*مـــقـــدمـــه*تراني منيب دب ولانيب شين للمعلوميه,, وأصلا انا امي لبنانيه واسمها نادين وانا متاكد من هالشي بس المستشفى الله يلعن والديهم لخبطوني في الحضانه وحطوني عند امي الشينه بدال امي الزينه عشان كذا انا يقولون عني شين ,, بس الصراحه من تالي بديت اشكك عقب ماسالت امي بكل رقه وعذوبه,,, (( مامي )) وش انتي متوحمه يوم تحملين فيني ؟؟قالت ومن قال اني حملت فيك !!(( حسيت ان اصلي متكون في سيفون))
عقب هالجمله جأتني الفجيعه وحطيت يد على فمي واليد الثانيه على بطني من تحت شوي وقلت ماما انا طفل انابيب ؟؟سطرتني وقالت بلا تميلح تراني متوحمه يوم احمل فيك بليمون اسود ,, قلت اييييييييييه بعذري هذا شكلي مانقص الا اوقف على عمود فوق سطح ملحق واطلع كني دش
![]()
مصرقع اس اس مـــــوجـــــــود ولـــــكـــــن !!!
اكثر شي اثر على في حياتي اني يوم كنت صغير كانت امي ترضعني سليق بدال الحليب والمشكله انها تحطها برضاعه واكيد بتستغربون وش لون يطلع السليق بس سهله رضاعتي زمزميه موب مثلكم ( ديد ) عشان كذا انا الى الان محروم من هالديد ماقد رضعت منه ابد وعقب رابع سنه وانا ارضع حست امي انها ترضعني سليق بدال حليب وأنبها ضميرها طول هالسنين وشلون مارضعتني حليب طبيعيوجابت لي بقره في حوشنها ورابطتني في بطنها بخيشه وبرطمي عند ديد البقره واقعد ارضع منها بس انا ماقهرني هالشي ابد ... اللي قهرني هو ان امي حاطه في طرف ديد البقره قطاره !!! فالتفت على امي وانا مربوط في بطن البقره من تحت وقلت ويــــــن يام الشباب ابشرب بطل ( بلااك ) انا عشان تحطينه بقطاره
فحتى ديد البقره ماجيته حسيت وانا في مربوط اني مضطهد بس قلت اصبر ياولد وعوض احساس الامومه بهالبقره وتصبر وموب صاير لك الا العافيه ,, بعد مارضعت من هالبقره صارت تروشني امي كل سبوعين مره واذا خلصت من الترويشه توديني للبرحه اللي حول بيتنا وتعفر خشتي وجسمي بهالتراب ثم تروح تغسلني ثاني مره !!
(( ويييييييييييين والده كلب وانا مدري ؟؟ ))
مرت الايام وانا بزيـــر ما ادري وش السالفه بس اني كاتم هاللي في قليبي ولا احد يدري عني ,,, ويوم صار عمري 6 سنين قلت ابدخل مدرسه قالت لا مافيه دراسه خلك في البيت تنفعنا على الاقل احسن من دباشتك !! قلت والله ماجاب لي هالدباشه الا هالسليق اللي ترضعيني منه كم سنه.. بعذري مانقص تحطين في بطني الا كيلون واطلع كني باب مقلط![]()
حسيت اني في هالحياااه (( موجود ولكن )) يعني هذي بدايه حياتي ومضطهد ومزلب وما اهتموا فيني ولا جابو لي خروف اربيه (( يلعن ام القراوا اذاطاحو في الحيوانات مايعرفون يربون ,, بس كنت اقول لابوي ابي خروف اربيه عندي قال رب نفسك بعدين حاول تربي غيرك )) قلت في نفسي مدام ذي اولها ينعاف تاليها ياولد لاتتعب عمرك وانت توك صغير رح انتحر اصرف لك ,, والله واروح للمطبخ واخذ كلوركس وفلاش ومكنسه وسكينه وخبز توست وجبن (( وش هاللي مايعرف ينتحر ياناس ))![]()
وطلعت وحاط هالعفش في كيس وكانت خطتي 2+2 = 6 يعني اربع اشياء وست طرق ونتيجه الخطه اني اموت وافتك والله واشق واطلع لحديقه جنب بيتنا ياناس اول مره اشوف حديقه مافيها الا غرفه حارس خخخخخخخخخخخخخ شكلهم جايبين هالحارس من الهند عشان يسكنونه في الحديقه طيب عطونا الحديقه نبني فيها بيت ياناس والله قهر لا واللي يقهرني ان الهندي قدم استقالته قال الله يلعن ابو الحديقه اللي مايجيها ناس وسافر للهند وكان الله يصلحه دايم مايروح للحمام عجاز فكان يقضي حاجته في الحديقه عادي ماحوله احد ولا يجيه احد من حقه ياخذ راحته ومن ابسط حقوقه بعد مع مرور الزمن وكثر مايروح الهندي للحمام اكتشفنا ان فيه شجره نبتت من بعده واللي خلاني اتاكد من هالشي ان امانه مدينه الرياض حاطين رخامه على الشجره مكتوب شكر جزيل ل السيد ( غلام غلام غلام ) << يلعن ابو الاهل اللي ماعندهم الا اسم واحد نكبهالمهم اخذت عفشي ورحت للحديقه وحطيت العده وجلست اناظر الشجره قلت والله اني لوح نسيت الحبل واروح ارجع للبيت والقى امي وابوي جالسين قلت يمه وين حبال نشر الغسيل ابي واحد .. قالت شفه في درج تلقاه في المخزن وفي طريقك نظف المخزن !!! عاد قلت في نفسي مدامني ابنتحر خلني اخربها ,, قلت يمه بعد ما انظف المخزن ماتبين اغسل ملابسكم مره ثانيه واطبخ لكم واروح انوم الشغالات عشان يرتاحون لان بكره وراهم شغل ؟؟؟ ناظرتني بنظره اشك انها سلهمه الصراحه لاني الى الحين مادري وش معنى هالنظره ناظرتني من فوق لتحت ثم يمين ويسار وانا لوح اناظر عيونها الحولا مادريت الا جايتني مزهريه تمشي سبع الااااااااااف بصمت في وجهي زخرفه بس الصراحه انا الحين وانا اكتب لكم معاناتي عرفت وش معنى هالنظره لاهي نظره مسخره ولا هي نظره استحقار ولا اعجاب
الله يهديها نظرتها كانت تدور على شي بدون ماتلف رقبتها عشان كذا لقطت المزهريه
![]()