اهلن اهلن اهلن ومرحبن بكم اعضائنا الكرام في برنامج سرداح مرداح برنامج انتم نجومه.. :icon6:
ومعنا في هذه الحلقه النجم الخطييير المرعب الفنان الرائع..((وجع ذا شكله زومبي موب مطرب))
سعيداااااااان...
في لقاء يستمر لساعتين على الهواء مبااشره من اذاعة منتدىFM فأهلن بكم
وسوف نكون سعيدين بتلقي اتصالاتكم على بيجر المنتدى المعروف 1999999
وكذلك الفاكسات على بيجر 1888888
احم في بداية اللقاء نحب نرحب فيك اخ سعيدان ونهنئك على الرجوع..
اهلن اهلن فيك اخوي عكروش يامنعجف..
سعيدان ياليت تحدثنا اكثر عن سبب غيابك وعودتك المفاجاه..
والله يالحبيب انا مالي ذنب سايلنت ايفل هو ارسل لي بالفاكس وطلب مني التوقف لأنه يقول بيطرح الاطاحه بعماد 18 ((قلت موضوع مثل هذا يوقفني انا))
لكن توقف نظرا للفشيله الذريعه وانه ماكو احد مثلي سعيدان وبس والباقي خس.. :ridinghor
والله انك من جنبها ياسعيدان شايف نفسك..
اقول انت ياعكروش جاي تقابل وياي ولا تهزأني :hitwithro
لا بفرق معك كوره..!! اي بقابل معك انت وذي الخشه اللي كنها بطل كتشب مفتوح..
رحم الله والديك انت ويا هالوجه يذكرني بفصفصه محترقه..
لايكثر سعيدان..ونستقبل معنا اول الاتصالات,,الو
الو السلام عليكم..ممكن اشارك
ايه تفضل اخوي
بالله حبيت اكلم الفنان سعيدان..
خذ راحتك لكن ماتعرفنا عليك يالطيب
معك سعد سعبوله..بالله اخي سعيدان ممكن طلب..ياليت تغني لنا انا واخوي سعد بالله..
هي وش فيك انت وانا وش لي باهالغنيه..
مو انت سعيدان..اخو سعد..
اقول عكروش ذا شكله شارب من برادة عالد الامام الصبح..قفل الخط في وجهه.
ابشر ولا يهمك وهذي قفله..مازلنا مستمرين معكم اعزائي المستمعين ومعنا اتصال ثاني..
الو ...
الو السلام عليكم..
وعليكم السلام ورحمة الله وبركاته..مين معي اختي..
معك سها..
((سعيدان)) ياقلبيييه ماودتس تحكين معي..
وانا ليه متصله ياسعسوعتي..
اموووت انا اروح مرقه لا اروح تونه منتهيه سمي عندتس اي استفسارات.. :6147:
اي والله..ياليت تسوي تقويم لضروسك هالمرتزه كنها صدام دتسن منكسر..
وش عرفك انتي الضروس علامة الجمال..روحي طالعي ملك جمال العالم رونالدو..((يالمخفه ذاك لاعب مو ملك جمال))
اعزائي المشاهدين الاتصالات كثيره اليوم نظرا لشعبية سعيدان وايضا الفاكسات وبنتجه الان لقراءة الفاكسات..معنا الفاكس الاول
من ابراهيم..ساكن في حي الربوه ورى بقالة الشامل..اخوي ابراهيم ترى البرنامج مافيه جوايز علشان تعطينا وصف بيتكم يالطيب..ويقول لنا في الفاكس..
والله اشكرك اخوي عكروش على هالبرنامج الطلقه..ويعني ياما طلبنا هالبراامج ونبي برامج مثل برامجك فيها جرأه وطرح موضوعي للحقائق المره..
وحبيت اسلم على الاخ سعيدان وبطرح عليه سؤال..
((سعيدان)) تفضل..
((عكروش)) يالدلخ هذا فاكس مو اتصال علشان تقول تفضل خلني اقرى واكمل..السؤال يقول..
من هي عشيقتك الاولى والاخيره...ومن تشجع من الانديه المحليه والاوروبيه..وهل انت مسلم ولا صهيوني
وسلامتكم >>
ماشالله هذا كرتون حفاظات مو اسأله..((شف التعبير كيف))
والله من ناحية السؤال الاول..اعشق الشاورما كتشب وشطه..لابديل لها
وعلى طاري الانديه المحليه بالطبع اشجع نادي الجراديه مثل ماشفنا مباراته الاخيره مع نادي السكاريب عطاهم بالخمسه..والاوربيه اشجع فريق مفك 14 الالماني..
وسؤالك الاخير صعب مافي اختيارات..؟؟
الف شكر لك ابراهيم والان نتنقل مع فاكس ثاني..
فاكس من فيصل..ويقول فيه
ارحب بالساده الكرام وامسي على الضيف العزيز سعيدان وحبيت اساله اسأله مباشره..
هل انت تحب التفحيط..وكم تجيب من عقده..تعرف تستفهم..وعلى كم تنطل..وش افضل الشوارع في رأيك..مره فحطت وندمت فيها..
احم احم..اخوي فيصل اشكر لك على هالاسأله المباشره غريبه ما اخذتها art :7:
والله التفحيط لعبتي..والدوريات عقدتي..والسفتيات محبوبتي..والجلنط طات فكرتي..
الله الله بيت قديم كنت اردده ايام على التفحيط وانا صكيت الرقم القياسي في العقد عام 19 وصفرين حيث اني جبت 7 عقد وختمتها بعكسيه في مقلط الجيران ..افضل الشوارع اقول يمكن شارع ساسكو لأنه يذكرني بالثمامه حبي الاول والاخير..ومره فحطت وندمت..
اذكر اني ماشي 160 واشوف قدامي ثلاث قطاوه وانا انطل ذيك النطله ابي ادعسهم كلهن لكن للاسف دعست وحده وتحسفت اني تعبت نفسي..وانطل اقل شي على 200 اذا كان فيني النوم..
اممم ومعنا فاكس هنا من انسانه معجبه على حد تعبيرها,,تقول
منهي افضل مطربه..وماذا تفضل لها من اغاني..
الجواب لك سعيدان..
والله افضل مطربه احب اسمع للمطربه نوف عجره..وخصوصن اغنيتها
يااااااااي شو هالريحه الفلتانه..اول ماشميتها دمعت العين
اعزائي المستمعين نذهب لفاضل اعلاني ونعود لكم فورن..
------------------------------------
بالله محمد عطني رقم جوالك..اوكي سجل عندك
054758885
لا ياسبهه ياحمار..نسيت شي..
وشو.
نسيت الصفر ياغبي..
050
جاكم الصفر وخر عن طريقه..شركة الاتصالات جابت لنا الخيبه
050..
ترقبها في جووالك..وتمتع برقم جوال ذو عشرة ارقام
-----------------------------------------
اهلن بكم مرتن اخرى خوياتي المستمعات..ونعود للحديث معك ياسعيدان..الا وش رايك في الصفر اللي بيدخلونه الاتصالات بعد كم يوم..
والله طاعون يفقع بطنهم عمى يعميهم..يعنبو بليسهم جوال عشر ارقام..!!
بيني وبينك كذا خربو الترقيم..معد يمدينا نرقم..
طيب ياسعيدان تتوقع في متضررين من هالحركه..
اكيد فيه اصحاب رقم 055 وخصوصا اللي فيه بدايته ثلاث حمسات وفوق هذا مسكين اليوم رقمه يسوى له عشرين بعد كم يوم لو يتنازل عنه ببلاش محد اخذه..!!
طيب شكرن لك اخوي سعيدان وقضينا معك وقت ممتع في هالسهره الطيب ..
اقول لايكثر وقفل البرنامج بس..
المشاركة الأصلية كتبت بواسطة $الخليجي$
..
لكن لازم نرجع البزرنجي سعيدان..فلازم نجيب طريقه نرجعه لكن تحرى الجديد بعد كم يوم وصدقني بيعجبك 
