Xbox Live+Ninja Gaiden=Delete Evox why????i dont no
السلام عليكم ورحمة الله وبركاته
أنا بصراحه واجهتني مشكله في الايفوكس وقبل مأكتب موضوعي هذا راجعت كل المواضيع المكتوبه عن الايفوكس وماجدت مشكلتي
واعذروني اني كاتب موضوعي هنا وماكتبته فوق في الموضوع المثبت لإنه بصراحه لو كتبته فوق ماحد راح يقراه فأقترح من موضوعي هذا هو إنشاء قسم خاص بالايفوكس والمود شيب وغيرها من الاشياء الي لو انحطت في المنتدى على قولت أحد المشرفين تشوه واجهة المنتدى فاعذروني انا آسف........... لا أطول عليكم وأبدأ بسرد موضوعي:
أنا بصراحه مركب إيفوكس على الاكس بوكس وكنت شغال زي الحلاوه انا مركبه صار لي مدة طويله المهم يوم لعبت نينجا شفت في إختيار إسمه اللعبه Master Ninja Tourument
وجاتني اللقافه دخلت عليه ومادري شو الموضوع المهم زر على زر ومن زر الى زر جاني تحميل مادري شو قصته المهم تركته يحمل وبعدين جاتني كلمة مكتوب إنه راح يتم تغير الداشبورد المهم رجعت واجهة الاكس بوكس القديمة وفيها إختيار إسمه
Xbox Live علماً إني ماشتركت في الاكس بوكس لايف من قبل ولا حتى إشتريت الديسك حقه ولاحتى كان هالخيار يطلع لي من قبل ماأركب الايفوكس (((أعتقد إن هالخيار جاني من يوم حملته من ديسك نينجا)))
والله ورحت عليه جاتني إختيارين (New Account & Accont Recover)سكرت الجهاز وشغلته ورجعت الواجهة القديمة للاكس بوكس قلت خليني أحذفها حاولت يمين شمال فوق تحت مافي طريقه إنه ينحذف اللايف
قلت مالي الا ديسك الايفوكس ،،،، دخلته في الاكس بوكس وشبكت الكمبيوتر لما دخلت على ملفات الاكس بوكس وجدت ملفين جديده وهذه صورتهم وأعتقد إنهم تبع الاكس بوكس لايف
المهم قلت هذه هي ملفات الاكس بوكس لايف قلت ابي احذفها (((بس خفت)) إنه ينخرب الجهاز لاحذفتها فنسخت الملفين عندي على الكمبيوتر وحذفت الملفين من الاكس بوكس المهم يوم شغلت الاكس بوكس وكان ظني في محله
طلعت شاشه فيها كلام أخضر و مكتوب فيه خرابيط ومكتوب رقم فوق اعتقد 21
المهم قلت خليني أرجع الملفين دخلت ديسك الايفوكس ودخلت على ملفات الاكس بوكس ورجعت الملفين الي انا نسختها عندي وشغلت الاكس بوكس واشتغلت ........................ بس للاسف بواجهة الاكس بوكس الرئيسيه وبوجود اللايف
فأرجو المساعده منكم يأخوان وأرجو منكم إنكم تدلوني على طريقة ترجع الايفوكس واكون لكم شاكر من الاعماق
وأرجو عدم إقفال الموضوع طلباً لاأمراً بس أرجو منكم أنكم تراعون ظروفي
