غزال و ما يصيدونه و ما لاحه سهم صياد
يصيد بنظرة عيونه هيهات و حلم ينصاد
شفته و صوبت سهمي و بعيونه انصبت انه
بسهم مسحور صوبني و من عنده شكيت انه
رماني و صوب الدلال... سحرني و سلمت بالحال
غزال... غزال... غزال
و ما يصيدونه
* * *
لا صايد و لا مصيود يسألني بعد وينه
غزال و يرعى بالجنة وسهامه بطرق عينه
عيونه من سواد الليل و كل نظرة سهم جارح
و من خده الورود تغار و شعره بلا مشط سارح
غزال... غزال....غزال
و ما يصيدونه
* * *
فز من رميتي و هاجر أصيل و راح من ايدي
و شقد حاولت ألقاه هلال و غاب من عيدي
ياريت الجرح ميطيب و أظل اني على هالحال
أبقى بحرقة صوابي حتى اتذكر الجتال
غزال...غزال...غزال
و ما يصيدونه
غزال و ما يصيدونه و ما لاحه سهم صياد
يصيد بنظرة عيونه هيهات و حلم ينصاد
شفته و صوبت سهمي و بعيونه انصبت انه
بسهم مسحور صوبني و من عنده شكيت انه
رماني و صوب الدلال... سحرني و سلمت بالحال
غزال... غزال... غزال
و ما يصيدونه
Re: غزال - كلمات عزيز الرسام- الحان و غناء كاظم الساهر