الان Mobius في Final Fantasy XI

[Blue Ocean]

واخيرا نزلت على البلاي ستيشن2 وانا كنت حالف مااشتريها غير عليه

عالعموم سبب كتابتي للموضوع هو اني حبيت انضم اليكم توي داخل للعبة امس وبسيرفر راجناروك وكل الشكر يعود لاخوي guilty gear على الوورلد باس

وبالنسبة لي الحين انا محارب من الباستوك كنت مونك بس غيرت وظيفتي لمحارب ومن فصيلة الhume او الانسان توي واصل امس من اول بداية لعب الى LV5 (عارف اني باقي صغنون بالنسبة للفلاتكم بس اصبروا علي)

عالعموم ودي احيي كل الاعضاء العرب اللي شفتهم امس وخاصة Kuawitknight

ههههههههههه وبالاخص Roana واقولها سوري عالازعاج بس من جد البنت لاعبة قوية ومجتهدة امس جلست 6 ساعات عاللعبة وخرجت وهي لسه باقي

اوكي مابطول عليكم بس بقولكم اسمي كشخصية في فاينل فانتسي هو Mobius وفي البلاي اونلاين Blue Ocean

وياليت لو سمحتم لو احد عنده فكرة عن اللينك شيل يشرحلي عنه لاني بصراحة اسمع عنه كثير ومدري وشهو ؟؟؟

وسوري عالاطالة

[Darkseeker]

gratz man ^^ ... good luck

[Reinu]

مبرووووووووووك ^^

بالنسبة للينك شيل فيه ناس يسوون فرق ويضمون الها ناس وايد باللعبه يجتمعون يسولفون يسوون مهمات ولا كويست ويا

بعض او لو بغيت مساعده باللعبه تسال الناس الموجودين معاك بنفس اللينك شيل ^^

[KuwaitDragon]

مبرووووووووووك وولكمووووووووووو

واللينك شيل بختصار مثل قناة المحادثة يعني تسولف مع ناس ااو تسوي افرقه مثل ما قال ماجيكال دريمر

[Blue Ocean]

الله يبارك باعماركم جميعا

طيب هل في لينك شيل مخصص لاعضاء المنتدى وهل اقدر انضم له وكيف؟؟

عارف ان اسئلتي كثرت بس معليش استحملوني

[Reinu]

انا صراحه ما اعرف بلينك شيل هالمنتدى

بس اعتقد كان كويت نايت

[KuwaitDragon]

في كم لينك شيل ما اذكر اساميهم لاني من زمان مو داش

[Detective_Conan]

مبروك و مثل ما قالوا الأعضاء مثل قناة للمحادثة مع الأعضاء إلي عندهم اللينك شيل نفسه
حاليا الأعضاء منتشرين في أكثر من لينك شيل واحد منهم
fantasykingdom
ArabHero
LordsOfVandiel
LapizLazuli

[Blue Ocean]

يعطيكم الف عافية شباب انا اليوم كنت اقرا بالكتالوج حق اللعبة (صراحة فيه معلومات لاتهمل ابدا) وعرفت وشهو اللينك شيل بالضبط علعموم انا اذا قابلت واحد من الشباب بطلبه اللينك بيرل وانا وحظي

اذا مالقيتهم بالباستوك الله يعينني على السفر لين ساندوريا بس خليني اهب بالفل شوي لفوق

[QataR NighTMarE]

عندك لنك لوردس اوف فاندييل واغلب اعضائه من جمهورية باستوك ^^ يعني حياك الله معانا باللنك شيل ^^

[Neo Cid]

حياك الله أخوي ..

أنا Chevonisky .. اي مساعدة حاضرين ..

[Blue Ocean]

ولد البوكواره تعرف عضو في اللينك شيل يقدر يعطيني اللينك بيرل تبعكم؟؟؟

نيو سيد ... سجلت اسمك وانتظرني راح اخش على يوم الاربعاء او الخميس

ومعليش ياجماعة اذا بطيح الميانة معكم شوي بس تراني مابستحي اطلب المساعدة منكم وانا عارف انكم مابتقصرون

والف شكر للجميع

[KuwaitDragon]

ما اعليك اطلب أمر ^^

[911-FaReS]

Mobius ياهلا فيك في فاينل معاك Fares ----- في فاينل

[Blue Ocean]

ما اعليك اطلب أمر ^^

مايامر عليك عدو اخوي



وهلا فيك اخوي فارس وباذن الله لنا لقاء في اللعبة