أسئلة قديمة عن REone ...

[Sonic 2002]

شباب أنا أسف عارف انها أسئلة قديمة بس المشكلة اني لعبتها
متأخر , أسف مرة ثانية وهادي الأسئلة :

1- ايش صار في البنت ربيكيا لأني ماشفت ايش صرلها البنت الوحيدة الي
دخلت القصر هي جيل ... ؟؟
2- انا وصلت الى القرص الرابع عشان أفتح الباب الخلفي للقصر بس مني
عارف كيف أحصل عليه ... , أنا قدرت أحصل على 3 باقيلي أخر واحد
على اليمين حسب الشكل الي جنب الباب .
3- كيف أحصل على الحل الكامل لللعبة ترى دخت عليه بس ما لقيته .
( طبعا لعبة قديمة فين حلاقي حلها )

[ryu_ken]

ريبيكا هي من برافو تيم (الفريق اللي راح القصر قبل فريق ستارز)
وفيه جزء للعبة حينزل على الجيم كيوب حيكون ابطاله فريق برافو



ايش الاقراص اللي اخذتها عشان اعرف ايش القرص اللي بقي لك وادلك على مكانه


بالنسبة للحل الكامل حاول لاتعتمد عليه لانه يفقدك متعة اللعبة واذا كنت مصر ابحث عن العدد الاول او التاني من مجلة محترف العاب الكمبيوتر
وارجو اني اكون افدتك

[Lord of PS]

تابع القصة كاملةً على الموضوع التالي:

http://montada.com/games4arab/showth...threadid=13110

[كريس ريدفيلد]

انت تتكلم عن القطع الأربعة (القمر و الشمس و النجوم و الريح) مو عن الأقراص لأن اللعبة فيها أقراص (ديسكات) المهم هذي أماكن القطع الأربعة:
القطعة الأولي موجودة في تمثال النمر
القطعة الثانية موجودة في غرفة الثعبان
القطعة الثالثة موجودة في الغرفة اللي فيها تمثالين
القطعة الرابعة موجودة في غرفة الصور

أذكرلي أي قطعة ما حصلت عليها و أنا أساعدك

بالنسبة لريبيكا زي ما قال الأخ ryu_ken هي جاتمع الفريق الأول (برافو) للتحقيق في حوادث القتل الغامضة التي حصلت في غابة الراكون ولكن جميع أعضاء فريقها قتلوا عن طريق الزومبي أو الكلاب أو الثعبان ما عدا هي و أنريكو الذي ستشاهده في أجزاء متقدمة من اللعبة

الحل الكامل تلقاه في مجلة محترف ألعاب الكومبيوتر العدد الأول

[Sonic 2002]

شكرا يا ryu_ken على جوابك في موضوع ريبكيا وما قصرت , الأقراص
الي أخذتها هي قرص الشمس والنجم والريح باقيلي قرص القمر , وأنا
حأسمع كلامك من ناحية الحل الكامل ولا حفكر فيه عشان متعة اللعب
زي ماقلت , طبعا انت أفتني وشكرا .

بالنسبة ليك يا Lord of PS موضوعك جميل ورئع بدون مجاملة والله
يوفقق .

أسف يا كريس اني قلت على القطع أقراص , القطعة الي ما حصلت
عليها هي القمر الي في غرفة الثعبان بس باب الغرفة مغلق غير ان
أبواب ثانية ماتفتح كمان واحد منهم يحتاج لرقم , بعدين العين الحمرة
لتمثال النمر ماني عارف فينها ... أحترت .

[كريس ريدفيلد]

أول شي مافي داعي انك تعتذر لأنك ما غلطت أنا حبيت بس إني أوضح لك نقطة معينة لأنه زي ما قلت لك عندك قطع و عندك أقراص (ديسكات في اللعبة) فحبيت أتأكد أما بالنسبة لمفتاح غرفة الثعبان فحله سهل إنت أكيد تذكر غرفة الطعام اللي أخذت منها العين الزرقاء للنمر تلقى فيها درع خشبي فوق المدفأة خذه وروح للممر اللي قابلت فيه أول زومبي وخذ معاك مفتاح السيف (المفتاح اللي تلقاه على السرير لما تلعب بكريس) إذا كنت تلعب بكريس أما إذا كنت تلعب بجيل "و هي الخيار الأفضل لك لسهولة اللعب بها" فما يكون عندك المفتاح لأنك تستعمل بدلا عنه الـ Lock Pick اللي أعطاك هو باري في بداية اللعبة

المهم أتجه يمين و أدخل الغرفة اللي في اخر الممر على اليسار و هناك تلقى بيانو خلف البيانو تلقى دولاب أدفعه تلقى خلفه نوته موسيقية في هذا الجزء من اللعبة إذا كنت تلعب بجيل أستعمل النوتة الموسيقية على البيانو و راح يفتح لك باب سري
((أما إذا كنت تلعب بكريس فراح تلقاه ما يعرف يعزف و تجيك ريبيكا و تعزف شوية و يظهر انها ضعيفة شوية في الموسيقى المهم تطلب منك انك تتركها تتدرب شوية أتركها وأرجع لها بعد فترة تلقاها أتقنت العزف و راح ينفتح لك الباب السري))

ادخل الباب السري وتلقى هناك درع ذهبي خذ الدرع الذهبي ةضع مكانه الدرع الخشبي ثم عد إلى المكان اللي أخذت منه الدرع الخشبي و ضع مكانه الدرع الذهبي و راح تنزاح الساعة كاشفة عن مخبأ سري مخبأ فيه مفتاح غرفة الثعبان أدخل وعندك خيارين إما إنك تقاتل الثعبان و تهزمه (ما راح يموت بس راح يهرب) أو إنك تراوغه و تاخذ القطعة من المكان الذي خرج منه و تهرب

أما بالنسبة للأبواب المغلقة لازم تعرف شي يا Sonic 2002 في ريزدنت إيفل الباب اللي ما ينفتح معناه شي من اثنين إما انك ما تقدر تفتحه أو إنك راح تفتحه في مراحل متقدمة من اللعبة فليش مستعجل أما بالنسبة للعين الحمرة (حلوة العين الحمرة ) لتمثال النمر إذا رجعت للقصر تاني قلي وأنا أقول لك كيف تجيبها

[Sonic 2002]

والله انك طيب , شـــــكرا .
بس سؤال ؟؟
مين الي شالني لمن اغما عليه ونيمني على السرير
في الغرفة الأمنة . اذا كنت عارف طبعا ...
واذا رجعت القصر أكتبلك ... ولا فيها احراج .

[ryu_ken]

طيب يا سونيك انت بتلعب بمين؟؟؟؟؟؟

[Sonic 2002]

بلعب بــ Jill الجميلة .

[كريس ريدفيلد]

بالنسبة للي شالك و حطك في الغرفة الآمنة فعلى الأغلب انه باري لأنه ما معاك أحد في القصة غيره لكن إذا كنت تلعب بكريس فتكون ريبيكا هي اللي شالتك

أما إذا عدت إلى القصر تاني أكتبت لي ليش يكون فيها إحراج؟؟ (أصلاُ أنا أبغى أزود مشاركاتي فقدر ما تقدر أسألني)

و على فكرة إذا وصلت لبيت الحراس في غرف راح تقى فيها طاولة بلياردو و العصي كأنها ساعة أبغاك تقلي الشكل للعصي يكون الوقت كم

[Sonic 2002]

الى كريس الطيـب ... , شكرا على اجابتك (كنت محتارمين الي شالني) .
أنا بالفعل وصلت بيت الحراس (ماشاء الله عارف) بس ما فهمت قصدك
بالنسبة لطاولة البلياردو , و وصلت الى غرفة فيها 4 قوارير ايش أسوي
فيها ما أدري الي فهمته ان لازم يكون في وحده water والثانيه red
والثالثة purpol والرابعة green (كلها أدوية على ما أظن) وأخلطها مع
بعض حسب الكلام المكتوب في جدار الغرفة .

[كريس ريدفيلد]

فكرة طاولة البلياردو إنها تكون على شكل ساعة تقرا الساعة و تروح للغرفة اللي فيها قوارير و تفتح الباب برقم الساعة مثلا إذا كانت الساعة الثاثلة و الربع يكون رقم فتح الباب 315

الكلام اللي تقوله صح انت لازم تخلط القوارير على حسب الكلام الموجود في الغرفة عشان تكون المواد الأساسية لأنك لو تلاحظ ان ما عندك غير 3 مواد (على ما أظن) بخلطها تكون مواد أخرى ابحث في بيت الحراس (أظن إنه في الغرفة اللي في آخر الممر راح تلقى تقرير على السرير) هذا التقرير فيه طريقة القضاء على النبتة 42 و لكن هذه المواد تكون فائدتها عند اللعب بكريس و لا فائدة لها عند اللعب بجيل

[Sonic 2002]

شكرا على ردك ... , فهمت فكرت طاولة البلياردو .
يعني قصدك ما أسوي شيء في غرفة القوارير , طيب ايش أسـوي .
لعلمك أنا دخلت غرفة لقيت على السرير حقها كتاب أحمر بس قلي
مو مهم , وأخت مفتاح أسود من حمام الغرفة ولقيت مفتاح ذهبي
عند خلية النحل وبقـيت الأبواب ما تنفتح .

[كريس ريدفيلد]

يا Sonic 2002 في الغرفة رقم 2 (اللي في اخر الممر) راح تلقى دولابين حاول تدفعهم و تشوف إيش تلقى وراهم

[Sonic 2002]

آه ... المفتاح الذهبي للغرفة رقم (n002) أنا أسف كويس انك نبهتني .
طيب , دفيت الدلابين ونزلت وقتلت القروش وأخت مفتاح الغرفة (n003)
ودخلتها وجاء رجال وساعدني (نسيت اسمه) وجاء واحد قالي كلام وراح
طبعا أنا مافهمت شيء من المحادثتين بس فهمت اني لازم أرجع القصر .

ياريت تفهمني (اذا كنت فاهم الكلام) ايش قالولي الرجالين دوول
عشان أكمل طريق الرعب ... .