اذا كنت من السعودية ومشترك دي اس ال ادخل الموضوع...

[A Step--ForWarD]

السلام عليكم ورحمة الله وبركاته

طبعاً مشتركي الدي اس ال في السعودية من المعروف أنهم يمرون بإضطهاد شركات الإنترنت أمثال سعودي نت ومثيلاتها من الحراميه المحترفين طبعاً أي شخص اشترك بسعودي مر بهذا الإضطهاد من ناحية سوء الخدمة وأيضاً سوء الدعم الفني وطبعاً بإعتبار إني مشترك بالشركه انا انصح الكل بعدم الإشتراك بها يعني أسعار خياليه بالإضافه الى خدمه ليست بمستوى السعر بتاتاً يعني المعروف الأن الغالي دائماً يكون الأفضل ولكن ماذا تتوقع من شركة الإتصالات..

زبدة الكلام الرجاء من مشتركي الدي اس ال في السعودية اخبارنا عن الشركة المشترك فيها و جودة الخدمة والدعم الفني وماينصحنا به من شركات لأني افكر اغير سعودي نت...

شكراً لكم...

[C.Falcon]

في واحد اسمه الرهيب يمدح ICC
انا ما ركبته بأغلق اختبارات و أركبه

[sunteam]

بسم الله الرحمن الرحيم

بالنسبه لي انا مشترك في أول نت ونفس الشيئ سرعه بطيئه و يمكن يفصل بعض الاحيان بالذات يوم الخميس بالليل
اما عن خدمة العملاء فمتوسطه يعني مره يخلصون المشكله إلي تواجهك بسرعه ومره لا
ملاحظه ( لازم يمسك معك الخط المجاني بالنسبه لخدمة العملاء ).
وانشاء الله اكون فدتك والله يعينا عليهم

[ShadoW]

والله ياخي وش اقولك لو اجلس الليل كله ابكتبلك معاناتي مع سعودي نت ماقضي

انا الحين صارلي معهم حول 6 شهور مشترك بالدي اس ال سرعه 128 والله اول شهر كنا مثل السمن على العسل اللمبه

البرتقاليه على المودم ماعرفهما ولا اعرف شي اسمه تقطيع

وكنت دايم ادخل ذا الموقع اشوف سرعة الانترنت يعطني حول 132 يعني معطيني اكثر من حقي 128 والداون لود ماينزل

عن 16.7 بس بعد هذا الشهر طلع الديفل حقهم وصار انواع التقطيع ومره دقيت عليهم ابيهم يشوفولي حل مع ذي المشكله

عطيته اليوز وقالي نسبة التقطيع 7 ساعات من 24 ساعه يعني تمام ومافيه اي مشاكل واحسن من غيرك

وهالاسبوع صارلتي مشكله انه انخفض سرعة النت عندي صارت 83 من اصل 128 وسرعة الداون لود تقريبا 12

واتصل عليهم يقولي عادي وانت احسن من غيرك ويقول اصلاً شيرنق مستحيل توصل 16 سرعة الداون لود

لا وطالعين بحجه ثانيه بمشكله التقطيع يقولي اذا تبي نفتحلك تكت مع الاتصالات لازم تسوي الشروط ذي :

لازم تجيب سلك طوله مايتعدى المترين وتشبكه مع البكسية اللي برا وعلى طول المودم ولا تستخدم السبلتر

يعني بالله يامستر ذكي المودم وين احطه بالشارع ولا بالحوش وهاذا جزء بسيط من اللي قاعد يصير معي والله وانا سمعت

ان كل الشركات كذا ومأقول الا الله يعينا ويعنكم وعظم الله اجركم

هذا موقع ممتاز لقياس السرعه النت

http://www.bandwidthplace.com/speedtest/

[A Step--ForWarD]

أووه كويس طلب منك اليوزر نيم والباسوورد وحاول يساعدك....

أنا كل ماكلهم يرد علي واحد الأنترنت يمين وهو يسار وكل ما أسأله عن شي يقول الشبكه الشبكه محفظينه كلمة شبكه شبكه
لا واذا قلت له عطني غيرك لو سمحت يحولني على فلبيني حق ماكدونالدز ماعنده سالفه شكله متوعد ياخذ طلبات أشرحله الوضع بالإنجليزي يقولي ويييت ويحولني على السعودي المخ وعلى هالحال لين ماتقفل معي وأقفل السماعه بوجيههم خدمة الله بالخير.....

الله يعين بس وانا صراحه أسمع عن زاجل يقولون ممتازه وأسعارهم شفتها حلوه ....

شكراً على مشاركاتكم ...

[ShadoW]

انا الحين تقدر تقول سكتهم على سالفة البطء والتقطيع بحجه ان التسليك عندي تعبان رحت اشتريت سلك تسليح ارهابي بمعنى الكلمه من نوع AMACo هاذا السلك اللي تستخدمه شركة الاتصالات واظاهر ماينباع اللي عند محل واحد اخذت 35 متر المتر تقريباص اعطاني اياه بريالين وشبكته من البوكسيه وعلى دوغري على المودم يعني مافيه اي حجه ودقيت على الدعم الهندي اللي هو 21807777 سعودي نت قلتله شف قبل لاتقول اي شي ترى السلك حقي من نفس النوع اللي تستخدمه الاتصالات انلخم الرجال وقال خلاص بندق على الاتصالات ويرسلولك فني خلال 48 ساعه (ايه هين) وقلت اوكيه.

انا الحين انتظر حضرة الفني واشوف اذا مافيه مشاكل بالخط فالعيب من ذول والله يكون بالعون

هاذي صورة السلك المسلح

[Dark_Matter]

انا كنت مشترك في دي اس ال من ديجي نت..
سرعة 128..
وكان تمام..
اكيد كان يقطع بعض الاحيان..
لكن اكلمهم وكلش يصير 100 % .

وانا وقفت اشتراك مع ديجي نت واشتركت مع نسما..
والخدمة تمام..
بس المشكلة يقطه كثير في النهار..
كلمتهم ويقولون ان المشكلة في السلك مع الحرارة..>>>>شمس الرياض ما تقصر....

وبحاول اجيب فني عشان يشوف لي مشكلة السلك...


يلا سلااااام..

[WiNdOwS_cRaZy]

Personal test results

Speed
213.9 kilobits per second

Communications 213.9 kilobits per second

Storage 26.1 kilobytes per second

1MB file download 39.2 seconds

Subjective rating Mediocre


شو رايكم بالسرعه ... ???


طبعا هذا انا مشغل الشبكة في بيتنا ...

انا عندي سؤال في السعوديه دي اس ال كم تدفعون في الشهر ؟؟