هلالي .. هلالي .. هلالي ..

[العمدا]

السلام عليكم ورحمه الله وبركاته ..

كيف الحال ؟؟



ماشالله منور المنتدى عقب الخمستين

ابدخل في صلب الموضوع ..

---


الهلال من تقريبا ثلاث او اربع سنوات وهو ماش .. لك عليه ..

وهذا كل الجماهير السعوديه بشكل عام والهلاليه بشكل خاص ( الفاهمه طبعاً ) عارفه هالشي ..

لا اداره حازمه .. لا لاعبين جديِين .. لا صفقات تنم عن فكر كروي مستقبلي .. يعني بكل صراحه فريق لك الله ..

من زمان وانا ودي اقول هالحقيقه المره .. لكن الواحد يقول عل وعسا يتصلح الوضع ..

انا بصراحه متى عرفت ان الهلال تقريباً انتهى ..

يوم شفت انه محد رضا يرئس النادي .. ( هذا الكلام للي ما يعرف متى .. فهو صار قبل ما يمسك الرئاسه سمو الامير عبدالله بن مساعد .. ووقتها مسك الرئاسه النكره فواز المسعد .. وكان انواع التخبط )

يعني يا جماعه فريق كبير وكبير للغايه بل زعيم قاره اسيا .. ما فيه شخص يجرؤ على انه يرئسه ..وفي الماضي الى موب بعيد كانوا اعضاء الشرف يتطاقون من الى يرئس النادي وكانت الدعوه واسطات وفلوس كان شرف كبير رئاسه نادي مثل الهلال .. اما هلحين كل رئيس خايف ان نهايه الهلال تكون على يده .. صدقوني حنا ( كجماهير ) منب افهم من الاداره يعني هم عارفين ان الفريق منتهي .. مافيه اي نوع من التقدر بل العكس قاعد يتأخر ويتأخر ..

وخاصه في اخر سنه يعني انواع الفله اذكرلكم منها ...


## الجمعان عقب ما فلها مع الحكم المصري ترجع تجدد له ليش ؟؟ خلاص لاعب زباله مع احترامي وش تبي فيه ؟؟ خله يروح الاتحاد يبلشوبه صدق .. يعني عرض عليك مبلغ وصدقني اي مبلغ افيد من الجمعان .. انت محتاج فلوس بع علطول .. لكن المشكله الفكر المتخلف مع احترامي .. تلقاه يقول اخاف ابيعه يروح يبدع مع الاتحاد .. بزارين حنا ؟

## حسين العلي يجيه عرض من الاهلي بمليون وشوي ولا تبيعه ؟؟ طيب قلنا اوكيه الفريق يبيه .. لكن المشكله ما يلعبه ؟؟ يعني حشفاً وسوء كيل .. لا انت الى لعبته .. ولا انت الى خليت الاهلي يستفيد منه ..

## تجديد العقد من المحترف سيسيه لمده عامين .. يعني بالله عليكم يا شباب .. متى كان اخر محترف في الدوري السعودي تجدد له اكثر من موسم .. قليل وقليل للغايه .. اساسا انت عندك لاعبين همج .. لازم كل شوي تغير له في اللاعبين المحترفين ..

## عطى ادموس اكثر من فرصه الى ما دمر الفريق وجاك العجلاني يكمل الى سواه الاحمق الهولندي ..

## سعد الدوسري على عيني لاعب بس وشهو ترا الاهلي ناطله على الاحتياط سنتين .. تروح تدفع فيه مليون وكسور .. لو انك جايب الخيبري او تيسير الجاسم او حتى صاحب العبدالله كان ازين ..

## اقاله المصيبيح الغريبه جداً جداً .. وحطوا مكانه " الرخمه " اليوسف ..

والكثير الكثير للغايه ..

يعني انا ما انكر ان لسمو الامير عبدالله بن مساعد فكر كروي راقي .. بل راقي للغاليه .. لكن للاسف هو محاط بناس ما عندها ذره فكر زين .. وللاسف محاط باداريين سبك وبصحافه حقيره وجماهير ما عندها صبر .." يحقلها والله "

لذلك لابد انه يستخدم الاسلوب الطبيعي بدون اي فلسفه ..


طبعاً الى قرا مقال المبدع والاسطوره وليد الفراج عقب الخمسه الاولى " حقت الشارقه " بيعرف وش اقصد زين ..

قال كلام منطقي ابذكره بعد شوي ..


-----

عندي بعض الحلول واعتقد ان البعض بيتضايق منها .. لكن خلونا نتكلم بكل صدق وحرص على مستقبل الهلال وبعدوا عن العاطفه الى ما دمر الهلال غيرها ..




# تنسيق كل من .. العلي الجمعان المفرج الدوسري الغامدي الشيحان " الا اذا بتلعبه " طبعاً مع المحترفين الاجانب

# تجهز الشريده وتقوله بس يا بابا هذا اخر موسم انت ويا الدعيع والجابر .. خصوصا الاخير ..

يعني قدمتوا الكثير للهلال .. بس خلاص فكونا ..

# استقاله سمو الامير عبدالله بن مساعد .. ويمسك مكانه رئيس شديد وعنده سيوله

#ما فيه دلع اي استهبال خصم او ايقاف او اذا ازمت تنسيق ..

# معامله جميع اللاعبين بمساواه .. ما فيه تفضيل لاحد على احد ..

# الى ما يحضر التمرينات لا نشوف وجهه ابد .. دلع الجمعان ذا في حارتهم موب عندنا ..

# التريث والتفكير قبل اي صفقه .. ولازم يجيب لاعبين صغار موب يروح يجيبلي زبايل الفرق الثانيه ..

# اللاعبين الي يبرزون من قطاع الشباب ضم على طول للفريق الاول ..يعني العنبر والمطرف والعيال ذولا .. والله انهم رهيبين .. بس ماش الاداره فالتها ..

# بالنسبه للمحترفين الاجانب .. اذا ما عندك فلوس موب لازم ترزلي ثلاث محترفين سبك .. جب لو واحد على الاقل بس واحد يكون قد اسم الهلال وتاريخه الى انجرح جرحين ما اظنهم بيلتأمون بسهوله وبسرعه ..

# بالنسبه للي قاله الفراج .. هو باختصار قال اللاعبين الكبار باي باي .. ويصير الفريق كله شباب .. اوكي بيقعد موسم موسمين بدون بطولات .. لكن سرعان ما اللاعبين بيكسبون خبره ويرجع الهلال كما كان .. صانه للاعبين ... لا اللاعبين يصنعونه .. سامع يا سعد ويا الشيحان


-------


نقطه مهمه .. الى عنده رد زين ومفيد الله يحيه وانا شاكرله مقدماً ..

اما الي يبي يستبهل .. فالله لا يحييه .. وانا اقوله انقلع مقدماً ..


وعذراً على الاطاله ....،،

[DE NILSON]

اهلا يالعمدا

بكل اختصار مافي لعيبة وسط وين نواف وين الشلهوب

الجمعان بيتدلع

الدعيع نفسيته زفت

الدفاع شياب

مافي ظهير يسار

مافي دعم شرفي

اش تتوقع !!

[Fayez Fayez]

وأنا أخوك هونها وتهون ...............

والمشاكل لازم تمر على جميع الأندية ...............

كانت أدارية فنية مالية حتى الكادر الطبي أحيانا لا يخلوا من المشاكل .....................

وحلولك التي وضعتها لناديك ( الهلال ) .......................

أعتقد أنها عين الصواب ....................

ولابد على أي نادي عنده مشكلة يجب عليه أتخاذ خطواتك بدون أي مجاملة لأي لاعب ...................

اللاعبين الي يبرزون من قطاع الشباب ضم على طول للفريق الاول ..يعني العنبر والمطرف والعيال ذولا .. والله انهم رهيبين .. بس ماش الاداره فالتها ..

طيب ( الشايع ) ليه ما يلعب شيء والله يرفع الضغط ...............

أنا ( نصراوي ) ومرتفع ضغطي ......................

اللاعب قدم مستويات في الصداقة ......................

عيني عليه باردة هالولد شايل الوسط خوش شيلة ....................

يمكن مصاب ما أدري لكن أن لم يكن والله شي فعلا يرفع الضغط ................

حسين العلي يجيه عرض من الاهلي بمليون وشوي ولا تبيعه ؟؟ طيب قلنا اوكيه الفريق يبيه .. لكن المشكله ما يلعبه ؟؟ يعني حشفاً وسوء كيل .. لا انت الى لعبته .. ولا انت الى خليت الاهلي يستفيد منه ..

هذا مايرفع الضعط بس هذا يخلي الواحد ينفجر ...............

المهم الهلال متبقي له بطولة وأن شأ الله تتحسن الامور الأدارية والفنية ويحققها بإذن الله ..............

ويقول المثل وأنا أخوك : (( من شاف مصيبت غيره تهون عليه مصيبته )) أو كما قيل ............

وبالتوفيق للجميع ..............

تحياتي ..............

[Rivaldooo 11]

يا هلا بك




يا ليت الادارة الهلالية تناقش بعض القرارات مع الجماهير

[( الآزوري 10 )]

هلا والله بالعمدا كيف حالك وينك ماتنشاف..عسى ماشر بس..؟؟


عموما الهلال اعتقد مشكلته الوحيدة هي الدفاع يعني المفرج والشريدة مع احترامي لهم لكن مستوياتهم حق نادي الخليج ..او يجو نزاركو احسن

واللي زاد الطين بلة هو غياب المبدع نواف..اما بقية اللاعبين اشوفهم اوكي..

مع اني نصراوي بس اتمنى الهلال يرجع لمستواه ..خصوصا في مباراته الجاية في البطولة العربية..وان شاء الله يشرف المملكة العربية السعودية خير تشريف..

ومشكور يالعمدا على الموضوع ولاتطول في الغيبة مرة ثانية

[EmInEm_20]

هم عارفين ان الفريق منتهي

طيب دامهم عارفيـــــن... ليش مايجيبون لعيبه زيــن الناس

[abademax]

فيه مشكلة رئيسية (ملاحظها) عزيزي تعتبر من الاسباب المهمة في تدهور وضع الهلال إلى ماهو عليه الآن مع أني ماأشجعه.. وهي :

محاربة أعضاء شرف الهلال لبعضهم البعض وبالتالي لايوجد دعم مالي واللي بيدعم (هذا إذا حصلوا أحد يدعم) يقعد يتشرط بعكس أعضاء شرف نادي الأهلي والاتحاد ((حالياً)).

تحياتي

[walhan2cu]

هلا اخوي ..
وحنـــا مع الهــلال ..على كال حـــــــال

[العمدا]

مشكورين على الردود ..

بيض الله وجيهكم ..

--

هلا بدينيلسون .. صحيح ما ذكرت .. بس موب كلها .. اللاعبين نفسيتهم زفت .. ما فيه حماس .. ما فيه تشجيع من قبل الاداره .. ما فيه حوافز ما فيه شي .. الله يجازي الى كان السبب

لا تعبت اخوي فايز انا صدقني موب رافعن ضغطي الا ان الهلال زود عن انه خسر كرامته .. قاعد يخسر جمهوره شوي شوي .. يعني اعطيك مثال .. عقب خمسه الشارقه الجمهور قال وانا واحد منهم .. ازمه وتزول .. وحضرنا جميعاً لكن فوجئنا بالى اسوء .. الله يكون بالعون ..

ريفالدو .. نقطه مهمه فعلاً ..

الازوري .. موجود بس انت خابر

يعطيك العافيه كلام سليم 100% الا سالفه باقي اللاعبين اوكي ..

بدون غرور انت قاعد تتكلم عن الهلال .. الى تاريخه موب سعد الدوسري والشيحان والطقه والا المحترفين الى ما يعرفون كوره !!

ايمنم شفت شلون !

عبادي .. الله يعطيك العافيه .. فعلاص اصبت الحقيقه .. عندك اعضاء شرف طال عمرك .. وش نقدر نقول

ليتهم مثل حقين الاهلي ..

اما الاتحاد غير البلوي وش يحتاجون

ولهان هلا والله شلونك اخوي ؟؟

اكيد معه الا اذا عندك كلام ثاني



---

يعطيكم العافيه شباب