لأصحاب الخبرة !!

[QaHir]

بسم الله الرحمن الرحيم ..

تحية وبعد .. اخواني بغيت اسألكم كم سؤال عن تزين السيارات ..

بالمملكة العربية السعودية ..

- بغيت اعرف كم سعر انوار الزنون الخاصين بالاوبل !! ( اصلين ) ..
- سعر الرنجات ما ادري شسمونهم بالسعودية wheel .. البلنج بلنج .. الي يدورون مع تحرك السياراة او يدورون لما يكون فيه هوى قوي ..
- ابي محلات تقدر تغير من شكل السياراة وتزيد منها اضافات وتلغيمات .. ويكون شغلهم مضبوط ..
- بغيت محلات فيهم رنجات ميني كوبر اس .. واسعارهم ..

وهذا كله بالمملكة العربية السعودية .. او في المنطقة الشرقية احسن يكون .. لان بالبحرين الاسعار ضوووو >< ..

والف شكر لكم >< ..

[QaHir]

UP UP ترى الامر ضروري

[MR.أستبنه]

اخوي بالنسبه للزينون حق الاوبل ما ادري بس في الزنون المشهور عندنا وهو ماركه فلبس وهذا بحدود 1800 ريال
اما الجنوط فهي اما مراوح تتثبت على نفس جنوطك وهذي مب مره غاليه
او طقم كامل وهذا بحدود الخمسه وعشرين الى ثلاثين الف
اما المحلات فاحسن شي راح تلقاه بالشرقيه الدمام

[بو جسوم]

بالسعوديه انا ما ادل بس اعرف جم محل بالكويت و اسعار لاغراض الي تبيه اشوي سعره غالي مثلا اسعار الرنجات المراوح (السبنرز) نيكل 400 دينار اكويتي والزنون موغالي بس ما اعرف سعره بالضبط بس موغالي
و اللغمه و تعديل شكل السياره هذا على حسب اللغمه و الشكل الي تبيه بس غالي يعني ارده و اخس لغمه سعره 2500 دينار اكويتي و اسامي المحلات:محل توكيو و شارع الزينه الي بالشويخ طبعا بالكويت هل اماكن

هذا الي اعرفه و اقدر اقولك اياه اي نسيت شي الرنجات تختلف اسعاره بحسب الكبر يعني رنجات النيكل الي قياسه من 19 الي 20 و اكثر هذول من ال400 دينار و انت رايح و كل ماصغر نزل سعره هذا الي اعرفه والله اعلم

[Man-Apart]

والله ماني عارف شكل الزنون المطلوب... لكن سعر زنون الالماني بـ 1300 وسعر زنون الكورفيت بـ 900

وسعر الجنوط... فيه غير اصلي تقريبا بـ 4.500 اما الاصلي يوصل فوق العشرين الف..

وفيه اماكن تظبيط سيارات كثيره منها... رتوة..

واذا تبغى افضل الجنوط روح الغرابي في الرياض...

لكن انا انصحك انك تروح للامارت..

[Man-Apart]

تعديل لكلامي...

الجنوط التقليد سألت عنها... وسعرها 2.500
اما الاصليه بـ 35.000

[QaHir]

تسلمون وماقصرتوا ..

بالنسبة حق الجنوط بغيت محلات للجنوط .. ما ادري هل فيه محلات تملك مواقع علشان اقدر اشوف الجنوط الي يملكونها .. وكم تتراوح اسعارها ^^ .. حبذا لو يكون محل جنوط زينة ^^ ..

وكلفنا عليكم وايد ^^ ..

[auronxxx]

الجنوط عندنا 4 بعشر الاف ريال