نصائح لقراءه افضل للموضوع :
1- ان كان خطك (دايل أب ) افصل الخط لان الموضوع وش حليله .
2- ان كان خطك( دي اس ال ) العن والديهم ولاتفصله وخله يقعد بالشهور .
3-ان كان خطك ( رقعه ) خل عنك الرقعه واكتب بخط (سمبل ) لعيون دراكس تيب
4-لاتحط رجل على رجل وانت تقرا الموضوع عشان ماتقهرني تكفى
5- يمنع التحدث عن ملاجئ الاطفال والايتام حفاظا على مشاعر بيغ بوس
6- يمنع الرد بأدب حفاظا على مشاعر سايلنتوخ( ملك المراجه )
7- يمنع وضع ارقام اللوح السيارات حفاظا على شعور منتدى الحراج
*الــمـــوضـــوع*
انتهت الدراسه الله يلعن ام الدراسه وانتظرت النتايج في الجرايد واخيرا طلعت النتيجه ومن كثر ماهي مخيسه لقيت حاطين اسمي من ضمن الاعلانات المبوبه (ام 180 ريال ) ومن زين الطبايـع حاطين نسبتي وكاتبين(( جايب خمسه وثمانين من مين غاش ؟))جتني صدمه عاطفيه ومعنويه قلت لازم اغش يعني عشان اجيب نسبه ولا لازم ادخل مدرسه اهليه بذيك القيمه عشان يطلع اسمي من العشر الأوائل !! حسيت بشعور غريب يراودني ورحت عند امي متشقق يمه يمه تراني نجحت وقسم بالله نجحت .. التفت علي بلفته كلها حنان وفي وسط هالنظره صفعتني ريحه كشنه الله العالم انها كانت ماسكه ( ملاس ) وقالت ايه نجحت عاد رح دور لك جامعه تقبلك واذا قبلوك تعال كلمني ذيك الساعه :confused
جا كلامها كن واحد كاب(ن) علي مويه حاره قلت وش قصدك يمه !! قالت رح انت وبعدين تشوف .. واروح اطامر من هنا ومن هناك ماقبلوني الا قسم اثار ... وانا متخرج علمي وجايب خمسه وثمانين !! يوم عرفت انهم ماقبلوني الا في الاثار واروح للعميد حقهم ماسك لي حصاه قلت شفت ذي قال ايه شفتها .. قلت وش رايك فيها !!قال حصاه عاديه ولا فيها اي شي !!
والله واقلب وجهي على ماقال الرجال .. وارجع للبيت حافي القديمين (( لو يشوفني كاظم الساهر والله ان يقلب اناشيد ويبطل اغاني ))
اقولكم وارجع للبيت وادخل على امي قلت شوفي مستقبلي بيضيع قدامي وابصير عانس ولازم اكمل دراسه ((مدري وش عانس بس احس انها تنفع هنا ))طقتني النفاضه وبدون مافكر قلت الاماركه الجمريعيه
صدّق عاد ابوي .. وسوا كل شي ضبطه لي .. وجا موعد السفر باتسر .. والله واقعد اضف شنطتي ومابقا شي ماحطيته حتى المناكيير حطيته (( محسوبكم مدمن مناكيير ))
واركب الطياره وجلست في اخر كرسي من الكراسي اللي في الوسط ونص ديدي واصل للكرسي اللي جنب الشباك لدرجه ان واحد سعودي نادا المضيف قاله يابن الحلال وش جاب هالقربه فيذاوالله وامشي متشقق واقول للعالم شفتوا ان الدببه لهم اوضاع خاصه .. طول الوقت يركب قدام في اي سياره ولا يركب سيكل << منقهر
وصلنا لبنان ..واشوف الاشكال اللي تفتح النفس واول ماخذت شنطتي في المطار نصيت الجامعه ودخلت للسيكورتي واول ماوقفت عنده مرت من جنبي وحده تشق الوجه من الحلى اللي فيها
رحت للغرفه حقتي واحاول افتح االباب عجزت .. وتطلع لي وحده في الغرفه اللي جنبي تقول شو بيك قلت هو بيك مايفتح (( من اللخمه ماعرفت وش اقول
المهم سولفنا شوي ورحت فتحت غرفتي وحطيت اغراضي وجلست شوي متورط مدري وش اسوي طقني الجوع .. واروح للمدير دخلت عليه قلت ابي اكلقال شو !! قلت جوعان ياعمي ابي اكل وين اروح ؟ (( قروي وماقد سافر )) قال ليك حبيبي إدام الجامعه ((الجيم ام ثلاث نقط ))
واطلع والقى مطاعم قدام الجامعه وكلهم ياكلون وقافييعني واقفين على الرصيف وياكلون ويسولفون وفله انا شفت اردى مطعم واتذكر يبيع مناقيش <<<<< من كبر النصبه يقول اتذكر
واكتب لهم '' من شده التلحيط انني اكتب لكم بهذه الاوراق وقد تسلفت قيمه القلم والورقه من اصدقائي المسيحيه .. تخيلي امي تخيل ابي انني اتسلف من مسيحي بعضا من المال ''
اقولكم عاد خلصت دراسه وارجع لاهلي سالم ولا فيني الا العافيه خدودي غدت حمر من كثر مااكل طماط .. الضاهر انهم يتقهوون بدال التمر طماط
والله واروح لشركات ووزارات وكل شي كلهم يقوولوون مانحتاجك الحين !! ضاقت بي الدنيا قعدت شهرين عاطل .. وقررت اني اتزوج وقلت لابوي ابتزوج قال ضف وجهك اشتغل بعدين تزوج فكرت في كلامه لقيته صدققلت اجل اببني عش الزوجيه الين ما اشتغل .. والله واجيب قشه قشه .. الين مابنيت حمام وصاله وانتم بكرامه ووقفت بناء عش الزوجيه .. وفي لحظه غضب رحت لابوي قلت يبه ابي اسافر تكفى .. قال ليه ؟ قلت تكفى ابي اسافر لامريكا ابي ادرس اخذ ماجستير واجي بشهاده تخليهم يوضفوني غصب عليهم
موعد رحلتي بكره وانا اضبط عفشي .. وانتظر بكره يجي عشان اسافر وماش عيا يجي بكره .. ولله واروح انام عشان يجي بكره بسرعه << نفس بدايه المووضوع
وصلت هناك وانخرطت بالدراسه (( صدقوني بدري عليكم انخرطت ))
المهم قعدوا يعبون راسي ويحشونه بافكارهم الهدامه ويقولون هذا الاسلام وهذا وهذا وهذا انا ماعرفت وش اسوي كل مايقولون شي اقول صح صح صح صح
مايستفاد :
1- نام بكير واصحى بكير وشوف الصحه كيف تصير
2- الثعلب دايما مكار
3- الله يحفظ الاسلام والمسلمين من كل مكروه .. وهالله الله بالايمان لايلعبون عليكم هال وعيين
4- مشكلتي ما انفع انصح انا ووجهي
5- عنوان الموضوع ماله داخل بس ماسكه معي على هالموضوع احس اني بادي اخورها هالايام ... ويمكن اكون شاذ وسويت كل هالافعال
... بلعت كل الأربع سنوات ( من كبر الكرشة 
وعندي سؤال...ليش مسمي الموضوع كذا؟ 
