السلام عليكم
شحالك شباب عساكم طيبين ؟
بس حبيت انشر لكم هالخبر
بكره بأذن الله راح ينزل الدوري القطري الجديد (2)
بسوق الأحمد بمحل بيت الألعاب كالعاده
وهالمره الشريط اشتغلت فيه بشكل افضل من الدوري الأول بسبب وجود مساعد لي ماقصر معاي وساعدني لأن مثل ماتعرفون بالجزء الأول كل الشغل كان على راسي فبالنسبه لي ورأي بعض الأصدقاء ماكان بالمستوى المطلوب
اما هالجزء بأذن الله راح يكون افضل بكثير وبينال على رضاكم لأن كما ذكرت بالأعلى ساعدني فيه واحد من الربع واشتغلنا شغل حلو وممتاز
مميزات هالشريط :
1- خلفيات جديده بدل القديمه وخاصه الأولى اللي سببت لنا كلنا عمى الوان
2- اضافه 3 فرق جديده وهي الاتحاد - الاهلي - قطر بالأضافه الى الفرق القديمه وهم السد - الريان - العربي
واضافه عدد من اللاعبين الشباب الممتازين للفرق القديمه مثل السد وهم مسعد الحمد وعزت جدوع والعدساني لأنهم العبوا بأخر الموسم لكن لم نقم بأضافه ليوناردو المحترف الجديد وابقينا تينوريو مكانه لأن تينوريو صحيح مصاب بس بطاقته ملك للسد واكيد بيرجع بالموسم القادم ان شاء الله بينما ليوناردو مالعب الا 3 مباريات ومشى فما اضفناه لكي لانكون ظالمين لوجود 5 محترفين بالسد واتمنى تتفهمون هالنقطه
3- تعديل الكثير من الأخطاء السابقه والتي كانت موجوده بالمنتخبات كوجود لاعب قطري بمنتخب اخر والأن ولا لاعب قطري موجود بمنتخب اخر فقمنا بتعديل كل المنتخبات وحذف اللاعبين القطريين منها
4- تبديل بعض الأعلانات التي توجد بالملعب
والكثير الكثير وانا اضمن لكم ان اللي ماحاز الجزء الأول على رضاهم فهالجزء راح يسعدهم ان شاء الله
بكره الساعه 5 راح يكون السيدي متوفر بشكل اكيد بمحل بيت الألعاب بسوق الأحمد بالطابق الثاني
رقم المحل : 4415802
اتمنى الشريط ينال على اعجابكم
ويعطيكم العافيه
Re: الدوري القطري (2) للسوني (2) !!!
قلتلي متى بيكون جاهز عشان بروحله بكره و باخذه ؟ 
المشاركة الأصلية كتبت بواسطة ولد البوكواره
خلاص فهمت. 
Re: الدوري القطري (2) للسوني (2) !!!
