ياهو ياعالم...عيال الرياض وش يسوووون...شي يفقع القلب..!!

[silent evill]

على فكره الموضوع قد تم طرحه من قبل لكن من زمان فحبيت اعيده لكم هنا نظرا للأعجاب الذي حظي به هذا الموضوع..

--------------------------

سلااااااااااااااام..ار يو مست مي..(((امحق من لغه)))

بنسوااار شبابا وبنات...كيفكم...كيف احواليتكم...تعرفون مثل ماقلت اخر الشهر اطل عليكم خخخخخخخ((مووب عاقل كاظم عبده))

الزبده...شفت انه معد فيه سواليف قلت ياولد ندردش معكم في موضوع قاهرني اقسم بالله...
ومو بس انا..كل شباب الرياض....والى الزعيم الهلال وكل محبي الارسنال...والى امي وابوي في الخرج...وجدي في الحوطه....وعمتي وخالتي في سدير...
وبسطة اخوي في سوق المعيقليه...اوووووه سوري متحمس مع برنامج افراح وتهاني..((قديييم)))

على فكره لين الحين يعرضون البرنامج ولا شفروه ...؟؟؟ سؤال يسدح نفسه..

اي نعود لمحور حديثنا...

سوف نتحدث عن الشباب وش يسون في الرياض الحبيبه...

----------------------------

ودي ابكي لين مايبقى دموع....ودي اشكي لين مايبقى كلام...

بيت يتردد كل دقيقه في لسان شباب الرياض..وخصوصا اصحاب الخبره...اي البالغين...

نمشي من بداية مراحل الطفوله ماذا يفعل الشاب السعودي في الرياض...

اول سنتين..منطق في البيت مع الشغالات وانواع السيريلاك...السنه الثالثه والرابعه والخامسه نفس الشي..لكن تطور بسيط وانه يصبح يتغذى على الاندومي

في عمرالبراءه...يبدا في الخروج الى الدنيا...فيسلي نفسه في سن السادسه والسابعه والثامنه...

فيذهب مع اهله الى الملاهي سواء الخيمه او الروضه او المرسى مافرقت ونسينا ستار سيتي...
وفي السن التاسعه...يبدا ينكرش من الملاهي يقولون طويل.. ماتنفع تدخل...
مشكله وش يسوي...

فتبدا سن المراهقه عند اهل الرياض من السن التاسعه..((والله تبدا الدشاره والدجه))
فيطيح في اول اساليب المغازل والهبال..يمكن توه مايعرف انه يغازل المهم...

يدلي يطلع العروس مع اهله...طبعا الحارس مايدخله...فيجي مسوي زعط وخرو عن طريقه يجمعله شله من البزارين اللي جنبه..(((اقتحام لعرس)))
فيجون ربعه عند الحارس..على حسب اذا صعيدي لازم مشوار وكم واحد يلهيه..اما سوداني حط رجلك وادخل وانت داعس...

اييييييييييييييه..دنيا..الله يذكر زمان اول بالخير..

اما في السن العاشره والحاديه عشر والثانيه عشر...تسمى عند اهل الرياض سن اكتساب الخبره..؟؟؟
فيبدا الشاب في الخروج مع عيال حارتهم وعند باب بيتهم يسولفون ويحتك بالعالم....
ويوم ورى يوم حبيبي انا بحلم بيك..اووه سوري الفيوز ضاربه شوي..

قصدي يوم ورى يوم...ويبدا الولد يبعد عن باب بيتهم فيوصل الشارع العام...فيناظر العالم والتفحيط شباب الرياض التفحيط شعارهم الاول...ازعج العالم واضبح لك كم واحد ..؟؟؟

لهذه الاسباب سمي بسن الخبره... وفي السن الثالثه عشر والرابعه عشر والخامسه عشر..
تبدا الدجه النظريه وليست الفعليه....

فيبدا يتعرف على ناس اكبر منه معهم مواتر...ويدلي يدور ويهجول معهم ....ويروحون شوارع تفحيط ومن هذا القبيل...

وسن السادسه عشر والسابع عشر...هذا فاصل اعلاني...خخخخخخخ سن متقلب يعني منطق في البيت يصير وحالت امه حاله ومشكله يمكن يحب وهو يكون في هذا السن فقط..((عند شباب الرياض فقط..غير متوفر في الاسواق))

اما في سن الثامنه عشر...سن الدجه الفعليه الحقيقيه..الرجال ابوه يطقله موتر...
فيبدا الولد ينهبل من الفرحه....معه موتر بيقعد يدوج من قده..(((مايدري انه بيكره حياته بعدها..لأنه في الرياض)))

فيبدا اول اسبوعين دوران في موتره مايوقف فرحان فيه...حتى الحين تمام حلوو....
الاسبوع الثالث...
يبدا يطلع القرش العزيزيه اليورمارشيه...حلووو حتى الان..
الاسبوع الرابع...
يتهور ويروح الفيصليه...كالعاده مع الباب عوائل فقط؟؟؟ ويجرب حظه في المملكه وبرضو نفس الشي..
وصحارى؟؟ يضيع الاسبوع وهو يتشوت...

الاسبوع الخامس....
يغير يصير وده يمشي يطلع طريق الامير عبدالله حق المشاه يومين والرجال يطفش..

سن العشرين وفوق...مايحتاج مايبيلها...ابووي زهب الشنط واطلع برى سافر شف الدنيا والاسواق خلك حر عيش حياتك....نعنش مع هيد اند شولدرز بالنعناع..

----------------------

اييييه حالتنا حاله..شباب معروف انا في مواضيعي اكتب قصص واقعيه..ويالله مين قدكم..في هذا الموضوع راح اكتب عن حياتي الاسبوعين اللي راحت وش اسوي في الرياض...
علشان تعرفون كيف الدجه...
اممممممممممم

نبداها من الصبح....اوكي..

ايعني بعد الجامعه اختصار خخخخخخخ...وش اسوي اطلع بدري والله محاضراتي دلع اخص عشر وبالكثير 11..((موووتو حره يالباقين انواع الكرف...))

نطلع مع احد الشباب او نطلع بسيارتي نروح نبي نتغدى في الفيصليه...يقول السيكيورتي..
تعالو بعد الظهر الحين عوايل...((يمدينا نسوي يمين يسار معنا كروت وحركات بس يعني نحس انها اهانه؟؟؟)) المهم نروح ننتظر في دكتور كيف او ستار بكس ناخذ لنا موكا (((امووت في الموكا)))

بعد الظهر نروح ندربي روسنا للفيصليه نتغدى وكل واحد ينقلع بيتهم...
وبعض الاحيان نشطف كلية الامير سلطان بدل الكوفي ..يقولون فاتحين جنغل لاند هناك..فنروح نشوفها


شباب سعودي والله دجه...مخ مافي خربان...؟؟؟

هذا من ناحية وقت الظهيره..

معليش يبدو اني طولت عليكم سوري..اختم لكم الجلسه هذي بالقصه المثيره هذي حصلة لي يوم الاربعاء هذا وقتها سموني اخوياي جيمس بوند...

طالعين ندور الساعه 1 الفجر...الشباب هذا الوقت اي شباب الرياض وينهم...تعال في شارع التحليه تلقاهم هناك استعراض سيارات مشاكل مقاومات كل شي...
انا رحت ومتحديني واحد من اخوياي اني اقاوم واحد..(((من الفضاوه والله وش نسوي ياليت عندنا بحر))) والثاني يقولي انت ماعقلت عقب الحادث اللي صار لك...خخخخخخخخ المهم...

ادور يمين يسار مالقيت احد...كلهم يمشون صفر...وفجأه القى قدامي 2 جيب كاديلاك..مظلل كاتم انا ضحكت ابتسمت يعني...خويي يقول...سعود كلش الا ذولي لاتمزح معهم....قلت والله هذي صيدتنا يارجال..(((قصده ان سيارتنا سبورت صغيره وهم ماشالله بيدعسونا وش كبرهم)))
كانو مهدين.. فجيت انا ماغط من وراهم ويوم وصلت عدهم..((شوف كيف الملعنه تعلمو كيف تجاكرون العالم)) واكع الفرامل والف الطاره يمين وتزحف السياره...هو شافني فهم العلامه.. فحد خوييه يعني استعد فيه مجاكره...

الشباب واحد منهم مسك اليسار والثاني مسك اليمين..والسيد اللي في النص مفتوح..يعني ياحلو تعال بينا..
انا ماشالله علي مثل عماد...فهمتها وهي طايره..
اثرهم يبون المشاكل يعني يبوني ادخل بينهم ويحدوني الثنين..ياولد خلهم تحدوني انا اوريهم...
عاد يومها لابس فنيله كوت وحركات ومجهز نفسي...وامسك الطاره بأقوى ماعندي بيدي اليسار..
واليمين على زر البور..((زر سبورت يعدي قوه للسياره)) خويي يقولي سعود يرحم والديك...
والثاني يقول انت تدور على المشاكل ليه...قلت دنيا بدون مشاكل ماتنبغى...

واسمي بالله واكتم على الموتر ورجلي على البنزين...ويوم دخلت بينهم...المساكين توهم بيحدوني...
اخوياي قامو يزاعقون ويتشهدون...
الا واصبعي الكبير على زر البور((سبورت)) وسعود مقلع ههههههههههههه المساكين بغو يقشعون بعض
ويحاولون يلحقوني وانا مغبر عليهم خخخخخخخخ..خلهم يعرفون مين انا المفروض يثمنون السياره قبل لا يتجاكرون معها...

وفي الختام نشكر لكم حسن استماعكم واسف على الاطاله بس اشتقت لكم وعارفين اطل كل اخر شهر((مصر كاظم عبده )) عليكم قلت خلني ادردش معهم شوي...

تشااااااااااااااااااااااو...

[$الخليجي$]

ههههههههه .. أحلى ياجيمس بوند .. كل هذا طلع من الأوبـ .....

[D0WN~T0WN]

اجل راعي مطارحات

ابشرك صرت اكبر مهايطي في الرياض وبتحصلني في شارع المقاومات ماغير اطرح في ذا العالم
اللين ماخذت الكأس وتشرفت بالسلام على مولاي خادم الحرمين الشريفين وتسلمت جائزة عبارة عن كوبون مشتريات من سوق المجد بقيمة 45 ريال وارجع الباقي بعد

وبس

[Trapped Inside]

خخخخخخخخخ والله انك جبتها هذي عيشة المواطن السعوطي...

بس نسيت كم شي الا وهم: 1-حلمه بانه يصبح مطرب...ومن هذي الناحيه تختلف الاذواق...يعني بعضهم يبي يصير فنان العرب مثل محمد عبده...
والبعض يبي يصير راعي كسرات وذي الخرابيط...
والبعض الاخر يبي يقلد توباك ولا ففتي سينت...

2-بعض الشباب الله يصلحه يشوفله فلم وعاد وده يصير زي البطل...ينقذ العالم واخرتها يقعد مع خويته على طرف الشاطئ..

3-وطبعا ما ننسى حلم كل شاب سعوطي عندما يكون بعمر ال11 او 12..انه يكون لاعب كوره...خخخخخ يا زينها من ايام...


وبالنهايه احب اهني كل شاب سعوطي على هذي العيشه...والله يعين علينا بس...((ارفع راسكا انتا سعوطي))

[HArb200]

بصراحة ماقريت الموضوع كله ..

بس احلى ميزة في الرياض .. هي الحفريات .. هي المدينة الوحيدة في المملكة اللي حفرياتها من 7 سنين والى الان ماخلصت .

[MetalGear]

اقول ، من يوم ماجبت سيرة الموكا وانا افكر فيه

ياخي المفروض ماتجيب سرته غير بنهاية الموضوع

عموما ,, الحال عندنا في جدة نفس الشي ..

ولا تقولي بحر وما بحر

انت لو ساكن بجدة وربي ماتطيق تروحه ، كلها 2 كيلو تراب قال بحر قال

[silent evill]

خخخخخخخخخ والله انك جبتها هذي عيشة المواطن السعوطي...

بس نسيت كم شي الا وهم: 1-حلمه بانه يصبح مطرب...ومن هذي الناحيه تختلف الاذواق...يعني بعضهم يبي يصير فنان العرب مثل محمد عبده...
والبعض يبي يصير راعي كسرات وذي الخرابيط...
والبعض الاخر يبي يقلد توباك ولا ففتي سينت...

2-بعض الشباب الله يصلحه يشوفله فلم وعاد وده يصير زي البطل...ينقذ العالم واخرتها يقعد مع خويته على طرف الشاطئ..

3-وطبعا ما ننسى حلم كل شاب سعوطي عندما يكون بعمر ال11 او 12..انه يكون لاعب كوره...خخخخخ يا زينها من ايام...


وبالنهايه احب اهني كل شاب سعوطي على هذي العيشه...والله يعين علينا بس...((ارفع راسكا انتا سعوطي))

الا قصدك في العمر 7 يدلي يحلم انه يلعب مع كابتن ماجد

ياخي خل عنك في الرياض اذا الواحد تحمس وخصوصا شفت خوصوصا حط تحته 17 الف خط..

اذا كان الولد توه لاعب ومخلص من درايفر ((قديم) او قراند تريزمو
وخر عنه والله يطلع ويمسك الموووتر ويقوم ينطل يمين ويسار بين خلق الله

يعنبوهم واحدا مره بغى يصدمني مهبل يفحطون وسط العالم

اجل راعي مطارحات

ابشرك صرت اكبر مهايطي في الرياض وبتحصلني في شارع المقاومات ماغير اطرح في ذا العالم
اللين ماخذت الكأس وتشرفت بالسلام على مولاي خادم الحرمين الشريفين وتسلمت جائزة عبارة عن كوبون مشتريات من سوق المجد بقيمة 45 ريال وارجع الباقي بعد

وبس

ههههههههههههههههههه افا عليك اجل اكبر مهايطي انت وش عرفك مو انا كان يتدرب على يدي باخشب ومحمد سليم

الا وش رايك تسلفني هالكوبون مالقيت الا المجد عاااد

حوول الربوه سااكن

[silent evill]

بصراحة ماقريت الموضوع كله ..

بس احلى ميزة في الرياض .. هي الحفريات .. هي المدينة الوحيدة في المملكة اللي حفرياتها من 7 سنين والى الان ماخلصت .

خخخخخخخخخخخخ والله صدقت عاد وش رايك اني اعرف ولد صاحب شكرة الحفريات

اطلع معه وان سالناه وهزأناه قلنا ليش ماتزينون حفرياتكم قال احمدو ربكم شف مصلحين لكم طريق الملك فهد


ميتل قير..


وش نسوي نمووت فيه وانا اخوك اجل لو قلت لك روشن كووفي ثعااااابيل

ياخي لا والله اسمح لي عندكم بحر يعني مالكم عذر

ياخي اهل لارياض مساكين قسم بالله لا بحر ولا ارض خضرا مساكين تعرف انا تمطر مره وحده كل 23 سنه على طول العيال مايصدقون طعس التحدي

ولا روضة خريم ليه يقولون خضار وربيع وهو كله نبته ولا ننبتتين بس مساكين مايشوفون هذي الاشياء

[DE NILSON]

يختي عليكم ياشباب الرياض

[$الخليجي$]

( يختي ) مــــــره وحده !!

[Son_OF_Liberty]

,بصراحه موضوعك جميل ومضحك

مدري ليه حاس ان طبع اعضاء المنتدى الترفيهي يجري بدمك الى الان

عالعموم مشكوور اخوي والله يكون بعونكم ياشباب الرياض

[DraGonGreeN_Z]

ههههههههههههههههههههههه

يا رهيب يا عيني على اللغه يا قدع

,بصراحه موضوعك جميل ومضحك

مدري ليه حاس ان طبع اعضاء المنتدى الترفيهي يجري بدمك الى الان

عالعموم مشكوور اخوي والله يكون بعونكم ياشباب الرياض

لان طبعه ترفيهي اصلا

وهذا الترفيهي ولا بلاش وأهله أهل الترفيهي

[Sonic--]

بصراحة ماقريت الموضوع كله ..

بس احلى ميزة في الرياض .. هي الحفريات .. هي المدينة الوحيدة في المملكة اللي حفرياتها من 7 سنين والى الان ماخلصت .

أصبحت هذه المشكلة تشكل هاجساً نفسياً في نظري وأصبحت اكره الخروج بسبب الحفريات

[D0WN~T0WN]

هارب
اجل لو تشوف شوارع جدة وش تسوي
ياخي شوارعها طين
اخبر في رمضان السنة اللي راحت نزل مطر شديد وبعدها بيوم تشوف الشوارع كانها ميلك شيك ماتدري انت تمشي على الشارع والا على الرصيف

[DE NILSON]

هارب
اجل لو تشوف شوارع جدة وش تسوي
ياخي شوارعها طين
اخبر في رمضان السنة اللي راحت نزل مطر شديد وبعدها بيوم تشوف الشوارع كانها ميلك شيك ماتدري انت تمشي على الشارع والا على الرصيف

انت مو تروح الاماكن الخدمية


اطلع طريق الملك

روح التحلية

روح الروضة


روح المحمدية

روح النهضة


مو تروحلي السلامة والشرفية والهنداوية والبغدادية والبلد والبوادي