باب لمن يعرف شين مو (مكان مكان)

[كوتو موتو]

الرجاء هنا بعض الاسئله
1-هل هناك اكثر من نهايه واحده لان النهايه حقتي كانت سخيفه لانه ماقضى على لان دي
2-هل استطيع التغلب على ذاك المجنون من اول لقاء معاه عندما ياكل التذكره
3-منهي ذيك البنت اللي دايم تجيه بالحلم اللي لها جدايل
4-هل هناك اجزاء سابقه لشين مو
5-ماهي قصه شين مو2 ومتى تصدر بالانجليزي
6-يقول مصممي شين مو ان شين مو 2 ستكون اكبر من شين مو 1 بعشر مرات فهل هذا يعني انها ستصدر على اربعين دسك مثلا?: ::



(شكرا على الرد مقدما)

[ريفالدو]

1-لا
2-نعم
3-نازومي
4-لا
5-القصة تصير في هونج كونج اصبر وشوف
6-؟؟؟؟طبعا لا

[STRIDER]

هلا ...... خذ الردود :

1- لا ، النهاية واحدة ...
2- لا ، لا تستطيع التغلب عليه ، لأن هذا من سيناريو القصة و أحداثها ....
3- لريفالدو ، البنت اللي يشوفها بالحلم ما هي نازومي ، نازومي ما عندها جدايل !!! هذي البنت ما نعرف قصتها حتى الآن ، بنعرفها في الجزء الثاني .....
4- لا ، لا يوجد أجزاء سابقة لشين مو .....
5- لا لا !! مو معقول !! اللعبة يمكن تصدر في أربع ديسكات ..... و أعتقد ان المصممين كانوا يقصدون أنها بتكون أضخم من ناحية التفاصيل و الأحداث راح تكون أكثر من قبل ، يعني كل ساعة تمر عليك في اللعبة راح يكون فيها حدث !! و أكيد في حجم الأماكن اللي راح تزورها في هونج كونج ....... و أكيد في الجزء الثاني راح يقضي ريو على لان دي ، الا اذا قررت سيجا انتاج جزء ثالث !!!!!!!!!!!!!!!!

[ريفالدو]

كتب العضو (STRIDER)

2- لا ، لا تستطيع التغلب عليه ، لأن هذا من سيناريو القصة و أحداثها ....
3- لريفالدو ، البنت اللي يشوفها بالحلم ما هي نازومي ، نازومي ما عندها جدايل !!! هذي البنت ما نعرف قصتها حتى الآن ، بنعرفها في الجزء الثاني .....

2-انا متأكد لأني غلبته بنفسي
3-معليش لاني زمان ما لعبتها فحطيتها على طول نازومي

[STRIDER]

يمكن تقصد انك هزمته عند الميناء ، صح ؟

الأخ كوتوموتو يقصد يوم انك قابلته في محل الأركيد ، يوم يقطع التذكرة بأسنانه ..... في المكان هذا مستحيل انك تهزمه !!!!

[ريفالدو]

لا حبيبي ماني ناسي

عارف يوم واعده في صالة الاركيد وضربته وبعد ماهزمته ما صار شيء بس شرد وما تغير شيء

متأكد100000000000000000% اني هزمته مرتين

[STRIDER]

مرتين !!!! و الله شي غريب !!! ............... لكن أنا متأكد 100 % من ان كلامي صحيح ، و اسمح لي أقول لك انك أنت الوحيد اللي قدر يهزمه !!! ما شاء الله عليك ........

[ريفالدو]

كتب العضو (STRIDER)
مرتين !!!! و الله شي غريب !!! ............... لكن أنا متأكد 100 % من ان كلامي صحيح ، و اسمح لي أقول لك انك أنت الوحيد اللي قدر يهزمه !!! ما شاء الله عليك ........

احس انك مكذبني

[STRIDER]

..... آسف و الله على الكلام اللي فوق ...... لكن ....

فعلا شي غريب !!! أنت أول واحد أسمعه يقول انه هزم الشخصية هذه في المكان هذا !!! أصلا من سينارو اللعبة انك تنهزم منه !!! ......... حاول انك تتذكر !!! يمكن طولت معاه و بعدين انتهى القتال فجأه !!! لكن مسألة هزيمته ......... شي غريب و الله !!!!!!

[STRIDER]

و بعدين يا ريفالدو أنا عارفك و أعرف انك ما تكذب !!! بس يمكن نسيت و الا أختلط عليك الأمر

[ريفالدو]

الحمد لله على كلامك اللي طمني


حتى انا اول ما لعبت اللعبة انهزمت منه بس المرة الثانية قلت خليني اهزمه وبالفعل حاولت اني اهزمه (خزنت اللعبة قبل ما اروح الى صالة الاركيد) قلت يمكن يتغير شيء في اللعبة بس ماصار شيء يعني ماتفرق هزمته ولا لا وانا متأكد مليون في المية وليش ما تحاول انت وتتأكد؟؟؟؟؟


وسلامي

[STRIDER]

تبي الصراحة ...... انا أنهيت اللعبة مرتين ، في المرة الأولى شفت السالفة طولت !! لأني أضربه و بعدين أتراجع على شان الطاقة عندي تمتلي ، فقمت خشيت فيه ضرب ، الين هزمني ، فانتظرت شوي ، و بعدين عرفت السالفة !! انك لازم تنهزم ، على شان يخلونك تشوف قوته !!!

يوم جيت أنهي اللعبة للمرة الثانية ، تركت اليد عنده ، و خليته يضرب لين يشبع ، و بعدين مسكت اليد و كملت !!! ......... و انا ان شاء الله راح ألعابها مرة ثالثة ((فقط)) لأهزمه !! مع إني ما نيب مقتنع أبدا !!!

و شكرا لك !!! على الأقل أنا ماحبيت أخلي الأخ كوتوموتو يحتار !!! لكن انت تقول وش تفرق !! اذن ما يضر !!

......... و ايضا شكرا لكم ........