ادخل وصوّت فقط!

[Rex]

السلام عليكم

ارجو من الاعضاء التصويت بما يرونه الأفضل للمنتدى ...

وشكرا!

[john5]

أقتراحي أنه يكون هناك عام و خاص حيث العام تكون عينه للرسام و أذا بقى الواحد بس يشوف عمل هل فنان يصير سهل له يشوفه ^^ .
أظن أنه حل أوسط جيد ^^ .

[Rex]

أهلا أخ جني

بخصوص فكرتك أعتقد نفس فكرة crow اللي اقترحها ...
لكن الحل أصلا اللي نبيه من الجالريات الجماعية هو تقليل الخاصة و تداخل الأاعضاء فيما بينهم بشكل أكبر!!

فما ينفع نحط النوعين مع بعض ...
والا راح يسوء الأمر أكثر!

شكرا على اي حال ^^

[Hard Rock]

واضح انك مهتم وايد بالمنتدى يا ريكس وهذا شي يفرحنا كلنا

وأنا بس حاب اعرف شغلة وحده بس!
ان لو قرر الأغلبية بالجالاريات الجماعية شنو راح يكون مصير الجالاريات الفردية؟

والله يعطيك العافية على المجهود
سلام

[Rex]

أهلا أخ هرود

تعرف ليه مهتم؟ ههههههه
لو تقيس عدد الاعضاء اللي دشو وعدد اللي يشاركون باستمرار بتلاحظ في خلل بالموضوع!!
بصراحة كنت افكر في نفسي واقول اذا بقى المنتدى على هالحال راح ينقرضو منه الأعضاء قريبا!!

فأحسن نحاول شيء على الاقل , يعني ما نكون مكتوفي الأيدي

بخصوص الجاليريات الحالية , فكرت تتسمى اسم ثاني باسم أرشيف الجالريات القديمة!! يعني هالقسم فيه مسابقات مميزة وتحديات وأعمال وما يصير تنهدر ...
وبعد ما تتسمى هالاسم يخلون المشرفين هالقسم بس للتصفح فقط!! يعني محد يقدر يرد فيه!!
وينفتح قسمين يداد (طبعا كله في حالة الموافقه عالجالريات الجماعية)
قسم الجالريات الجماعية وقسم آخر للتحديات ! او قسم واحد يلم الاثنين...
ان شاء الله ترضي الفكرة الجميع ^^

وشكرا عالاهتمام هارد =)

[ESOZ]

14 شخص(77%) يبون الجالاريات الجماعيه مقابل 4 موزعين على الخيارات الثانيه..أعتقد عرفتوا ألحين انهم مب 3 والا 4 بس اللي يبون الوضع يتغير
على العموم جزاكم الله كل خير ياشباب على هالجهد اللي تسوونه لتحسين المنتدى وماقصرتوا

[alucardracula]

السلام عليكم و التحيّة و الإكرام..
جسب كلامك يا Rexu-kun..

لو تقيس عدد الاعضاء اللي دشو وعدد اللي يشاركون باستمرار بتلاحظ في خلل بالموضوع!!

اذن,هل المشكلة في الجالريّات أم في الأعضاء..
اذا كانت المشاركة لا تتعدّى رد و رأي..و مع ذلك النتيجة كما ذكرتْ..
أنت يا ريكس ناوي تغيّر شي عشان تنشّطهم,بينما موضوع التغيير نفسه ما نشّطهم..اذا في عمليّة التطوّر ما تشوف تطوّر..النتيجة صارت واضحة..النيّة شبه مفقودة!
اذا النيّة مو موجودة,بتضرب في حديد بارد و لا بتطلع بفايدة..
عموماً هذا رأي مبكّر ,لازم نعطيهم فرصة و نشوف النتيجة الفعليّة..لعلَّ و عسى نشوف شي يسر..
بس لازم تحفّز الأعضاء أنفسهم عشان تلقى نتيجة..
بالتوفيق

[Rex]

أهلا بالأخ ألكو ! منوّر! =)

بصراحة الكلام اللي تقوله عن الاعضاء نفسهم فكرت فيها منزمان!! وكنت دايخ شوي ...
لكن صرت أعتقد انه المشكلة مشتركة ما بين هالشيئين! احدهما سبب في مشكلة الآخر!!
يعني أظن والله أعلم انه موضوع كثرة الجالريات وتباعد الأعضاء وتزايد الاهمال له دخل اساسي بتدهور الحالة عند الأعضاء وفقد الحماس!!

يعني نقدر نقول انه الأعضاء ليس هم السبب الرئيسي!!
على الاقل خلونا نعالج احدى الاسباب على أمل انت تعالج المشاكل الثانية تلقائيا ...
وان شاء الله بالتدريج يرجع المنتدى لسابق عهده ...

وحياك أخوي

[C.Falcon]

ليت منتدى زمااااااان يعود يوماً ...
أفضل عمل جاليري مشترك لكن راح تكون فيه سلبيات و هي كثرة الردود و الإرفاقات
و التواقيع مما يؤدي إلى بطء المتصفح لكن الإيجابيات راح تغطي على السلبيات ...
والله أعلم
أخوك

[darkitp]

الفكرة بالموضوع ان ...
البعض يحب أن يعمل جاليريات خاصة
والبعض يحب أن يعمل جالريات جماعية
وكل واحد له ذوقه الخاص ...

[Rex]

أهلا كابتن فالكون ,
ايه وبعد عادي تقولها ياليت الشباب يعود يوما ... شاب المنتدى شوي
ان شاء الله تتحسن الأحوال...


أهلا darkitp
كلامك صحيح!!
واذا بغيت (رأيي) بشو أريد راح أقولك اني أريد جاليري خاص!!!
يعني صدقني وايدين يبون جالريات خاصة! (الا الفئة المعارضة اللي مقتنعه بأضرارها...)
ومع ذلك هذا اللي تريده نفسي.. جاليري خاص!! ; ...

لكن للأسف لازم نستغني عن فوضى هالجالريات و و الخ من الكلام... عشان يعتدل المنتدى !!
و أي واحد يبغي يعرف أكثر في موضوع للنقاش بخصوص هالأمر بهالقسم...

وشكرا

[Touya]

صراحة... تمنيت أنه عنددنا نظام مثل نظام www.deviantart.com

حيث أن الجاليري خاص.. لكن لما تحمل تفهرس الرسمة في فئتها الخاصة.. فيكون هناك جاليري خاص وفي نفس الوقت تقدر تدور بفئة الرسم اللي تبغاها.... بس أعتقد ان تنفيذ هالشي صعب لأن هذا منتدى..

[C.Falcon]

أهلا كابتن فالكون ,
ايه وبعد عادي تقولها ياليت الشباب يعود يوما ... شاب المنتدى شوي
ان شاء الله تتحسن الأحوال...

لا تفخمونا غلط بس الحال من بعضه ...
تعال شوف الفلاش و السويش و العام و الكورل درو ... <=== أقسام لا تنبض بالحياة

[safa7t_uae]

إمممم



انا مع منع الجلريات الخااصة
ممكن تفتح كمن جالاري
و تسوي لكل جلاري الرسومات اللي تخصه

بس

[لوجــــــين]

السلام عليكم

يعطيك العافيه اخوي ريكس على الموضوع و على كل الموضوعات اللي
سويتها و تدل على اهتمامك الكبير بالأعضاء و المنتدى

انا صوت مع التخلي عن الجالريات الخاصه و استبدالها بالجالريات الجماعيه
بس انا مو مع هل حل بشكل كامل

كان ودي أشوف موضوع يكتبه المراقبين و المشرفين على هذا المنتدى موضوعه " ماذا يريد الأعضاء من
منتدى الرسم الحر " لأن المشكله بالمواضيع اللي ماعادت تستقطب غالبيه الأعضاء
و مو كل الأعضاء تتركز اهتماماتهم بالجالريات الخاصه ...

بالإضافه إلى موضوع ثاني يفتح للأعضاء الجدد و القدامى يتكلم عن سبب هجرهم لمنتدى الرسم الحر بحضور المراقبين و المشرفين

باختصار .. هل اداره المنتدى تهتم بالجالريات أو بالأعضاء !