ليـــــــــــــــــــــ يا أنســــــــــــــــان ــــــــــــــــــــــــه
ليه يا أنسان نفسك بالجشع ماليها
ليه تبص لفوق و تحزن على رزق مش ليها
ليه دايما طماعه عمر الطمع ما هيهديها
دا الأنسان روحه ما بين ورقتان في كتاب
بكره تتقلب الصفحه و تخرج الروح للعذاب
و ساعتها تعاتب نفسك أشد العتاب
لكن المره ديه هكيون مفيش فايده
مفيش وسطه ولا مقايضه
المهم تلحق نفسك وبلاش تكون هالك
انا قلت افهمك و اوعيك
قبل المنيه ما توفيك
والشيطان قادر و بيغريك
فوق يا انسان قبل ما يفوتك الأوان
حاول ترجع لنفسك وتهديها
وتسأل ليه نفسك الجشع ماليها
-------
وحشتيني يا أمى
ياما نفسي تعودى وافديكي بكل دمى
تعالى يا امى مستانيكي بحياتى و عمرى افديكي
نفسي اشوفك ولو مره حتى لو هموت بعدها
نفسي ابكى فى حضن امى وانسي روحى وقتها
ياترى ياما زعلانه لسه على كل لحظه وكل همسه
مبقاش فى ايدي غير كلمه اسف
امى الحبيبه اسف
اسف على لحظه خنت فيها عهدك
اسف لأنى قدرت اعيش من بعدك
كنت فاكر انى هقدر اصون وعدك
لكن طلعت اقل من انى اكون ابنك
اسف على كل لحظه زعلتك فيها
امى يا امى وحشانى
ياسكنه فى كل وجدانى
عايزك جانبى تشيلي همى من تانى
ارجوكى ياما عودى تانى
متخلنيش انسان اناني
معدتش بفكر غير فيكي
فى كل حياتى معانيكي
وحشتيني يا أمي وحشتيني
روحك لسه بتناديني
يا ترى هشوفك وارجعلك
وانسي اللي حصلى من بعدك
وحشتيني يا أمي وحشتيني
أرجوا اعطاء الرأى بصراحه وبدون مجامله
شعر ولا خواطر لا ادرى المهم انه من القلب ولأول مره
