الوســامة..العبقــرية..وجهان لعملة واحدة!

[Moon Boy]

أحتل السعوديون المرتبة الثالثة عالمياً من ناحية الإهتمام بالمظهر ..
وحلو بعد الفنزويليون(المشتهروون بالبترول) والمكسيكيون..
ولولا عمليات التجميل التي يحرمها الدين الإسلامي لحصل السعوديون المرتبة الأولى عالمياً..

وتم الإستطلاع عن طريقة عينة عشوائية..

وربما يعزى ذلك لإهتمام السعوديون بالعطر والعنبر والدخون والبخور وأنواعها..

وتشير الدراسات أن نجاح الشخص في الحياة العملية والعاطفية والإجتماعية يعتمد على (ابتسامة جذابة)!!

والملاحظ أن العباقرة والدكاترة وأذكياء العالم.. دائماً لايهتمون بمظهرهم الخارجي.. ويعدون ذلك من دواعي السخف..
ليس لعدم وجود الوقت لذلك فحسب.. بل لعدم إكتراثهم بذلك أصلاً!!

وهذا مايفسر خلو قائمة العباقرة وأذكياء العالم من السعوديون!!


شخصياً..
حدثنا عن مايلي:-

1- كيفية إهتمامك بمظهرك؟!!

2-لونك المفضل وعطرك المفضل؟

3-كم مرة تقف أمام المرآة؟

4-من يختار لك ملابسك؟..وكم تخسر من المال على أناقتك شهرياً؟!!

5- من هو مثلك الأعلى في الوسامة؟..ومثلك الأعلى في العبقرية؟!

6- ابتكار لأحد العباقرة ساهم في تطور البشرية؟!!

7- مالذي يعيقك لتصبح عبقري؟!

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

تحياتي لكم..

[Trapped Inside]

انا صوت للوسامه..لان اغلب العباقره يكون فيهم مرض نفسي ولا شي..

1- كيفية إهتمامك بمظهرك؟!!

اتحمم كل يوم..ودايم اتعطر اذا طلعت من البيت..واغسل بعد ما اكل..وافرش كل يوم اذا قمت من النوم..

2-لونك المفضل وعطرك المفضل؟

لوني المفضل باللبس؟؟ الابيض..والعطر Hugo Boss^^..

3-كم مرة تقف أمام المرآة؟

هممم..كثير اذا بغيت اغسل..واذا طلعن من الاستحمام..واذا قعدت اغني..

4-من يختار لك ملابسك؟..وكم تخسر من المال على أناقتك شهرياً؟!!

من ناحية الثياب..ما فرقت احيان اروح افصل ولا ابوي يجيب لي جاهز...ومن الفلوس على حسب اذا كانت ثياب ابوي..وحتى الجينززات الا اذا كانت مبالغ فيها شوي على حسابي..

5- من هو مثلك الأعلى في الوسامة؟..ومثلك الأعلى في العبقرية؟!

امممم..يمكن براد بيت.. اينشتاين..

6- ابتكار لأحد العباقرة ساهم في تطور البشرية؟!!

المكيف ^______^..

7- مالذي يعيقك لتصبح عبقري؟!

مافي شي..بعدين العبقريه تكون بالفطره باغلب الاحيان..

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

ليه قالولك لبناني..


ومشكور على الموضوع^^..

[( الآزوري 10 )]

1- كيفية إهتمامك بمظهرك؟!!
عادي مو مبالغ ولا مقصر

2-لونك المفضل وعطرك المفضل؟
احب البس اللون الاسود..والعطر مااهتم اذا خلصت غرشة العطر مو لازم نفس النوع..

3-كم مرة تقف أمام المرآة؟
بس اذا بغيت اسرح شعري

4-من يختار لك ملابسك؟..وكم تخسر من المال على أناقتك شهرياً؟!!
انا اختار بنفسي..اما من ناحية التخسير فابدا مااخسر على الثياب كثير..يعني في المناسبات اكثر شي اشتري لي..

5- من هو مثلك الأعلى في الوسامة؟..ومثلك الأعلى في العبقرية؟!
مثلي الاعلى في الوسامة مارتنيز لاعب الانتر ..وفي العبقرية ماحد..

6- ابتكار لأحد العباقرة ساهم في تطور البشرية؟!!
الانوار..

7- مالذي يعيقك لتصبح عبقري؟!
مافيه شي..ومثل ماقال العضو اللي فوقي ..العبقرية تجي بالفطرة

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
مااحتاج عمليات تجميلي..شكلي حلو


ومشكور على الموضوع..

[DeadLy_]

- كيفية إهتمامك بمظهرك؟!!

ماهتم كثيراً بس البس الثوب و اطلع

2-لونك المفضل وعطرك المفضل؟

الازرق و العطر استخدم اللي موجود منه

3-كم مرة تقف أمام المرآة؟

كل ماروح للوضوء

4-من يختار لك ملابسك؟..وكم تخسر من المال على أناقتك شهرياً؟!!

و الله انا ما اشتري غير الثوب و اصرف على الثوب الواحد يمكن 110 ريالات
و فلوسي ماصرفها على الاناقة و لكن على الالعاب و الاكترونيات
5- من هو مثلك الأعلى في الوسامة؟..ومثلك الأعلى في العبقرية؟!
لا أحد
6- ابتكار لأحد العباقرة ساهم في تطور البشرية؟!!
انشطار الذرة؟ يولد طاقة كبيرة استفادوا منها
7- مالذي يعيقك لتصبح عبقري؟!
النت و اللعب

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

لا

[golden_sky]

1- كيفية إهتمامك بمظهرك؟!!

والله حسب المكان الي رايح له

2-لونك المفضل وعطرك المفضل؟

مدري وش دخل اللون .. بس الازرق ..

3-كم مرة تقف أمام المرآة؟

مرة بالكثير

4-من يختار لك ملابسك؟..وكم تخسر من المال على أناقتك شهرياً؟!!

خخخخخ موب حلوة اخلي احد يختار لي ملابسي .. وش بقينا للجنس الناعم

5- من هو مثلك الأعلى في الوسامة؟..ومثلك الأعلى في العبقرية؟!

الوسامة .. ماكو لحد يومك هذا اوسم مني

العبقرية " أينشتاين

6- ابتكار لأحد العباقرة ساهم في تطور البشرية؟!!

اعتقد ( من وجهة نظري ) المجهر ^^ كان البداية .. ونهايته كانت المجهلا الاكتروني الي بدونه ما اكتشف العلماء 3 ارباع اكتشافاتهم

7- مالذي يعيقك لتصبح عبقري؟!

ماكو شي يعيقني .. انا عبقري

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

لا يبو .. وش دعوى

[ODIN]

انا من ناحيه الاهتمام بالمظهر صراحه مبالغ فيه بشكل معتدل يعني .. وهذا شي ايجابي وحتى الرسول صلى الله عليه وسلم وصى فيه .. ولاحظت اثره على نفسي خاصه بعلاقتي مع الناس ..

لابد صراحه الاهتمام بالمظهر ( والمبااالغه فيه ) بطريقة معتدله .. لا احد يفهم الاهتمام معناتها دور على جنزات ضيقه وجل بالشعر والكلام الفاضي هذا ..

الحمدلله ذوقي معروف بين كل الاهل والربع .. بس المشكله ان ذوقي صعب جد صعب احصل الشي الي براسي .. يعني حتى درجات اللون اهتم فيها . مثلا احب اللون البيج . .لكن مب أي بيج يعجبني .. فيه درجه معينه براسي هي الي تعجبني بس وغيرها اعتبره قبيح ..

نفس الشي بالاسود بعد .. يعني الوالده تضحك علي لما تشوفني انقي الملابس ما تقول الا الله يصبر زوجتك عليك بعدين ..

والمشكله الثانيه بعد ان مثلا خواتي اذا بغو يشترون لي بلوزه او اي شي .. مستحيل يشترون شي يعجبني .. يعني اخذها منهم مجامله واقول لاا لا حلو ماشاء الله يعطيك العافيه بس .. ومناك اتركها ولا البسها صراحه لان ذوقي صعب محد يعرفه الا انا ..

والمشكله الثالثه بعد -__- اني مستحيل البس شي فيه كتابه او زحمه الوان .. ما احب الا السااااده الساده بس .. وهذا جد جد صعب احصل ملابس ساده وعلى الي ابيها .. اسوي زحمه بالسوق ياله احصل الي ابيه ..

والمشكله الرااابعه بعد .. ان بعض الملابس الي احب البسها شوي مو متعوديين عليها بالخليج .. عشان كذا لما البس بعضها كل العيون تصير علي.. صحيح انها حلوة .. بس يبقى مب متعودين عليها ..

مثلا يعني بالشتا صرت البس جوكيت طويل زي حق الماتركس .. والصيف البس الوان جيشيه وراقيه بنفس الوقت ..

والمشكله الخامسه بعد ( من جد ذا مصخها ) مستحيل البس شي على الموضه .. جد جد اكره شي عندي البس شي منتشر بين الشباب والا عند العالم .. دايم احب البس شي مميز وراقي بنفس الوقت .. اكره الجينزات الي طايحين فيها ذي المحرقه مدري كيف . واكره النظارات الكبيرة هذي الي كأنها ذبانه .. واكره الكابات الي طايحين فيها .. دايم احب اصير مميز بذوقي ما اهتم بالموضه ..

هذا من ناحيه الملابس .. بس من ناحيه الشكل نفس الشي تقريبا .. احب ازيت راسي بعد السباحه وغيره ..


بس فيه شي واحد مستحيل اهتم فيه .. الي هو الذقن .. اكره ما عندي السكسوكه ( لان الشعب طايحين فيها ) دايم ذقني محيوس ومب مرتب ( عندي كذا احلى مدري ليش )

مصختها بالرد من جد -___- بس يله امس سلمت الفاينل والحين فاضي من جد ..

[Angel whisper]

عادي عندكم الشباب يلبسون كنادير مخصره؟
لاني شايفه وايد شباب سعوديين عندنا في الامارات يلبسون من هالنوع..

[HArb200]

اقول يازين الثوب الابيضاني مع الشماغ الاحمراني والعقال الاسوداني والسلام خير ختام .



اما الاهتمام الزايد .. يعني مثلا .. زي ماقال اودين .. جل وقصات شعر غريبة .. فهذي من جد مالها داعي .. بالعكس تترك انطباع غير جيد عند الناس عنك .

فالزبدة .. الاهتمام بالمظهر شي طيب .. ولازم .. لكن بالمعقول .. ولا يكون هوس .. لان بعض الناس الله يشفيهم .. ينسون كونهم رجال ويزداد حب التجمل حتى يصل لمتسوى المرأه .. مكياج و ممكن صبغات شعر .. وهلم جرا.

[انجلينا17]

1- كيفية إهتمامك بمظهرك؟!!

زيي اي بنت يعنى فيه اهتمام

2-لونك المفضل وعطرك المفضل؟

الاسود العطر ( البرواز ) ( زهور الريف )

3-كم مرة تقف أمام المرآة؟

3 مرات

4-من يختار لك ملابسك؟..وكم تخسر من المال على أناقتك شهرياً؟!!

انا اختارها اااام تقريبا ( 200 )

5- من هو مثلك الأعلى في الوسامة؟..ومثلك الأعلى في العبقرية؟!

محد

6- ابتكار لأحد العباقرة ساهم في تطور البشرية؟!!

اشياء واجده مو فاضيه اعدها

7- مالذي يعيقك لتصبح عبقري؟!

مافيه مخ يفكر

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

ايه هين

[ODIN]

عادي عندكم الشباب يلبسون كنادير مخصره؟
لاني شايفه وايد شباب سعوديين عندنا في الامارات يلبسون من هالنوع..

ايه عادي
هذا الجواب الي تتمنين تسمعينه مع انك تدرين انه غلط صح ؟ يحليلك انجل

تلاقين الشواذ ذولي يبون يكشخون عندكم .. يحقلهم .. مو انتو ملتقى الحضارات والاديان وعجائب الدنيا السبع واليس ببلاد العجائب وغيره ..

( ترى سؤالك شوي ماله داعي وانتي تعرفين هذا يا انجل )

[Dr.Lucifer]

ايه عادي
هذا الجواب الي تتمنين تسمعينه مع انك تدرين انه غلط صح ؟ يحليلك انجل

ماشاء الله تقدر تقرا أفكار الناس ..
أهنيك على هذة القدرة

[ثريول]

اقول يازين الثوب الابيضاني مع الشماغ الاحمراني والعقال الاسوداني والسلام خير ختام .

هذا الكلام .. يعني هذا شكلي قبل 6 سنين وما عمري غيرته , غير إذا بالعب كورة ولا باسوي رياضة ولا باروح البحر .

ببساطة الكل هنا مثلي , ومافيه غير الأبيضاني والأحمراني والأسوداني .. وبعض الأحيان بدال الأحمراني أبيضاني وأنقز !

[ورد]

ايه عادي
هذا الجواب الي تتمنين تسمعينه مع انك تدرين انه غلط صح ؟ يحليلك انجل

تلاقين الشواذ ذولي يبون يكشخون عندكم .. يحقلهم .. مو انتو ملتقى الحضارات والاديان وعجائب الدنيا السبع واليس ببلاد العجائب وغيره ..

( ترى سؤالك شوي ماله داعي وانتي تعرفين هذا يا انجل )

حتى بالمسلسلات السعودية ؟؟

واستهزازئك بدولتنا ماله داعي بعد

[QataR NighTMarE]

1- كيفية إهتمامك بمظهرك؟!!

البس ثوبي وغترتي او الكاب واطلع

2-لونك المفضل وعطرك المفضل؟

بالحياه احب اللون الأزرق والأسود لكن بالثياب مالبس الا الثوب الأبيض
وبالنسبه للعطور فأفضل (اجمل) و ( كـاريـرا )

3-كم مرة تقف أمام المرآة؟

اووه وايد

4-من يختار لك ملابسك؟..وكم تخسر من المال على أناقتك شهرياً؟!!

انا وانا اصلاً ما البس شئ غير الثوب والغتره والعقال وماحب البدلات ومن هالثياب

5- من هو مثلك الأعلى في الوسامة؟..ومثلك الأعلى في العبقرية؟!

انا

6- ابتكار لأحد العباقرة ساهم في تطور البشرية؟!!

الله يخلي المكيف والكهرباء بس
تكفيني هالأشياء

7- مالذي يعيقك لتصبح عبقري؟!

لا شئ اصلاً العبقريه اعتقد تكون بالفطره يجيك واحد تلقى عليه عقل مب صاحي
شلون جذي محد يدري

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

لا

ويعطيك العافيه على الموضوع

[ODIN]

حتى بالمسلسلات السعودية ؟؟

واستهزازئك بدولتنا ماله داعي بعد

الله يهديك يا ورد انا استهزئ على درة الخليج مدري لؤلؤة الخليج انا ما قلت شي من عندي بس سمعت الكلام الي يقولونه بالدعايه حقتكم الي تطلع بسبيس تون .. بريئ انا مالي خص

وعلى طاري المسلسلات السعودية .. المعذره يا عزيزتي مع احترامي لك لكن انتو متعودين على خيام ماشاء الله مب ثياب .. ( حيل عريضه ) عشان كذا تعتبرون أي ثوب متوسط بالعرض او غير عريض تعتبرونه ( مخصر ) ..
هم مشكلة السعوديين يراعون الاناقه شوي بثيابهم ما يعملونها ( حيل عريضه مثل ما انتو متعودين ) عشان كذا البعض يعتبر ثيابهم مخصره مثل حضرتك .. ولا تقولين بعد ان استهزئ بثيابكم كل ديره ولها ثيابها ..المشكله اني فاهم هذا الشي وانتي مب فاهمته .

عادي وجهة نظر لك واحترمها واتمنى انك تحتفظين فيها لنفسك وشكرا جزيلا يا عزيزتي ..

ــــــــ

سوري يا حبيبي moon boy اعذرنا طلعنا عن موضوعك شوي لكن مب بيدي .. اتمنى انك تعذرنا

وعلى قولت هارب وثريول .. يحيا الثوب والشماغ رمز الاصاله