10 في التقييم اللي بعد المباراة.
سلام
من اول ما صار حركة التقييم بعد المباراة ، وانا أجيب 9 كأعلى شي ، وبصراحة ما كنت أظن في أعلى من كده ، بس بعدين ، لقيت إن شيرر جاب 9 ونص.
فرجعت وقلت ما في أعلى من كده ، لأنه مستحيل واحد يجيب 10 ، يعني من نفس فكرة إنه أقوى في عند اللعيبة هي 99 لأنه مو متصور إنه واحد يكون 100.
بس بعدين ، صرت أشوف ايش السبب إن لاعب ياخد تقييم أعلى من التاني.
ومع اللعب والملاحظة ((تقول واحد بيسوي دكتوراه))، قدرت أعرف أكتر في اسباب زيادة التقييم للاعب على لاعب تاني.
فطلع لو إن اللاعب مدافع فعلى حسب الكور اللي قطعها أو أخدها ، لكن ما يزيد عن 7 ونص في أحسن الحالات ، غير إذا دخل هدف فالتقييم يزيد ، وأعلى شي لمدافع قدرت أجيبه كان مالديني ، لأنه افترى في الدفاع ، ودخل هاتريك ، هدفين من كورنرات ، وهدف طلع لحالة وحطها من جنب الحارس. انا قلت كم جاب؟ لا ما قلت ، جاب وقتها لا مو عشرة ، جاب 9 وبس.
أما لو كان وسط ، فعلى حسب صناعة الاهداف ، وبرضه تزيد لو دخل هدف. وبرضه 9 كانت أكتر شي اجيبه وكانت لندفد.
والهجوم زي ما قلت قبل ، كان شيرر هو الريس ، بـ9 ونص جابهم في مباراة دخل فيها أربعة أهداف.
ولأن أوقات الواحد يجيب 6 و7 أهداف بنفس الللاعب (( قلة ولف بس معليش )) لكن برضه ما يجيب أعلى من 8 في التقييم ، فقلت أكيد تنوع طرق التهديف تؤثر في التقييم ، وأظني صح ، لأن مباراة شيرر إللي أخد فيها 9 ونص ، دخل هدف انفراد ، وهدف شوته وهدف راس ، والاخير ، بلنتي.
وآخر ملاحظاتي واللي انا متأكد منها ، هو إن الهدف لو دخل بعد ما تسحب الحارس وتدخل بالكورة في المرمى ، هادا أكتر شي يزيد التقييم ، ويا سلام لو كان اللاعب مدافع ولا محور ، التقييم يطلع للسماء ، وهادا اللي صار مع وايلد.
وانا باسوي فريق من اللعيبة الصغار اللي تربيهم على الغالي عشان تخليهم شي محترم ، وانا باسوي وايلد المدافع ، وعشان كنت باركز عليه طول المباراة ، بعد ما انتهت المباراة وانا باشيك على التقييم ، لقيت إنه آخد 10 صراحة كيفت ، لأني قدرت على الاقل أوصل للكمال الجزئي.
في سبب تاني أظنه يؤثر كمان في زيادة التقييم، وهو لما يلعب اللاعب في غير موقعه ويبدع ،
أما ارتفاع النسبة في دقة الباصات ، او التسديدات أو التسحيبات ، فما أظنها بديك الاهمية .
وخلاص ،
سلام تاني.
اذكر اني اول ماخذت اللعبة كنت معجب بروبيرتو باجيو .. اعطيه كل الكرات .. اخليه يسجل كل الاهداف .. ويرجع للخلف ويغطي .. لما العب بنادي بريشيا وافوز لازم باجيو 10 
.. لاني ما العب الا بعه 
