إكس بوكسي مطور شلون اشغل XboxLive

[Poison Spider]

السلام عليكم
من زمان ودي اشتري xbox live بس سمعت من مصادر عديده انه الأجهزة المطورة ما راح تشتغل عليها الlive
الحين حجهازي مطور التطويرة العادية الي تشغل الألعاب النسخ

و بعدين طورتها تطويرة تشغل ألعاب الGBA و الSEGA وتشغل الDVD و VCD وغيرها الكثير
هل هذه التطويرة تشمل تشغيل الxbox live ؟
واذا لم تكن هي فما التطويرة التي تشغل xbox live ؟

شاكر لكم جهودكم في المنتدى
( إعذروني على الإسلوب البايخ كويتي على فصحى )

[SNYMA]

أهلاً أخوي Poison Spider , بالنسبة للقطع فيه قطعة وحدة تشغل اللايف و هي و بالطبع Xecuter 2.0 اللي معاها Switch ركز على كلمة Switch , هذا الـ Switch مهمته إنه يشغل التطويرة و يطفيها , يعني إذا حبت تلعب ألعاب كوبي لازم تخلي الـ Switch في وضعية الـ ON , أما إذا حبيت تدش اللايف طبعاً اللايف ما تقدر تدشه إلا بواسطة الألعاب الأصلية المهم إذا تبي تدش اللايف لازم تحط الـ Switch في وضعية الـ OFF علشان يبطل مفعول التطويرة و ميكروسوفت ما تصيدك و تمنعك من الدخول للشبكة و اللي يخليك مجبر إنك تشتري جهاز ثاني و طبعاً هالشي ما يسرك ×_×.
إنشالله أكون أفدتك بردي .... تحياتي Cube_Lover^^

[Poison Spider]

مشكوووووور على الرد
وان شاء الله برد لك الجميل باجر ( توقيع هدية )

وشكرا

[Poison Spider]

بس فيه مشكلة !
انا عندي ألعاب online بس اهم نسخ مو اصليين .
يعني ماراح اقدر أشغلهم ؟

[Poison Spider]

اسف اخوي ما قريت عدل

ما تقدر تدشه إلا بواسطة الألعاب الأصلية

وشكرا

[We6fe]

القطعه اللي ذكرها الاخ كيوب لوفر ما يجي معها سويتش لازم تركبه بروحه .. اذاتبي عندك نفس القطعه بس الاصدارين الجدد اللي هم 2.2 يجي معها سويتش او 2.3 يجي معها سوتش + فتحتين USB
وتفضل هذا موقع القطعة الرسمي :
http://www.teamxecuter.com/

[Poison Spider]

شكرا على الرد المفيد
اذا جذي اللايف احط كم قطعة و ما ألعب إلا بأصلي خلاص هونت
ليش معقدينها هذولي ميكروسوفت :P

وشكرا

[Hardcore~Gamer]

انا عندي سؤال ..

انا قطعتي اقدر افعل مفعول القطعه لكن موب بswitch

يعني اقدر اخلي الجهاز يشغل بس اصلي بالظغط على زر التشغيل ومستحيل يشغل كوبي

اما اذا بغيت اشغل كوبي لازم اسوي hold على زر التشغيل ويطلع لون التشغيل برقالي بدل اصفر ..

[MagicBoy]

انصحك بي smartxx افضل قعطة علي الاكس بوكس لحد الان وانا الان طلبت الشيب وانشاء الله خلال هذا الشهر راح اركبه .

حظ موفق

[Poison Spider]

تشغل ألعاب النسخ ؟

[MagicBoy]

اكيد

وصلة الموقع الرسمي لي الشركة المنتجwww.smartxx.com

[Poison Spider]

خلاص عيل لازم انطر توصل الكويت عشان اركبها ..
عشان مو متعود اطلب من بره ..