الاعلام العربي الفاشل مع الفيديو جيمز و فاينل فانتسي 7 (( قمة المسخرة و القهر ))
مرحبا جميعا
اليوم (( أو بالأصح قبل ساعة و ربع )) كنت قاعد أتغذى .. و حاطين الأكل على الجرايد .. و أنا قاعد آكل ما أشوف الا الجريدة يالي تحت صحني فيها صورة كلاود و كاداز من أدفينت شيلدرن .. شلت الصحن بسرعه و قاعد أقرأ شنو السالفة .. شوي و لا تنسد نفسي عن الأكل
الكاتب *** *** يالي يكتب كل يوم جمعه في احدى الجرايد العربية صفحه عن الفيديو جيمز (( كذلك مقدم فقرة الألعاب باحدى البرامج الشهيرة على أحد التلفزيونات العربية ))
واحد الصراحه شكله ما يدري شي عن الفيديو جيمز و لا يدري وين الله قاطه (( مع احترامي الشديد لك يا أخي الكاتب المخضرم ))
أغلب مقالاته يالي يكتبها يحط فيها معلومات كلها تأليف بتأليف من عنده .. يكتب و لا يدري شنو يالي يكتبه .. أتذكر من ثلاث سنوات قبل لا تنزل فاينل فانتسي 10 .. كتب مقال عنها في صفحته الأسبوعية .. الأخ حاطط صورة تايدوس و كاتب (( زيل يعود من جديد مع سيفه البتار لمحاربة الأشرار )) .. بالله الحين زيل من فاينل فانتسي 8 من متى كان عنده سيف من الأساس .. و شنو دخله بـ فف10 !!
السؤال الأهم منو يالي وصل هالمعلومة الغبيه له ؟
يعني مشكلته أنه يكتب أي شي و أي كلام بس علشان يمشي الصفحه .. و يخلي المساكين يالي ما عندهم انترنت أو ما يتابعون المجلات يقومون و يصدقونه و يصدقون كل كلمة يقولها لأنهم يثقون فيه و على بالهم أنه حريف فيديو جيمز .. و لما تنزل اللعبة تقع عليهم الصدمه و بكثير من الأحيان خيبة الأمل لأنها طلعت مختلفه 180 درجة عن الفكرة يالي كانوا ماخذينها عنها (( ترى أعرف ناس كثار صارت لهم هالمواقف البايخه ))
المهم أكيد الحين قاعدين تتسائلون شنو كتب هالكاتب عن فف7 لدرجة أنه سد نفسي عن الغذا و خلاني أكتب هالموضوع بعصبية شديدة لدرجة أن شوي و يطق لي عرج ..
أترك لكم الصفحه تقرونها بأنفسكم .. و يرتفع ضغطكم من الجهل يالي عندنا تجاه الفيديو جيمز .. و تخليكم بدال ما تطالبون ببرامج و صفحات و مجلات عربية مخصصه بالفيديو جيمز .. تتمنون أنها ما تطلع اطلاقا .. بسبب الفشيله و الفضيحه يالي راح تطلع من وراها :
========================
========================
المشاركة الأصلية كتبت بواسطة مصرقع بايعها
