اريد لعبه بهذه المواصفات.. الى الخبراء فقط

[الأزرقاني]

السلام عليكم

شباب انا ابي لعبه تكون فيها هذي الشروط متوفره:

1-ان ما يظهر جسم اللاعب بل يظهر فقط المسدس و الرشاش.
2-توكن الأسلحه حقيقيه و واقعيه وليست ليزر و خرابيط.

يعني مثل مدل اوف هونور او هتمان .

[darkitp]

مالك الا ان تنتظر لشهر 11
ميتال جير ولا شي غير
أو تاخذ لعبة قديمة مثل Socom II
و فيه Syphon Filter , لكنه ليس بالمستوى المطلوب ..

[VEETO]

اقول darkitp
اقرا طلبات الاخ زين هو يبغي لبعة فيرست بيرسون تصويب بالعربي
مو ثيرد بيرسون !!! مثل ميتال جير

المهم حاليا ما فيه ذاك الزود من هالفئة للبلاي ستشين بتنزل لعبة شهر 10 الظاهر
اسمها كيل زون هذي تستحق الانتظار واذا ما تقدر عندك العاب حيمس بوند السابقة
لان الجديدة ثيرد بيرسون !

[darkitp]

لأن ما فيه المطلوب بالتحديد !!
والحين ما فيه العاب الحين جديدة ابدا !!!
وفي Call of Duty: Finest Hour لكن راح تنزل شهر 11
وايضا مثلها لعبة Killzone في شهر 11
يعني ما لك الا ان تنتظر و تشد من العزيمة

[Aero]

عندك راينبو سكس 3
وعندك ايرون ستورم ورلد وار زيرو
وعندك Xlll
هذي افضل 3 العاب عندي

[Mesharey]

طلبك رايح تحديداً على لعبة رينبو 6 الجزء الثالث..
راح تعجبك..

جربتها على الأكس بكس..صراحة قوية وروعة وممتعة..اعتقد نزلت نسخة البلاي ستيشن2..

أما إذا تبي لعبة "اسطورة" فلازم تاخذ هالو على الأكس أو البي سي P:

[Devils Cry]

جرب هالو 2 لما تنزل

[الأبهر]

بالله عليكم أريد توضيح مع الأمثلة للمصطلحات التالية:
منظور الشخص الأول
منظور الشخص الثاني
منظور الشخص الثالث

[msm]

منظور الشخص الأول :
اللعب يكون من خلال عيني الشخصية .. بمعنى آخر أنك ترى ماتراه الشخصية فقط ..

منظور الشخص الثالث :
ترى شخصيتك التي تتحكم فيها من الأعلى ..أي تستطيع رؤية الجسم كاملاً ..

ولا أعتقد أنها هناك شيء يدعى منظور الشخص الثاني على حد علمي ..

أما اخوي الأزرقاني .. هناك العديد من الألعاب التي تدخل ضمن شروطك .. وزيادة على الألعاب الي ذكروها اخواني الأعضاء :

Soldier of Fortune

الموقع الرسمي : اضغط هنا

Return to Castle Wolfenstein

الموقع الرسمي : اضغط هنا

وهناك ألعاب أخرى توجد بها خليط بين الأسلحة الحقيقية والخيالية .. مثل Red Faction و Turok Evolution و Timesplitters 2 وغيرها كثير ..

[الأزرقاني]

مشكورين جدا على هالنصائح...وانا اتذكر اني شفت ينبو 6 عند واحد ومب شينه والله .. وايضا Return to Castle Wolfenstein فهي شبيهه على ما أعتقد بمدل اوف هونور..

مشكورين جدا

[MiShAA]

مالك غير ريد فاكشن اقوى لعبة لعبتها لاكن لاتلعبها مغامرات

العبها انت وخويك او مع الكمبيوتر جدا جدا جدا فظيعه والاسلحة جدا كثيره ومسكته صراحه