وأخيرا انهيت MGS : TTS ورأيي النهائي بالداخل

[aoks]

بسم الله الرحمن الرحيم

وأخيرا اليوم انهيت هاللعبة

طبعا اللعبة بشكل عام رائعة ... لكن في اشياء قللت من قيمتها >< ..

اقدر احصرها في ثلاث حاجات بس ..

1- الموسيقات كلها ما تقارن ابدا بموسيقى وحده من موسيقات ميتل جير 1 على البلاي ستيشن1.. طبعا إلا موسيقى الهروب في النهاية وموسيقى الكاست ( كلهم من الجزء الاول اصلا)

2- الرسوم >< .. صراحة رسم العروض فيه اشياء مضايقتني .. ما توصل مستوى 2 ..مثلا..في غرفة التعذيب .. شوف شعر ريفولفر .. حاطينه انه قطعة وحده .. اما ميتل جير 2 فالشعر تشوفه كأنهم صمموه شعره شعره..

3- والاخير والأهم .. الأداء الصوتي ... صراحة صوت سنيك كان رهيب ولا غبار عليه لكن صوت النينجا >< .. قاهرني .. صوته في ميتل جير 1 احلى ..

الايجابيات :

1- عروض رهيبة جدا جدا جدا ( السبب الرئيسي لشراء اللعبة )

2- تعدد الأسلحة واهمية استخدامها .. بعكس ما رأينا في ميتل جير 2 بحيث تستطيع الاكتفاء ببعض الاسلحة..دون القاء نظرة على الأخرى..

3- الكودك ... هو صح حق الجزء الثاني ثلاثي ابعاد وحلو .. لكن يبقى هذا الكلاسيكي ممتاز

تقديري النهائي

90% ..

صح ارتفع كثير عن قبل .. لكنها رائعة

[Trapped Inside]

امس رحت لصحارى اخذ الاكس بوكس من عندهم (كان خربان)بس للاسف سعر التصليح كان اعلى مما توقعت..


وما قدرت اشتري اللعبه بس الحين قاعد اصرف نفسي بننجا جايدن..

بالمناسبه راعي بيت الكمبيوتر يقول ان شحنه بوكيمون كوليسيوم بالمطار يعني كلها يومين..ويصير عندي..بس للاسف متل جير لازم ينتظر..

بس ما كأن بوكيمون نزلت بسرعه؟؟..


ومشكور على المعلومات حمستني اشتري اللعبه ^__________^ خصوصا اني ما لعبته ولا جزء متل جير..

[old school]

1- الموسيقات كلها ما تقارن ابدا بموسيقى وحده من موسيقات ميتل جير 1 على البلاي ستيشن1.. طبعا إلا موسيقى الهروب في النهاية وموسيقى الكاست ( كلهم من الجزء الاول اصلا)

الموسيقى صحيح لا تقارن بالجزء الاول لكن ما زالت موسيقى جيدة ولا بأس بها

2- الرسوم >< .. صراحة رسم العروض فيه اشياء مضايقتني .. ما توصل مستوى 2 ..مثلا..في غرفة التعذيب .. شوف شعر ريفولفر .. حاطينه انه قطعة وحده .. اما ميتل جير 2 فالشعر تشوفه كأنهم صمموه شعره شعره

..

الرسوم ليست بمستوى ميتل غير 2 والسبب واضح لان هيدو كوجيما ليس المصمم لذلك قد تجد بعض الاخطاء البسيطه لكن الرسوم بمجمل عام ومقارنة بالعاب وقدرات الجيم كيوب ممتازة

3- والاخير والأهم .. الأداء الصوتي ... صراحة صوت سنيك كان رهيب ولا غبار عليه لكن صوت النينجا >< .. قاهرني .. صوته في ميتل جير 1 احلى ..

عكسي تماما فقد اعجبني صوت النينجا والاصوات ممتازة جدا ولا غبار عليها ابدا

الايجابيات :

1- عروض رهيبة جدا جدا جدا ( السبب الرئيسي لشراء اللعبة )

2- تعدد الأسلحة واهمية استخدامها .. بعكس ما رأينا في ميتل جير 2 بحيث تستطيع الاكتفاء ببعض الاسلحة..دون القاء نظرة على الأخرى..

3- الكودك ... هو صح حق الجزء الثاني ثلاثي ابعاد وحلو .. لكن يبقى هذا الكلاسيكي ممتاز

تقديري النهائي

90% ..

بالنسبة للعروض فهي كما قلت اكثر من رائعه بل هي ممتازة جدا جدا واحد اسباب شرائي للعبه

كذلك الاسلحه واستخدماتها راائعه كما قلت

والكودك يعجيني كثيرا بشكله الكلاسيكي

وتقديري النهائي :

98%

[dark side]

وانا انهيت الشريط قبل ساعه والله لعبه روعه وصراحه الي ما لعبها طوف افضل لعبه شفته





وشكراا

[BU_MUHANNAD]

مبروك على انهاء اللعبة , وانا بعد انهيتها وعقبال البقية

[theway]

انا خلصته قبل شوي ^_^

و الله من الحماس بغيت اموت >_< ( انا حلفت )

،،،

شفتوا كيف ورونا وجه الننجا ، و بعد كان عنده مسدس ،، من متى كذا ، ما كان عنده بالجزء الاول .

بالنسبة الى المسيقى :

انا كنت معاكم بالبدية ، المسيقى الاولى احلى بس هذي بعد حلوة ،،، بس الحين لاحظت ان حتى المسيقى القديمة موجودة بس remix و طالعة احلى ،، اتوقع لو تبي تطلعها لازم يكتشفوك بالـ( انفرا رد ) ،، لو جندي اكتشفك ما تطلع .

بالنسبة للكودك :

انا احس الكلاسيكي احلة ،، عشان الجديد يخليك تحرك الشخصيات و تنسى شنو يقولون .. و ترى هذا الي موجود غير القديم ،، هذي صورة للمقارنة ، بس ما في فرق كبير يضل الكودك الكلاسيكي المميز :



زين ،،،

شفتوا المقطع الي سنيك يجمل سيف الننجا ،، توقعت ان بنلعب بالسيف ( بغت تطلع روحي من الحماس ) ،، بس بالاخير ما نستعمله >_<

مع العلم ان انا خلصت الجزء الاول اول ما نزل ،، مع كذا متحمس للعب هذي كأنها لعبة جديدة .

انصح كل الي احد يلعبها ولا بتفوته احلى لعبة لعبتها بحياتي ،،


و اعطيها تقدير 98% ( الي خربه شعر الشخصيات ،، ما عدى سنيك )

---

و صح ،، الشيء الي كان يعقدني طول الوقت ...

لو نقدر نلعب بالننجا ولا لا ،،، طلع اي

و حتى بميرل

بس اوتكون لا ، مين يبيه

و حتى في تكسيكو سنيك ، نفس سنيك اول ما تبدأ اللعبة لمن يكون لابس ثياب غوص ،، ما في فرق بس مش حالك ، حلو

تحياتي ،، theway ^_^

[aoks]

النينجا كان معه مسدس بالجزء الأول

[theway]

متأكد


يمكن صح ؟؟؟

ترى انا ما اذكر الاول عشاني خلصته اول ما نزل ،، و كان عمري 9 >>> تخيل واحد عمره 9 يلعب لعبة 17 و فوق

اعذروني لو تلخبط شوي

[dark side]

صح عنده المسدس من اول حتى ان نفس السلاح 100%

[theway]

انا كتبت :

و حتى في تكسيكو سنيك ، نفس سنيك اول ما تبدأ اللعبة لمن يكون لابس ثياب غوص ،، ما في فرق بس مش حالك ، حلو

طلع انه تلعب بسنيك لابس اثياب جيمز بوند طالع متكشخ

انا خلصت اللعبة مرتين و لعبت فيه ،، بس ما سألوا لو تبي العادي ولا المتكشخ ،، تتوقعوا كل مرى نبي نلعب فيه لازم نخلص اللعبة مرتين

[aoks]

ايه لازم كل مرة تبي تلعب فيه تخلص اللعبة مرتين

[theway]

آخخخخخخخخخخ ....... مشوار ،،

يعني ميرل و الننجا نفس الشيء ،، يا الله ...

شكلي بسوي اكثر من تسجيل >>> لو وسع الممري كارد

،،

صح ،،

باللعبة لمن رحت حمام الرجال رحت صورت المراية الي في النص ،، لمن رحت اشوف الصورة ... طلع صورة واحد لابس نظارات بالمراية ،، استغرت رحت النت و شفت في موقع كاتب ان في 14 محل لو صورت فيه يطلعلك صورة رجال من الي شاركوا في صنع اللعبة ....

حلو صح ،، روحوا جربوا

[theway]

اسف انا قلت 14 طلعوا اربعين >>> شفيني مخرف هذي الايام ،، يمكن متل جير حمسني بزيادة و صرت مخرف

[Snake-87]

هاي شباب
أنا خذيت الشريط يوم الاثنين وغبت عن المدرسة وجعدت من الصبح ألعب خلصته ب8ساعات
وصراحة كان عجيب لدرجة
بس أنا أعطيه 99% لأنها قصيرة جدا جدا
والباقي زي الفل