استيقضت على صوت امي وهي تحث اخوتي على ان يلبسوا ويذهبو الى المدرسه
انها معركه يوميه تنتهي دائما بانتصار امي وهزيمت اخوتي
ان اخوتي لايعرفون النعمه التي هم بها سيذهبون الى المدرسه ويلتقون بزملاءهم
اما انا ماعندي شي فاضي وزهقان
الجامعه وخلصتها والوظيفه وقدمت عليها في ديوان الموظفين وليس لي الان سوا الانتظار
اليبيت فاضي اخوتي في المدرسه اما ابي وامي فكلن في عمله ولا ياتون قبل الظهر
فكرت اخرج من البيت لكن اين اذهب لايوجد ديوانيات الصبح والكل مشغول
لم اجد سوا الكمبيوتر فتحته ودخلت برنامج المحادثه ((mirc )) دخلة قنات الكويت وكتب
انا زهقان وادور على اي شي يسليني بعد فتره قليله دخلت واحده برايفت وقاله
من شنو زهقان
اخبرتها سبب الملل
دار بيننا حوار طويل تحدثا في كل شي تقريبا
لم اشعر ابدا بالوقت الى ان اتت الساعه الثامنه ليلا
فقالت انها ستذهب
قلت انتي موجوده على طول
قالت يوميا
وصرت احدثها يوميا من الصبح الى الثامنه ليلا
لاحظ اخي سالم التغير فسالني
شسالفه
اي سالفه
جم وحده ظبطت
استح على ويهك انا مومال هالسوالف
لا والي يشبك من الصبح الى الليل شيسوي
وبعد ان ضغط علي واحرجني قلت له اني اكلم وحده
شسمها
هدى
شفتها
لا
جم رقمها
ماعرفه
وين ساكنه
مادري
من صجك
اي والله
ثلاث شهور وان تكلمها من الصبح الى الليل وماتعرف عنها شي
هنا انتبهت
انه محق انا لااعرف عنها شي اطلاقنا حتى اسمها قد لايكون صحيح
فالغد سالتها لكنها رفضت ان تجيب عن اي شي حاول بشتى الطرق ان اعرف منها اي شي لكن
لافائده كررت المحاوله قلت لها انني لن اكلمها ونفذت تهديدي ومرت علي يومان اشبه بالسنه
يومان كاملان لم اقترب من الكمبيوتر ابدا
جاء اخي سالم وقال
امي تقول ان صارلك يومين ماتاكل شفيك
جننتني ودي اعرف منهي وين ساكنه
ماخلصنا من هالسالفه
حاس ان وراها سر ودي اعرفه
زين والي يعرفلك منهي
تقدر
افا عليك
تكفى يامعود
خلاص كلمها الحين
ليش
كلمها والباقي علي
واخي سالم عبقري كمبيوتر
فتحت الجهاز وبدات اكلمها
لم تمضي فتره حتى قال سالم
خلاص عرفنا الاي بي
الحين نعطيهم الاي بي يعطونا المكان
تعتقد الشركه تعطيك المكان بسهوله
لا طبعا بكلم راشد يشتغل هناك راح يساعدنا
اتصل براشد وافهمه الموضوع فطلب راشد مهله وقال انه سيتصل اذا عرف المكان
مضت ربع ساعه اشبه بالدهر واخيرا جاء الفرج
الو سالم
هلا راشد ها بشر
شبشر ياخوي انتوا شطيحكم في هالاشكال
ليش شسالفه
هذا الاي بي لكمبيوتر موجود في سجن النساء
نهاية الجزء الاول
