الأن حمل ناروتو 81 بالعربي أو بالإنجليزي من د.جكل قروب...

[A Step--ForWarD]

السلام عليكم
تم بحمدلله الإنتهاء من ترجمه ناروتو 81 طبعاً المره هذي ترجمناها نسختين وحده عربيه والثانيه انجليزيه الصفاوة ممتازة جداً والحجم خيالي نزلنا النسخه الإنجليزيه في موقع انمي سوكي ولاقت إقبال شديد إللي في الموقع ماصدقوا انه عرب اللي مسوين الحلقه...

عموماً اتمنى لكم مشاهدة طيبه...

النسخة العربية

النسخة الإنجليزية

ملاحظة: التنزيل عن طريق البيتورنت

[سايق الخير]

الصراحه
نطرتك وايد
وقلت يمكن مشغول هالأيام بالإمتحانات
وما يقدر ينزل الحلقه
بسرعه
عودتنا على السرعه أخوي
وصرنا طماعين
ههههههههه
على العموم يعطيك العافيه ان شاء الله
والصراحه
إنت عجيب
وقروبكم عجيب
وودي أشترك معاكم
أنا عندي ملفات مترجمه لحلقات ناروتو
وودي أرسلها لك
وانت إتعرف إشلون تدمجها وأنا ما أعرف بصراحه
وتعبت من كثر ما دورت
فخليت الموضوع لأهله
وإنت قدها يالغالي
ومشكور على الحلقه

تحياتي لك


شوووووووووووووووكرن

[strong_theanime]

كيف حالك أخوي................

صراحة ترجمة 81 حلقة عمل رائع.............

وعند تحميلها يبيلك وقت طويل
وبما انه تعبت عليها انت واصدقائك وتم الاقبال عليها بكثره فمانحب ننحرم منهالا انا ولا غيري من الاعضاء
اللي في المنتدى فما رايك في التبادل .........
نعم التبادل والكلام موجه لك وللاعضاء المهتمين.............
وانا بصراحة عندي مجموعة طيبه من الانمي للتبادل:strong_theanime@hotmail.com
او للبيع اذا تحب لانه بصراحه شكلك انت واخوياك ماناقصكم شي....وصعب انه ماتلقى شي عندك...نبادلك فيه فاحسن طريقه البيع .........ارجوا الرد وانا من الرياض لمحبين التبادل

0 طبعا كل ذا الكلام استنتج من كلامك

واسف اني طلعت عن الموضوع ............

وتشكر على الموضوع........

[strong_theanime]

وانا بصراحة عندي مجموعة طيبه من الانمي للتبادل:strong_theanime@hotmail.com
او للبيع اذا تحب لانه بصراحه شكلك انت واخوياك ماناقصكم شي....وصعب انه ماتلقى شي عندك...

عفوا......

انا ماابيع انمي .........لا حد يفهمني غلط

او للبيع

اقصد اذا انت تبي تبيع........

تشكر على الموضوع

[Martial artist]

توت أزرق
انا اشكرك على دعمك لنا في كل حلقة ننزلها تسلم والله

strong_theanime
انا برد عليك عزيزي بدل A Step--ForWarD
انا اعتذر لك اخوي احنا مشغولين نوعا معا في الترجمة
احنا عارفين ان فيه صعوبة كبيرة عند الاغلبية في تنزيل الحلقات بسبب صعوبة الاتصال او بسبب البتورنت

بس انشالله بنحط حلقات حجمها صغير مع الوقت

انت اهم شي تابع اخبارنا ومايصير الا الخير

[Kunio-Kun]

اولاً شكراً على الحلقة وكل العاملين

سؤال : هل راح تستمرون ان شاءالله في ترجمة ناروتو إلى الحلقة الأخيرة ؟؟؟
سؤال : لماذا لا يتم ترجمة حلقات ناروتو السابقة ؟؟؟ ان كانت صعبة فقط ضعو السكربت ؟؟؟
وأن كانت صعبة ايضاً اقول الله يوقفهم

سلااامي

[QataR NighTMarE]

يعطيكم العافيه والله يوفقكم بشغلكم
سؤال: هل ستسمرون بترجمه ناروتو فقط
او ستترجمون المزيد من الأنميشن في المستقبل ؟

[Bu_Sultan81]

هلا والله اخوي A Step--ForWarD
كيف الحال عساك مرتاح

ابا اخبرك بخصوص حجم الحلقه... انت قلت ان حجم الحلقه تقريا 140 ميجابيت...فأبغي اسأل... اذا تقدر تصغر حجم الحلقه من 140 الى 40 ميجابيت... لان اغلب الاعضاء هنيه وانا بينهم ما عندنا الخط السريع
فلو كان الافضل تصغر حجم الحلقه الى 40 ميجابيت نفس هالموقع
http://www.narutocentral.com/index.p...isodes_rm.html

صراحه الموقع اوكيه الحلقه حجمها تقريبا 40 ميجابيت والصوره ماشاءالله واضحه... ويشتغرق تحميل الحلقه من ساعه الى ساعتين بالخط العادي...وبعدين ما يحتاج نستخدم البرامج مثل النروتون وما ادري شو!!؟؟ السالفه انا ابي اشوف الحلقه ويا ترجمتها بس يكون حجم الحلقه 40 ميجابيت تقريبا...

اتريا ردك في اقرب وقت ممكن

تحياتي لك

[A Step--ForWarD]

السلام عليكم
اخوي بوسلطان في الحقيقه بإمكاننا نخلي حجم الحلقه حوالي 48 ميجابايت وصفاوتها أحسن ألف مره من صفاوة موقع ناروتو سينترال بحكم شفت الإنكودينق حقهم...
ولكن السؤال هو من أين المساحة يعني زي موقع ناروتو سنترال فاتح صفحة دونيشن(تبرع)علشان المساحة والباندويث والأشياء هذي طبعاً إن شاء الله بنسوي موقع خاص بنا واحتمال إن شاء الله نضع الحلقات فيها لكن حالياً لايوجد عندنا مساحة وعلشان كذا نستخدم البيتورنت...

الاخ ولد البوكواره
بإذن الله راح نستمر في الترجمه وطبعاً ماراح أستبق الإمور ولكن حنا نعتزم الترجمه لأخر حلقه ولكن كل شيء بعلم الله سبحانه...
أما عن الأنميشنز الثانيه طبعاً راح نترجم أو بالأصح حالياً قاعدين نترجم سلسلة قوية للأنمي وهي ون بيس وبإذن الله مع افتتاح موقعنا راح ننزل الحلقات اللي انتهينا منها ...

الأخ Kunio-Kun
جوابتك على سؤالك الأول فوق أما بالنسبة للحلقات الأولى إن شاء الله نترجمها ولكن ليس حالياً حنا الان نحاول اللحاق بعجلة الترجمة السريعة يعني جالسين ننزل إسبوعياً الحلقات الجديده ومستقبلاً بإذن الله نبحث مسألة الحلقات الأولى..

أرجو إني أكون جاوبت على أسئلتكم بشكل واضح...

[QataR NighTMarE]

تسلم على الرد والله يوفقكم ان شاء الله

[DeadLy_]

الحين بحملها, تسلم.

[sbata]

والله مجهود تشكرون عليه

[ahmadkb]

مجهود طيب أخي لقد حملت الحلقة وهي أحسن من باكا سن بألف مرة وهي من مستوى أنبو وأكني أفضل ترجمت قروبكم في أنتظار الحلقات القادمة

بالنسبة لون بيس فهل ستبدئون من اول حلقة أو ستكملون الحلقات التي يترجمها موقع كايزكو أو ستكونون في مكان آخر أي ستترجمون ما بعد الحلقة 130؟؟

تحياتي لقروب د.جكل

[dark_dot]

سلام
بس ممكن اعرف وين اقدر احصل كل الحلقات الي ترجمتوها
وعندي سؤال ليش ماتسوون موقع خاص فيكم

[فيلسوفة زمانها]

أيش هو البيتورنت ؟