لعبة التداخل

[Blue..Moon]

بسم الله الرحمن الرحيم
هذي اللعبه فكرتها هي أنك تختار عدد من الاعضاء اللي أشكالهم معروفه وتقدر تختار 2 كحد ادنى وكحد اقصى لك حرية الاختيار في العدد اللي بتحطه وترسمهم في شخص واحد يعني تدمجهم وتسويهم شخصية وحده ولتوضيح اكثر شوفوا الرسمه :
بالنسبه للولد اللي في الرسمه الأولى انا دمجت ثلاث اعضاء فيها وهم:
شارب ايز ، ديكو ، سنيك.
اما البنت في الرسمه الأولى دمجت فيها عضوتين ثنتين وهم: مس كمينو وشادوكات
اما الرسمه الثانيه فاحزروا انتوا من الأعضاء الثلاثه اللي دمجتهم
واتمنى اشوف منكم رسومات ومشاركات طيبه .

[john5]

أهلا بلو كيفك ^^ ؟
فكرتك حلو حيييييييييييييلف و مادري كيف طلعت منك ^^ .
من ناحيت الرسمه ههههههههههههههه حلو الرسمه و الفكره جميله جدا ^^ .
من ناحيه الرسمه الثانيه أهم . . . و خلي الاعضاء الثانين يحزرون .

[bloody widow]

سلام
فكره حلوه ...ورسمك مره حلو
وهل القصد يعني اشكالهم معروفين للاعضاء من الايكونز تبعهم يعني ؟!

[john5]

يعني ترسم شخص و تخليه فيه شي يمتاز به عضو .
بس ^^

[SolidSnake85]

هلااااا بلو مون
هممم...فكره عجيييييييبه....وأتوقع العديد من المشاركات
بالنسبه للأولى...شكرا على رسمج لي
بالنسبه للثانيه.... أعتقد انج ذمجتي في الرسمه شاهين ورانماسوتوم ويمكن رالف
بس حلوه الفكره والله...محد فكر فيها من قبل
أتري مشاركات باقي الأعضاء...وانشالله لو فضيت للرسم بحاول أشارك برسمه

[Flashanime]

شاهين رانما و هارد روك

[Hard Rock]

هاي بلو موون .. كيف الحال ؟
موضوع حلو هذي والله
والرسومات اللي حطيتيهم كووول
خصوصا اللي فيها ديكو وسوليد و شارب
والأخيرة اللي طالع فيها شو ههههههههههههه حلوة بعد

أفكر .. اذا بادمج شخصيات من بختار ...

[Maytham]

سلام عليكم ^^

بلومون .. موضوع روعه ! .. عاد آنة كنت راسم سكيتش صارله جم يوم .. و كنت خالط فيه ثلاث شخصيات .. و على قولة هارد .. كوكتيل

على العموم .. هممم عندي بس ملاحظة ^^ .. رسمج للأعضاء وايد حلو .. بس يبيله تهتمين بكسرات الملابس و تخلين فيهم شوية واقعية .. أو تفنن أكثر .. و بالتوفيق

[-][HaNa Sun][-]

موضوع رووووووووووووووعة بلومون مايخطر على بال أي حد..

و رسمتج مبين رانما من عقصه و شاهين من الكاب و هارد روك ماعرفته إلا يوم شفت الصرصور على أيده

اما رسمت ميثم ممم ..ما عرفت

[john5]

رسمة ميثم أظنها شارب و ميثم و هارد صح ^^ ؟

[john5]

أوكي أحزرو مين ^^ .

[Blue..Moon]

john5أهلا ديكو^^.
شكرا شكرا لك جوني ردك احلى منهم ثنينهم^^.

bloody widow
وعليكم السلام
شكرا لتعليقك وبالنسبه لسؤالك هو ان يكون شكل العضو معروف الكل يعرفه من شي مميز فيه مثلا زاكس معروف بنظاراته شاهين بالكاب هارد بالصراصير
وهكذا مع الباقي فانت اخذ الشي الواضح في العضو وخلطه مع شي مميز في عضو ثاني ومع مشاركات الاعضاء راح تفهم اكثر ان شالله

SolidSnake85 هلاااااااا وغلااااااا بالعضو العزيز سنيك^^.
الله يسمع منك ويمشي الموضوع ولايصير مصيره التطنيش مثل باقي المواضيع اللي بالمنتدى ـ.ـ
عموما العفو وتخمينك نص صح فيها شاهين ورانما بس مو رالف اصلا ماعرف شكله للاسف حاول مره ثانيه**
وشكرا لك من جديد وردك احلى من الموضوع^^.
يلا اتري مشاركتك بفارغ الصبر....ياترى من بتدمج؟؟

Flashanime
انت صح^^.

Hard Rock
هاي هردرد ..انا الحمد لله بكحه وسعال بس انت وينك من زمان خفت بس صاير لك نفس اللي صار باشتراكي الاولي..
تانكيو تانكيو عيونك الحلوه اللي تشوف كل شي حلو^^.
حتى انا عاجبتني هذي اكثر شي**
وبالنسبه للاخيره بس هذا اللي عرفته؟؟شووووو؟؟؟كملت وحزرت الباقي ـ.ـ
عموما انتظر دمجك للشخصيات بفارغ الصبر عاد عوض غيبتك الطويله بمشاركات كثيره^^.

-][HaNa Sun][-
ثااااااااااااااااااااااااااااااااااااااااااااااااااااانكيوووووووووووووو هانا سان ^^.
والله انا خفت ان ماحد يعرف رانما فخليت هارد لابس ملابسه وهارد توقعت تعرفونه من وجهه بس عشان لاتحسبونه كميثم رسمت له الصرصور
كيوت ها؟
اما رسمت ميثم عرفت اثنين والثالث مو متاكده منه

[Blue..Moon]

Maytham
وعليكم السلام ورحمة الله وبركاته^^.
ثانكيو ميثم ^^. مشاركتك اروع بس اتمنى انها ماتكون الاولى والاخيره مثل ماكانت في موضوع التحدي..
وبالنسبه لملاحظتك :
شكرا على المدح^^.اما فيما يخص كسرات الملابس اعتقد اني مو مقصره من هذي الناحيه بس هذي الرسمه بغيت اخلصها على السريع لأني بالعكس
احس اني أبالغ في الكسرات اللي بالملابس وراح تشوف هذا بشكل واضح في الرسمات اللي بالجالري أما الواقعيه فراح احاول في هذا الشي وشكرا على
ملاحظاتك لاتحرمنا منهم ^^.
أما كوكتيلك أعتقد ان الشخصيات الثلاثه هم:
انت ((ميثم))، شارب ايز ، والثالث مادري ممكن شاهين او رالف..

john5
ثانكيو على المشاركه اخي العزيز
بخلي الاعضاء يحزرون لأني عرفتهم في البيت^^.

[Blue..Moon]

هذا الرد للرفع

[L.B]

فكرة جميلة جدا
يجب ان تستمروا