعني أقرب خريطه منك.. اذا دخلتها ما راح يجيبك.. مثلا انت في SouthGustaberg تروح تدخل باستوك وما راح يقدر يلحقك.

2/ اماكن رفع الليفل للي في باستوك انا ليفلي سبعه الان انا الان ارفعه جهة البوابه الجنوبيه اكمل

والا فيه مكان ثاني اروحه
-روح يسار West الى ان تلقى وحوش Decent Challenge وأعتقد أفضل مكان هو قدام Dangurf Wadi فيه Wadi crab و Maneating hornet الظاهر



3/ اخر سؤال وهو يتعلق بالاسلحه هل لكل ليفل سلاح خاص والا عادي وايش الافضل واعذروني

على التطويل

- لكل سلاح لفل خاص وجوب خاص تلقاها مكتوبه تحت..

[Thehawk]

مشكور على تجاوبك والله يعطيك العافيه

[QataR NighTMarE]

ياهلا والله ذا هوك خلاص ولا يهمك المره الثانيه بكلمك بالعربي ^^
وبالنسبه للمهمه الأولى بليفلك ذي انت تقدر تخلصها بروحك لكن بالمهمه الثانيه والثالثه راح يكونون صعبات شوي وفيهم بساعدك ان شاء الله ^^

[Thehawk]

هلا والله باول عربي اسولف معه في اللعبه وين رحت يارجال اشتقنالك ماعاد شفتك بعد ذاك اليوم


وابشرك المهمه الثانيه انهيتها بطريقه كايزريه اتجنب الوحوش واجي ورا الصخور لين وصلت النافوره


وطلعت فوق والقى قدامي القوبلين وبكل بساطه ذبحني بس الحمدلله تمت المهمه لكن المهمه


الثالثه تساعدني فيها انشالله اشوفك في فاناديل

[Goal]

في طريقه فعاله جدا اذا انت في معركه خاسره او تهرب وضامن انك تموت

هذا الطريقه اسويها اذا كنت خلاص راح اموت وانزل لفل

طريقتي هي اسحب ويار التليفون افصله عن الكمبيوتر وبهذا تفصل اللعبه وانجوا من الوحش وارد اشبك وادخل عادي مافي وحش

لوووووووول جد انا استخدمها هههههه شاريكم؟

وشكرا

[ScarFace]

Goal

هذي الطريقه ما تنفع ,, لأن شخصيتك راح تكون باقيه في السرفر لمده 30 ثانيه .. من اول ما تطلع بدون Logout

يعني ترجع تلاقي الوحش ضربك 30 ثانيه = Dead .. ˆˆ ..

[usef]

ScareFace: /nod /nod

[Dreamweaver]

السلام عليكم
احسن مكان حق ليفل 7 اهو اول ما تطلع من Bastok Markets إلى S. Gustaberg امش شوية جنوب لين تلقى جدامك جبل .. اصعد الجبل وراح تدعيلي بس دير بالك قبل اي هوشة جيك على الوحش اذا كان Decent Challenge أو Even Match أو Easy Prey دش له واذا غير جذي لا تفكر لأن يا انه بيذبحك أو انه ماراح يزيدك Experience

[Thehawk]

اشكر كل الاخوان اللي ردوا على استفساراتي ومدوني بخبرتهم


وابشركم لفلي الان 14 رفعتهم من كل الاماكن اللي ذكرتوها شوي


هنا وشوي هناك