الجاليري الخاص فيني

[DonMusallam]

السلام عليكم..

شلونكم ؟ شخباركم ؟

حبيت أشاركم ( و آسف لانشغالي عن هذا القسم ) في وضع بعض رسماتي ، و نظراً لانشغالي بالرسم بالفحم فما عندي رسمات وايد ، بس حبيت أسألكم ، شلون ممكن أدخل رسمة من الفحم بالكمبيوتر بدون لا تخترب جودتها عشان أضيفها؟

و شكراً..

[tootaa18]

اخوي انت تقول انك تستخدم الفحم في الرسم وهذا معناه ان رسماتك مو ملونة
انا والله ارسم بالرصاص وعشان تطلع الرسمة بجودة عالية لما احطها بالسكانر ما اختار تصويرها بالالوان
اختار تصويرها بالرمادي
انشالله تنفعك هذي الطريقة

[DonMusallam]

أنا أرسم بالفحم و الرصاص عادي ، بس ما عندي أي رسمة ملونة... ما أعرف ألون عدل

انشالله أنا بحاول و بحط إلي أقدر عليه

مشكورة

[DonMusallam]

السلام عليكم ...

أنا حاولت آخذ بنصيحتج اختي... لكن صادفتني مشكلتين !

أول شي ، السكانر مو راضي يشتغل!!

و ثاني شي...

آخر رسمة رسمتها (و هي أحسنهم ) كبيرة بالنسبة للسكانر ، السكانر مالي حده أوراق A4 و أنا عندي الرسمة هذي حجمها أكبر من A3 بشوي !!

إذا في أحد يعرف مكان ممكن أودي الرسمة حقه و يحطلي ياها على Floppy Disk فلا تبخلون علي!

أنا صورت بعض الرسمات بالكاميرا مالت التلفون و راح أنشرهم اهني..

هذي أول رسمة (تقدرون تقولون ، مو رسمة ، لكن كنت فاضي و ما عندي شغل )



وانشالله راح أحط الباجي بعدين

[DonMusallam]

هذي رسمة لها قصة :

كنت قاعد بالكلية عندي فراغ 3 ساعات ، و مليت ، جان أشتري دفتر بو 50 فلس و قلم حبر ، و هذا إلي طلع معاي :



طبعاً الخلفية من الدفتر مو أنا راسمها ، بس خذيت فكرة القارب من الخلفية


و هذي رسمة ثانية بالفحم :

[sAgAs]

عندك امكنيات جيدة في التظليل

فشد حيلك و ابدعنا يالاخ احمد

و فمان الله

[كايتو]

ما شا الله احمد رسوم ممتازة وعندك امكانيات جيدة جدا كما قال الاخوة........

بس رسمة القارب عجبتني مابعرف ليش

واستمر ....والى الامام

[DonMusallam]

الأخ Sagas :

مشكور أخوي على ردك وانشالله بعجبك بس اصبر علي شوي

الأخ العزيز كايتو :

مشكور على ردك وانشالله برسملك قارب دام ان هالشغلات تعجبك

[لوجــــــين]

السلام عليكم
كيف حالك اخوي أحمد و مبروك على الجالري ^^

ماشالله .. صج صج فنان ^^

تظليلك فنان و متقن خاصه رسمه السفينه .. بس للأسف الصوره مغبشه و مو قادره أدقق النظر فيها @@

و بالنسبه حق الرسمه إذا كانت بحجم أكبر من السكانر .. ليش ما تسوي لها سكان على أجزاء
و بعدين تدمجهم بالفوتوشوب

إذا تحتاج لمساعده في دمج أجزاء رسومك خبرني و راح أساعدك باللي أقدر أخوي

لأني متحمسه جدا اني أشوف رسومك بشكل أوضح من شذي و أتعرف على اسلوبك بالرسم و التظليل

و انشالله نشوف لك رسوم جديده أكثر

[DonMusallam]

بالنسبة لإدخالها على أجزاء ، انتي عارفة ان رسم الفحم مو مال نطوي الورقة لأن راح يخترب...

و انشالله بس أصلح السكانر راح أدخل الرسمات كلها و أحطها وهي واضحة

[لوجــــــين]

بالنسبة لإدخالها على أجزاء ، انتي عارفة ان رسم الفحم مو مال نطوي الورقة لأن راح يخترب...

و انشالله بس أصلح السكانر راح أدخل الرسمات كلها و أحطها وهي واضحة

انا ما قصدت تطويها ..

انا قصدي تدخلها السكانر بدون ثني .. و كل جزء تصوره بروحه مثل انك تصور لي اياها من فوق الجزء اليمين و الجزء الأيسر و من أسفل الجزء الأيمن و الجزء الأيسر

يعني تصورها على أربع أجزاء بدون ما تثني اللوحه

و انشالله يتصلح السكانر

[DonMusallam]

أها ، راح أجرب...

بس ما أعتقد تطلع عدل.... لكن أحاول انشالله...

[DonMusallam]

و هذي رسمة ثانية انشالله تعجبكم

[DonMusallam]

هذي الرسمة إهداء خاص مني لكايتو ، و آسف إذا ماكانت ذاك الزود انا كنت مستعجل و انا أرسمها...



انشالله تعجبكم

[كايتو]

كل هذا وانت مستعجل ؟؟... ...

يارجل ..ما شا الله الرسم متقن جدا معاك ..حتى لو مافي الوان لكنه دقيق صراحة.......وفي رسمة السفينة ( شكرا لك ) واضح انك ركزت على الواقعية ....وبحكم خبرتي بالرسوم ثلاثية الابعاد فاختيارك لأبعاد الصورة ممتاز جدا ....واقول هذا بدون مبالغة اطلاقا .....

احسنت يا احمد......والى الامام...وموفق