بم تنصحوني؟؟؟؟؟؟؟؟؟؟؟؟؟؟؟؟؟؟؟؟

[weiss_girl]

انا محتارة مابين شراء لعبة Final Fantasy XI Online نسخة الـPC او الـPS2 فمن الافضل ان كان هناك عيوب في احد من هما؟؟
أرجو الرد سريعا

[Kasser]

اعتقد البي سي افضل من ناحية تطوير اللعبة حال نزول نسخ توسعية والباتشات وايضا سهولة بالولوج للعب بالنت بدون تعقيد , العيب الوحيد هو مواصفات الجهاز

بامكانك تنزل البانش مدري البنج من موقع اللعبة وتشوف كيف جودة الرسوم والسرعة

اما بلاي ستيشن 2 تحتاج مودم ومدري كيف وبتعقد روحك

جرب منتدى فاينل فانتسي , يعرفون اكثر

[ScarFace]

بالنسبه لي انا كنت ألعب اللعبه هذي لمده 5 شهور ..

و عندي نسخه الPC و الPS2

نسخه الPC أفضل بمراحل ..

نسخه الPS2.. تعلق في بعض المناطق .. الرزولوشن تعبان بالنسبه للPC .. مكلفه أكثر من الـ PC

التكلفه كانت تقريبا 850 ريال لنسخه الPS2 ,,, اللعبه + هاردسك 40 جيجا + ادبتر + كي بورد ..

مع انه ينفع أي كي بورد USB ..

و كما أنه اللي في جهازه قطعه كوبي .. لما يجرب يشبك ,ما راح تشبك معه ..

يعني نسخه البي سي أفضل ..

[الرهـــــــــيب]

اف اف اف اف ليش قلبتوا الموازين فوق تحت

باعلكس تماما البلاي ستيشن ماتكلف الا اقل من 400 ريال
والبي سي فوق 1000 ريال واذا جهازك تعبان توصل فوق 2500 ريال

يعني حوسة مابعدها حوسة البي سي!!!

انتي روح لمنتدى البلاي ستيشن وشوفي المواضيع حقته او حطي موضوع جديد واسالي فيه احسن لك.



وشكرا تحياتي الرهـــيب

[ScarFace]

باعلكس تماما البلاي ستيشن ماتكلف الا اقل من 400 ريال

البلايستيشن لازم لها اول شي تكون خاليه من قطعه الكوبي ... و جهاز من غير قطعه كوبي نادر ..

و يكفيك أن اللعبه + الهارد دسك بـ(450 - 500) ريال .. من غير الأدبتر

===================================================

يعني و بعدين ... ما أقول شي ... بس اني لاعب اللعبه من أول ما نزلت .. playtime صك 60 يووم ..

60 يوم حقيقي وانا مسنتر قدام اللعبه ..

اقدر اقولك .. ان نسخه البي سي مافي مقارنه بينها و بين الPS2

في الPC تقدر تغير الرزلوشن .. في PS2 الرزلوشن 600*800 .. و بعدين نسخه البلايستيشن تعلق في المناطق

المزحومه .. تعلق حط تحتها خطين .

أتصال البلايستشين مع الأنترنت عندنا تعبان .. و يعرف اللي جرب outbreak في السعوديه ..

[QataR NighTMarE]

كلام سكارفيس صحيح وفوق هذا اذا جهاز البلاي ستيشن مالج pal ماراح يشغلها ولا بيشتغل بالأونلاين
نصيحه استخدمي الكمبيوتر