ننتندو DS في سبتمبر !!!!

[Tomb raider]

السلام عليكم ورحمة الله وبركاته ^^

موعد صدور الجهاز قريب تقريبا بعد اربع
اشهر من الان , يعني في بداية العام الدراسي
سبتمر على ما اظن شهر تسعه اذا ماكنت غلطان
الجهاز بينعرض لأول مره هذي السنه او الشهر هذا
في معرض E3 لكن اتوقع ان يتأجل الجهاز


ادري ان الخبر قصير

المصدرك جيم ماستر

وشمكورين

[Super Shadow]

ما توقعت بهذي السرعة

أنا سوقعت أنه بينزل بعد سنة أو أكثر

عموما مشكور

[Tomb raider]

السلام عليكم ورحمة الله وبركاته ^^
وانا نفس الشي ما توقعت
الشكله شو
ان التلفون بينزل تقريبا مع الجهاز
لكن باخذ التلفون قبل
وبعدين الجهاز
وشهر 11
تقريبا كل اللي انتظرهم
فلم ذا رينج
رزدنت ايفل 4
متل جير 3
فلم اليكسندر
وماريو بارتي 6
وكم شي بعد وننتندو في شهر 11 بتكون
وبترتفع مبيعاتها ^^
وشمكور على الرد ^^

[كابتن السفينة]

توقعت ينزل بشهر 12...

اتوقع يكون سعره فوق 130 ريال عماني في بداية نزوله..


وشمكور على الخبر تومب رايدر..^^

[الزعيـALZAEMـم]

اعتبر هذا الخطوه غباء من ننتندوا؟؟؟ ليش

لان جهازها الاول ما كفى المده المعتاده مثل الps2 ست سنوات عمر الجهاز

لذلك انا ما يهمني الا الـــplay station3

[Trapped Inside]

غريبه الموعد قريب بزياده ولا!...يعني انا توقعت يبيله كم سنه..اقول هم متى بدوا بتطوير الجهاز؟؟

مشكور تومب رايدر^^..

[Tomb raider]

كابتن السفينة: شمكور على الرد اما عن السعر فالله يستر يمكن يكون عندنا ب 300 او 250 درهم

الزعيـALZAEMـم: بس لا تسى ان هذا الجهاز , جهاز فرعي وليس خلفيه للأدفانس ^^ , وشمكور على الرد ^^

سعـــ2002ـــودي: لا تنسى هم قالوا ان الجهاز مواصفاته عاديه يقولون العاب فلاشيه فقط للمتعه وانه نوع جديد من الالعاب , وما عرفنالكم اذا قلنا شهر 6 في الصيف الجاي بتقولون بعيد والحين انتوا تقولون قريب مع الوجه هذا >> , الحمد لله انه قريب , وشمكور على الرد ^^

[Hardcore~Gamer]

مممممممم على بدايه الدراسه ..
وقت زفت فعلا..

عالعموم مشكور وان شاء الله بشتريه على طووول وبسوي تدبير للفلوس (مسبقا)

[Snake Fang]

الصراحة احس ان ننتندو استعجلت في موعد الاصدار

و لاكن اكيد راح اشتريه (بأي طريقه) و بأسرع وقت ممكن لما ينزل , و شكرا للخبر

تحياتي

[Digital Guy]

الجهاز راح يتأخر ...................عندي احساس أنه الجهاز راح ينزل بين شهر فبراير ومارس 2005
واتذكروا كلامي زين تحياااااااااااااااااااااااااااااااااااااااااتي أخوكم الرقمي

[Tomb raider]

The Game Cube : ادري ان الوقت زفت فعلا قول انشاء الله تشتريه , والله يهنيك بالجهاز , وشمكور ^^

snake fang: صح ان الموعد سريع , احسن المهم نشوف شكله ونجربه , وان شاء الله تشتريه وتتهنى فيه وشمكور على الرد ^^

Digital Guy: انا ذكرت الشيء هذا احس انه راح يتأخر وشمكور على الرد ^^

[Spark Of Time]

انا اقول كل ما تاخر كل ما كان الجهاز احسن واحلى

[THE_MATRIX]

مشكور اخوي بس انا سمعت انه رح ينزل 2005 على العموم خلنى نجمع فلوس

[THE_MATRIX]

عندك صورة له

[Tomb raider]

السلام عليكم ورحمة الله وبركاته ^^
Spark Of Time : شمكور على الرد , انا متحمس للجهاز ما ابيهم يأجلونه ^^


حبيب الألعاب : يمع فلوس وانا بعد بيمع وما ادري اتوقع انه يتأجل , وشمكور على الرد ^^ vbmenu_register("postmenu_2619649", true);