أبطال الألعاب على الـ PS1/2 - تقرير × نكت

[darkitp]

هل تعلمون ان للجرائم موديلات .. والإيتيكيت واجب

يعني ان تقتل شخص .. لها آدابها وقوانينها المحترمة .. واكبر دليل هو من الألعاب ..

ونحنا عندنا

لعبة مافيا ... تومي أنجيلوا
اللعبة تدور في مدينة Heaven City
يلعب فيها شخص اسمه تومي ... بدا حياته في الفقر .. لكن بعد الإنضمام إلى ساليريس
صار في أفضل حالاته (يعني بالعربي الفشخة ) يطلع حرته في الناس ويغسل فيهم الأرض :vereymad:
عندنا في مجتمعنا من لا يقدر انه يضرب اي واحد ... فيروح ياخذ اللعبة و يطلع حرته فيها

لعبة القاتل المأجور ... Hitman
للآن لها جزئين .. لعبتهم وحتى الحين ما فهمت وش حلوو فيها ؟؟
المهم القصة لها ان الرجل الموجود و يسمى كود 64 له حالة ارهابية خاصة في القتل..
وهو مطور جينيا .. مثل مسلسل Dark angel ؟؟ .. أول مسلسل Mutent X ؟؟
المهم زبدة الموضوع انه خبير يعني عنده اتيكيت ... وموتاه يرتاحون
... يا سلام .. افضل قاتل (يعني بالهندي العربية .. واجد رفيج زيين )


سوليد سنيك في لعبة ميتال جيير
يسمونه في العربية الفشخة الحنش الصلب
حنش صلب .. بصراح اللعبة لها فيها ... و اللي يقتلهم من أجل الخير
الغريب في اللعبة انه يقتل كيبة كاملة من الجيوش ... لكن لما حد يقابله الله يعينه
يعني أي واحد يحاول التصدي له (يلقى ما لا يرضيه )
الحبيب سوليد سنيك له معجبين في منتدى التجسس ...

جيمس بوند
الرجل اللي ماخذ عقل نص بنات العالم .. أنا أبي أفهم شو يعجبون في ها الوجه
هل هو مرح ؟؟
معروف انه غني .. و له جاذيبة و هو شخص أكشن من طبعة ..
اللي ما يعرف حياته الشخصية .... لكم الملخص بالعربي الفشخة
هو يعمل لصالح ملكة انجليند (يعني انجلترا ) ..
وهو العميل السري الوحيد اللي ما يموت أبدا
الغريبة انه ما يموت ... يعني اللي ماتوا .. كل العملاء السريين ماعدا 007...
و الرقم عجيب شوي .. 007 .. يعني هل بالمعقول ان في 999 عميل سري ؟؟
المهم .. خلصنا من شبس بوند

جيل فالانتاين
احلى شخصية نسائية قتالية عرفتها في حياتي .. طبعا في لارا كروف لكن جيل قديمة
جيل فلانتاين ... حبيبة الملاين .. وهي الناجية الوحيدة من مدينة راكون
ليش بعني ما تموت قطوة بتسعة أرواح ؟؟
انا الي أستغربة .. ان كل الزومبيز اللي عضوها ..ومصوا دمها .. وللحين ما ماتت ؟؟
او تحولت مثلهم ... ولما تموت يكتب لي جيم اوفر ... طيب ليش على الأقل ألعب فيها وهي زومبي ... مو صحيح كلامي
هل تعتقدون انها تكمل اللعبة في جزء جديد في البلاي ستيشن توو ؟؟
اللي قهرني انهم حطوا شخصيات تقرف الواحد خاصة في آوت بريك و ديد آيم :vereymad:
قولوا آمين أنهم يحطونها في جزء جديد

لارا كروفت
البنت المشاغبة في نظري ... وهي اللي عندها روح المغامرة و اللي خطفت عقول الكبار قبل الصغار ... أولهم أخوي اللي عمره 31 ...
هل هي جميلة لهذا الحد .. طيب مو مشكلة ليش عملوا لها كل الدعايات ..
وفي الأخير ماتت (اتساءل فقط )
هل بحثت شركة Eidos عن عمل ثاني ...
عني في مطعم بلدي للشاوارما اسمه Eidos ؟؟؟
هل يعيدون في اللعبة في شخصية جديدة ... ؟؟ وتساؤلات لا تحصى...

هذا اللي عندي من حصيلت اليوم .. اللي عنده شخصية من لعبة اشرشحها .. يقولي وانا حاظر ... ^_^

أتغداهم .. أقصد أتحداهم

باي

[TEDUSE 1=BAGGIO]

ههههههههههههه حلوة اخوي .

اوكي شرشح لي :

دارك انجل ( المسلسل )

ديفل ماي كراي .

بافي .

و شخصيات دانستي واريور .

[Son_OF_Liberty]

تعليقك على سوليد سنيك جميل الصراحه<<<<<<<<من المعجبين بسوليد سنيك

جيمس بوند

غريبه فعلا ....واحد شايف حاله ومسوي جميل <<<<<مدري على وشو

جيل فلانتاين
شخصيه رائعه الحقيقه

لارا كروفت
تصدق والله ماادري انها ماتت

والا لو دريت رحت عزيت اخوك

ومشكووور اخوي على الوضوع

[Angel- lady]

لا حلو الموضوع << ما لها خلق تسوي التصويت

اللي قهرني انهم حطوا شخصيات تقرف الواحد خاصة في آوت بريك و ديد آيم

أنا معاك في الديد أيم ، عجبني بس مارفيوس بو كعب أما البطل و الثانية ، صج لاعة جبدي على ما أخلص اللعبة >_< ، بس الأوت بريك حلو ^_^ أليسا و كيفن أحلى إثنين <<< شفت الصور للحين ما لعبت

قولوا آمين أنهم يحطونها في جزء جديد

لأ .. إنشاء الله ما تطلع يـــــــــــــــــــا رب
أنا ما أحبها

[darkitp]

مشكور على المرور الجمل
لكن وين الطلبات ؟؟
مو مشكلة ..
طلب تيدوس .. ^_^

دارك انجل ... ماكس
الملاك الغامض ... من المسلسل تقول انه من جروووب مسلسلات الرعب ... لكنه من مسلسلات الاكشن فكشن طبعا هي في المسلسل لها الجمال الخارق ... و أكيد قوية ... مثل ما قلت بالأول انها مطور جينيا
وهي تعتبر من Freak Nation أو الامة الشاذة ... والمتحولة
الكل يشوف المتحولين من المخلوقات الغريبة ... و أكيد أول ما ظهروا للعالم ... قالوا :
اوووووووووه مخلوقات فضائية أو وحووش ....

طيب مو مشكلة ... انا اللي أستغرب منه ان الكل له ميزة خاصة ...
(ومواصفات حشا بالله تقول كمبيوتر )

واحد عنده منظار في عينه ... والثاني ينط لمسافة 10 متر .. !!! حشا مو عادي سوبر

المؤسف في المسلسل أنه ما اكتمل .. ووصلوا للحلقة 21 من الجزء الثاني ... يعني الحلقة 43
و كل السبب من مخرجها (مخرج فيلم التايتانيك ) جيمس كاميرون ...

انا ارتفع ضغطي لما عرفت ان المسلسل ما راح يكتمل ...
بس ادعوا وقولوا يجي حد بدله و يكمل المسلسل الروعة ^_^

وعلى الفكرة اللعبة ما لها علاقة مع المسلسل .. وهذا اللي عجبني في اللعبة .
لكن الشكل مقرف بشكل ... حد شاف الوجوه ؟؟؟ حد يقولي بس ويقنعني ..
من وين جايبين الأشكال هذي .. أصلا الشخصية الموجودة لماكس لا تشبهها ابدا

ديفل ماي كراي ... دانتي
من أسم الشخصية .. يوحي بانه من النوع الشرس جدا جدا ..
لعبت الجزئين .. لو أحد شاف الجزء الأول يجي في القلعة الكبيرة .. و اهم فقرة هي لما السيف يخترق جسمه .. يا اخي مو لعبة هذي .. سيف طول و عرض ويدخل فيه .. دخله عفريت يقول آميين
انا اللي قهرني شكله ليش خلو شعره باللون الأبيض ؟؟؟ ها الكثر شايب ...

أما بافي ما لعبت اللعبة >_< ..
أما المسلسل روعة وما ناقصه شي ... بس شوي مخلل و كمون و يستوي لذيذ
اللش أستغرب منه حالة كل من آنجيل و بافي النفسية ... >_<
والله يغمضون الواحد خاصة من الحلقات اللي يشوفها على توو ...
يا اخوان .. و يا أخوات ... ترضون اللي صاير يعني احلى ثنين و يتفرقون
عين طلحت عليهم ...

دانستي واريور
من اللإسم محاربي الأقدار ... ما كأن مسلسل رجل الاقدار مأخوذة من اللعبة
المهم ... الشباب و الصغارية طايحين في اللعبة ... والكل معجب لها .. و أيضا لها
معجبيها في منتدى الألعاب القتالية ...
وهي حلوة لما حد يرفع ضغطك ... تروح و تقتل كم ألف جندي و تريح بالك

هذا اللي عندي .. واللي عنده أي لعبة أشرشحها حاظريين

و العفو شبيب <--- القصد شباب وشابات

أوكيه بايز