بخصوص الستريم لود

[QataR NighTMarE]

السلام عليكم شباب
انا بغيت اشترك بالستريم لود http://www.streamload.com
لكن للأسف متردد فبغيت نصيحتكم
فأنا محتار للأسف
مو عارف اخذ اي اشتراك
في الكثير من الأشتراكات
ال1 جيجا وال 10 جيجا وال60 جيجا .... الخ
مو عارف وش اختار لأن ملاحظ ان اغلب الأعضاء ياخذون 10 جيجا بس بنظري ذي قليله
فالأنمي الحلقه الواحده تقريباً حجمها يكون 200 ميجا بايت يعني راح انزل 50 حلقه فقط بالسنه !
وفيه انميشن يوصل لـ 60 حلقه واكثر
فشلون انزل الباقي لو انتهت العشره جيجا ؟
والأشتراك بأي عمله
الدولار او ايش ؟
وشنو ممكن احصل بالستريم لود
انا حالياً اتطلع للحصول على D.N.Angel و GTO و Ranma كبدايه فهل من الممكن اني احصلهم بالستريم لود
ولو خلصت المساحه المطلوبه بكم اقدر اخذ مساحه زياده ؟
يعني بكل اختصار بغيت شرح مفصل وممل للستريم لود لأن خلفيتي عنه بسييييييطه جداً جداً جداً
وشكراً مقدماً
اتمنى الرد بسرعه
وعلى فكرة انا عندي كريديت كارد فيها 300 ريال تقريباً فهل تكفي ؟

[Framed Love]

اذا كنت من النـوع اللي ينزل كل يوم .. انصحك تاخذ 15 جيجا لـ 25 جيجا ( هذا اذا كنت تبي تنزل حلقتين يوميا ) .. و على فكرة , مو شرط ان الحلقات توصل لـ 200 جيجا للحلقة الواحدة , حيث ان بعضها ممكن يكون على الريل و طبعا هذا الشيء يحدده الشخص اللي انت راح تطلب منه .. ممكن توصل للحلقة الى 50 جيجا بس صدقني الجودة و اعطيها 10/10 ..

بالنسبة لو خلصت المساحة , عندك حلين .. اول حل : لا تحمل شيء آخر الى ان يبدأ شهر جديد مع مساحة 15 جيجا جديدة .. الحل الثاني : هو ان تسوي Upgrade لإشتراكك حيث ( يعني اذا كنت 10 ججيا , تختار 15 أو 25 جيجا أو 60 أو 125 جيجا ) يعني لازم تختار واحد من هالإختيارات .. و تدفع الفرق لهم .. و لما ترفع درجة اشتراكك الى اي من الخيارات السابقة .. راح تكون كألغيت العقد القديم بينك و بينهم اللي هو 10 جيجا و كتبت عقد جديد مع مساحة جديدة و انت مطالب بدفع المال لهذي المساحة الجديدة بالسعر الجديد .. مـع العلم بأن السعـر بالدولار

.. بالنسبة لـ 300 ريال اللي معاك .. فهي تساوي تقريبا 80 دولار .. و مع تحويلي العملة بسعر السوق " اليوم " كانت النتيجة انها تساوي :82,4178

.. بس انا انصحك .. جرب لشهر .. اذا عجبك سجل معاهم شهر ثاني .. يعني لا تسوي عقد معاهم لمدة سنة خله على الأشهر ..

في الستريم لووود , تقدر تحصل على اشياء وايدة , ما اقدر اعددها لك هني .. كل الأنيميات و ممكن الأنيميات النادرة تلقاها القديمة .. اليديد كله موجود .. و هو من المجموعات ترالجمة .. اللي نعرفها و اللي ذكرتهم تقدر تحصلهم من مواقع متخصصة فيها منتدى تقدر تطلب فيها اللي تبيه و هو يوفرون لك اياه .. مع العلم ان كان فيه موضوع من مدة للأخ القعقاع و الأخت Empress UAE أظن و كلاهما مشترك بخدمة الستريم لوود و كانوا يوفرون للأعضاء احتياجاتهم من الأنيمي .. فقط يطلبون من الموضوع و الأخوة يوفرون لهم طلباتهم ..

و اي خدمة ثانية , انا حاضر

[QataR NighTMarE]

تسلم ماقصرت انا بجرب لشهر ^^

[QataR NighTMarE]

زين اخوي فريميد لوف انت مسجل ؟

[Empress uae]

أخوي ولد البوكواره أنا أنصحك بالإشتراك ب 25 ألف ميجا بايت، (25 جيجا) و هو تقريبا 100 درهم و تحصل على بين 35 إلى 40 سيدي. و هذا كله في شهر واحد فقط و أتمنى أني انصحك بعد في استخدام برنامج معين للسحب (Download Accelerator Plus) حتى لو أنقطع النت في قابلية لأكمال السحب و ليس سحبه مرة اخرى و ضياع حسابك و في نقطة مهمة يجب أن تعرفها و هي كيفية إعادة سحب الملف من صفحة معينة من الستريم لود.


إذا أحببت في المزيد من الإستفسار أنا حاضرة إن شاء الله.

[QataR NighTMarE]

مشكورة اختي وانا بسوي اشتراكي على حسب الأشياء اللي انا ابغيها
وبخصوص الداون لود اكسليكيتور فأنا استعمل فلاش جيت وبالنسبه لي وللكثير الفلاش جيت هو الأفضل
وبخصوص كيفية اعادة التنزيل فقريت عنها بالموقع وعرفت كيف اسويها ومدتها 5 ايام فقط ;(

[Framed Love]

زين اخوي فريميد لوف انت مسجل ؟

كنت مسجـل .. اللحين , اشتري الأنيميات دي في دي .. اريح

[alamal13]

حبيت اراويك احد المواقع اللي ممكن تطلب منه انمي بكل سهولة...
http://www.otakusavior.com/episodes.html

[QataR NighTMarE]

مشكور فريمد على الرد على سؤالي ويعطيك العافيه
مراقبتنا الأمل مشكوره على الموقع بس ممكن تشرحين لي شلون اطلب ؟

[Empress uae]

موقع آخر لطلب الأنمي و الدراما و المانجا

http://www.ephemeral-dreams.com/forum/index.php

يجب أن تكون عضواً و الحساب مجاني.

حظ موفق و تحياتي لك.

[QataR NighTMarE]

جزاج الله خير على الموقع

[Empress uae]

العفو أخوي و نحن عند الخدمة