يا جماعة الخير .. أنا في حاجة رأيكم السديد ..!!

[ليون كينيدي]

الحقيقة أنا مستحي أقولها لكم .. ... بس الله يعينني باتشجّع و أقول لكم :
إحم إحم ... الصراحة .. أنا .. انا ... أنا ما عندي جهاز بلايستيشن2 ...
لمّا رحت أسأل عن سعره في مدينة أبها قالوا لي أن الجهاز الأمريكي سعره من 2000-2100 ريال ..
أبي أسألكم سؤال إذا سمحتم :
هل هذا هو سعر البلايستيشن2 في باقي مدن المملكة أم أنه أغلى من سعره في باقي المدن؟ وهل من الممكن أن ينخفض سعر البلايستيشن2 إلى أقلّ من هذا السعر في المستقبل القريب ؟ وهل صحيح أن لعبة ريزدنت إيفل كود فيرونيكا بتنزل على البلايستيشن2 ؟ وإذا كان هذا صحيح فمتى ستصدر ؟؟?:
لأنّي بصراحة أبغا أشتري الجهاز و لي رغبة جامحة في ذلك ولكنني متردد ... ففي رأيي ان المبلغ كبير ..
و أخاف أني إذا شريته الحين ممكن يرخص بعد فترة ؟؟ دلّوني يا جماعة الخير وجاوبوا على أسئلتي .. رجاءً

[كلير3000]

هــــاي ليون كندي
انا اشتريت جهاز البلاي ستيشن2 النسخه الأمريكيه بــ1400 ريال تقريباً + 3 أشرطه أصليه فور فري....... بس سعره عندنا في المملكه بـــ200 + 2 شريط فور فري ........ طبعاً الجهاز مع قطعت الجيم شارك + 2 اسطوانه لتشغيل الأشرطه المنسوخه الأول يشغل اشرطة البلاي ستيشن1والثاني يشغل أسرطة البلاي ستيشن2 على فكره من دونها ما تقدر تلعب الألعاب المنسوخه ........... اما اذا كنت تبي الجهاز من دون القطعه هذي أعتقد ان سعره 1500 ريال .
بخصوص العبه هو فعلاً راح ينزل على البلاي ستيشن2 لعبة رزدنت إيفل كودفيرونكا إكس وهي نسخه متطوره عن كودفيرونكا وسبق ونزلت على الدريم كاست بس النسخه اليابانيه وهي بايوهازرد كودفيرونكا كومبليت
وكمان راح تنزل لعبه جديده لسلسلة رزدنت إيفل على جهاز الجيم كيوب (إعمل حسابك لهذا الجهاز) واسمها رزدنت إيفل زيرو يقولوا ان هذي العبه خيااااال بقصه مختلفه تماماً ..... وانا سمعت إشاعات أنه راح تنزل كابكوم جزء جديد لكود فيرونكا تكمل فيه القصه ......... على فكره الجيم كيوب راح ينزل في أواخر هذي السنه وكمان راح ينزل في نهاية هذي السنه الإكس بوكس لا تفوت عليك الجهازين هذولي أقوى من البلاي ستيشن في كثير من النواحي أنصحك تشتري مجلة ألعاب الكمبيوتر العدد43 فيه أخبار بهذا الخصوص

أوكي
تشاااااو

[كريس ريدفيلد]

مرحبا كيفك يا ليون كينيدي تصدق كان نفسي نتقابل في اللعبة لكن للأسف ما كان لي نصيب
أتمنى إننا نتقابل في الجزء الرابع

الجهاز الأمريكي سألت عنه في مكة قالو لي إنه بـ 1300 ريال من غير إضافات

500 ريال قطعة جيم شاركو تشغيل منسوخ

5 ديسكات (كل واحد بـ 15 ريال) = 75 ريال

يعني تشتريه في النهاية بـ 1850 ريال في واحة الألعاب في مكة

بالنسبة لكود فيرونيكا ما راح تنزل على ابلاي ستيشن 2







أمزح معاك راح تنزل لكن مع بعض التغييرات و بإسم
Resident Evil Code: Veronica X

في 29/8/2001
حسب ما هو مكتوب في موقع الألعاب العربي

[ryu_ken]

الجهاز موجود في جيم ماستر في مكة 1800 ريال مع عدد من الدسكات المنسوخة وكل الاضافات

مع العلم انه في بعض الالعاب لاتتوافر منسوخة زي اونيموشا
(الدي في دي ما يتنسخ)
ليون انا كمان ما عندي بلاي ستيشن2
ما فيها شي

[ليون كينيدي]

كلير ..‍‍ لكِ مني جزيل الشكر و الإمتنان لتوضيحكِ و إجابتكِ الشافية الوافية ... بس ما قلتي لي ...
من وين شريتِ الجهاز بالضبط ؟؟ وتسلمي لي على هالبشرى السارة يوم قلتي لي أن ريزدنت إيفل كود فيرونيكا بتنزل على البلايسنيشن 2 ... لكن إذا سمحتِ ممكن أسألكِ سؤال ثاني بعد إذنكِ ...
أنتي قلتي أن الإكس بوكس و الجيم كيوب أفضل من ps2 ... هل هذا يعني أنكِ لا تنصحيني بشراء البلايستيشن 2 أم أنكِ تقصدين أن أشتري الأجهزة الُلاثة ?: ...
وعلى فكرة ما جاوبتوني .. هل من الممكن أن ينخفض سعر الps2 في المستقبل القريب كما حصل مع الps1 ؟ ؟؟؟
ولاتحرمينا من شوفتك ِ في ريزدنت إيفل 4 نبغا نجتمع أنا و أنتِ و أخوكِ كريس قولي إنشاء الله ...
أكرر لكِ شكري و تقديري ************************************************************************************
كريس حبيبي ... تخيّل لو اجتمعنا أن و أنت في الجزء الرابع راح تكون قنبلة الألعاب علىالبلايستيشن 2 ... الله يسمع منك ونجتمع سوا في الجزء الرابع ... لأنك بالفعل شرطي فذ ّ ..
وأقسم بالله أنك طيّحت قلبي يوم قلت أن كود فيرونيكا ما بتنزل على الps2 لأني بصراحة ؛حبيت هذي اللعبة من كثر ما سمعت عنها وشفت ... ( على فكرة .. أنا ما عندي دريم كاست كمان .. ) ...
بس إذا كنت تعرف الجواب فيا ريت تجاوب على السؤال اللي أعدت طرحه على كلير
تسلم لي يا الغالي .
***********************************************************************************
ماشاء الله عليك يا ريو-كين حتى وأنت ماتملك الجهاز عندك دراية واسعة عنه ...
معاك حق ليش أستحي ... بس أنت كمان أوجه لك نفس السؤال اللي أعدت طرحه على كلير وكريس ..
إذا تعرف الإجابة أسعفنا بها يا بطل Street Fighter ?:

[كلير3000]

مرحبا ليون
لاداعي للشكر احنا شخصيات في لعبه وحده وهذا واجبي
بالنسبه لتسائولاتك انا أقولك :-
انا أشتريت الجهاز من أمريكا قبل الإمتحانات النهائيه يعني قبل شهرين
وانت تعرف ان الأسعار هناك أرخص من هنا ألف مره الجهاز هناك سعره 300 دولار والحين أكيد انه رخص أكثر ولو تصبر كمان قبل لاتشتري الجهاز
راح تلاقي الأسعار قلت لاتستعجل وأنا متأكده 100% ان الجهاز راح يرخص انت لو تتذكر أول ما نزل البلاي ستيشن في السعوديه كان سعره4000 ريال وبعدين نزل وصار 3700 وبعدين نزل وصار 3000 وكمان نزل وصار2800 وألحين صار 2000 ريال مع 2 شريط أصلي وتقدر تبدله بـ 6 أشرطه ماهي اصليه ولو تصبر كمان راح تلاقي الجهاز رخص وبيرخص اكثر لما ينزل جهاز الجيم كيوب وجهاز الأكس بوكس.
وأنا لما قلتلك ان الجهازين هذولي أحسن من البلاي ستيشن ألف مره الجهازين قويييييييييين لدرجه ما تتصورها فمثلاً جهاز الإكس بوكس انت
تعرف ان الشركه الي راح تنتج الجهاز هذا هي مايكروسوفت وكمان راح تتجه شركت سيجا لتصميم الألعاب لهذا الجهاز وراح تشوف كيف راح ينهار البلاي ستيشن بعد نزوله للأسواق وكثييير من مبرمجين الألعاب العرقين
اتجهوا لهذا الجهاز علماً منهم لأنه سيكون صيحة الموسم انا ما أقدر أوصفلك الجهاز وقوته ................... والجيم كيوب كمان جهاز قوي وهو أقوى من البلاي ستيشن2 وترى الجهاز البلاي ستيشن2 مقدرته محدوده ما تقارن بالأكس بوكس والجيم كيوب ..........
وانا ما أقولك لا تشتري البلاي ستيشن2 ترى هذا الجهاز مقبول ماهو سيئ
بس انا الى الأن ماشفت فرق بينه وبين الجهاز الأول بس فييه فرق بسيط هو مقدرته تشغيل أصطوانات الدي في دي بس وكان ممكن انهم يطورا البلاي ستيشن أكثر حتى تستطع الصمود امام الأجهزه المنافسه وانا اشتريت البلاي ستيشن2 بس علشان لعبة فاينل فانتسي10 الي لسا مانزلت وعلشان لعبة سايلنت هيل2 كمان الي لسا ما نزلت .........
فمثلاً اذا ماشتريت البلاي ستيشن2 بس اشتريت الإكس بوكس او الجيم كيوب ونفسك تلعب لعبة فاينل فانتسي10 مستحيل تقدر تلعبها على جهاز غير البلاي ستيشن2 لهذا السبب لاتستعجل ترى البلاي ستيشن مايستاهل السعر الي راح تدفعه فييه وكمان مايستاهل انك ماتشتريه بس انت أصبر ............. نسيت أقولك انه بالرغم من قوة جهاز الإكس بوكس رااااح ينزل بسعر ماتتصوره عن جد السعر رخييييييص عليه وهو 200 دولار :واو: :واو: طبعاً هذا في امريكا يعني في السعوديه يمكن ينزل ب ألف وشوي:واو: وجهاز الجيم كيوب الي هو مقدرته اكبر من البلاي ستيشن2 راح ينزل في السعوديه بسعر 1200 ريال:واو: عن جد يستاهلوا أكثر من كذا
واذا تبي نصيحتي أشتر كل الأجهزه بس لاتستعجل في البلاي ستيشن لأنه راح يرخص ...

تشااااو

[ليون كينيدي]

تسلمين يا الغالية .. وراح أعمل بنصيحتك و أتريّث في شراء الجهاز و كذلك باقي الأجهزة .

[كريس ريدفيلد]

أهلا ليون و اسف على التأخير ما شاء الله علها كلير كل ما تكتب سؤال تلقاها كاتبة الجواب على طول

بالنسبة للبلاي ستيشن 2 ما أعتقد إني أقدر أزيد على كلير بحرف واحد لكني رايح أكتب اللي أقدر عليه
البلاي ستيشن 2 لازم ينزل سعره لأن الإكس بوكس و الجيم كيوب في الطريق يعني لو ما انخفض سعره راح يخرج من المنافسة على طول و على فكرة البلاي ستيشن2 زي ما قالت كلير أضعف واحد من الثلاثة يعني إنه لازم يدعم موقفه والشي الوحيد اللي راح يساعده هو السعر و الألعاب و بالنسبة للألعاب ما أعتقد إن الجهاز عليه ألعاب تكفيه للمنافسة (ميتل جير ما نزلت و فاينل فانتسي 10 ما نزلت النسخة الأمريكية و كذلك كود فيرونيكا إكس)
إذا تسألني عن اللي أنا رايح اسويه أقولك إني أنا (على فكرة أنا ما عندي البلاي ستيشن 2 يعني كلنا في الهوا سوا) رايح أنتظر لراس السنة الجديدة (2002م) يعني يناير أو فبراير و أشوف الأجهزة اللي نجحت (عندي الجهاز يعتبر ناجح إذا كانت عليه 10 ألعاب من مستوى عالي مثل ريزدنت إيفل و فاينل فانتسي و ميتل جير)
و الأجهزة اللي تجتاز هذا الإختبار السهل راح أشتريه
طبعاً إذا لم تكن إماكنياتك المادية تسمح لك بأكثر من جهاز فإنتظر حتى تعرف من سيفوز في أشرس معارك أجهزة الألعاب في التاريخ



** أبدأ في جمع فلوسك من اليوم لأنه من الممكن إن الأجهزة الثلاثة تكون عليها ألعاب رائعة فلا تفوتها عليك




أرجو إني أكون قد أفدتك

[ryu_ken]

اسمع يا ليون الاخوين ريدفيلد ما قصروا معك لكن احب اقلك انه البلاي ستيشن رغم انه له اكثر من سنة نازل في نظري لسة ما استحق اني اشتريه بس انت مشكلتك انه ما عندك شي يصبرك الين ينزل الاكس بوكس انا اشتريت الدريم الصيفية اللي راحت ومبسوط منه

يعني بصراحة انا لسة ماشفت العاب كافية اني اشتري البلاي ستيشن
وفي النهاية انا باعطيك رايي واذا تبغى خذه او ارميه في البحر
اصبر ولاتستعجل

[ليون كينيدي]

كريس ريد فيلد ...
أنا وين راح ألقى زيّك يا أخي... فعلاً معاك حقّ ... بأنتظر شوي وما باستعجل ... وإن جمّعت فلوس ما راح أفوّت و لا جهاز من الثلاثة الأجهزة القادمة ...
أقول يا كريس .. إذا شريت البلايستيشن 2 بلّغني عللا طول عشان أشتري من نفس المحلّ ...
تحيّاتي لك ... و مشكووووور على مجهودك .
************************************************************************************
ريو- كين ... تدري وش يعجبني فيك ؟؟ أنا و أنت من نمط واحد ... نقول رأينا بصراحة و بدون تردّد ...
وبعدين حرام عليك .:غضب: .. .. أحد يقدر يرمي رأيك في البحر ؟؟ أنا أعتزّ برأيك ورأي كريس و كلير
لأنكم فعلاً زيّ ما طلبت .. أشخاص رأيكم سديد ... يعطيكم ألف عافية ...

[كريس ريدفيلد]

تسلم حبيبي ليون لكن أكتبلي إيميلك عشان مو معقول أفتح موضوع في المنتدى أقول لك فيه إني أشتريت الجهاز

** إذا أشتريت الإكس بوكس أو الجيم كيوب ما تبغاني أقولك؟


و على فكرة أنا راح أتوسط لك عند كلير يمكن تقبل بيك عريس لها (المسكينة من يوم ما مات ستيف و كل ما يجيها عريس تبكي و تقولي ما أبغى عريس غير ستيف) لكن أنا رايح أحاول أقنعها بس انت ما عندك تشتري 3 أجهزة كيف تقدر تعيش كلير؟؟

[ليون كينيدي]

قد قلتها يا جماعة الخير , و بأقولها مرة ثانية " وين ألقى زيّك يا كريس ... وين " ...
آسف يالغالي أني ما أعطيتك إيميلي ... هذا إيميلي :
kharrash@hotmail.com
وعلى فكرة إذا اشتريت الإكس بوكس أو الجيم كيوب أو البلايستيشن2 بلغّني .. يطوّل لي بعمرك .

كريس .. وش قلت :واو: ... بتتوسّط لي عند كلير عشان تقبلني عريس لها :واو: ...؟؟؟ حبيييييييبي كريس ودّي أطبع بوسه على جبهتك ... إي والله تكفى توسّط لي عندها قول لها وش تبغا و أنا حاضر .. بيت باسمها ؟ حاضر ... سيّارة شبح , B.M.W , لكزس ؟ كمان حاضر ... شهر عسل في لندن , باريس , جنيف ؟؟ غالية و الطلب رخيص ..
وبعدين يا كريس نسيت ما أقول لك ... أنا أحوالي الماديّة ممتازة جداً ... وبالنسبة للزواج فأنا من يوم شفت كلير وأنا أحوّش فلوس ... و بالنسبة لراتبي فهو ممتاز جداً وأقدر أفتح لها بيت خمس نجوم على أحدث طراز ...
وأبشّرك .. الشهر هذا أعطتني الشرطة علاوة في الراتب ...
أما عن شكلي و أخلاقي فهي عارفتني حق المعرفة ...
تصدّق أني ما نمت البارح طول الليل من قوة الصّدمة ؟؟؟
الله يطوّل بعمرك يا كريس ردّيت لي الأمل بعد اللي قالته كلير البارح لي ...
يااااااااااربّ إنّها تقبلني ياااااااااربّ .

[كريس ريدفيلد]

يا أخي أي علاوة إنت نسيت إن الأر بي دي و مدينة الراكون كلها أتدمرت يعني أنا و أنت عاطلين عن العمل و الصراحه كلير ما تبغى تفكر في الموضوع قبل ما تقضي على أمبريلا و جميع ما تبقى من الفيروسات التي صنعتها ( أظن إنها تبغى تنتقم لستيف ) يعني بعد ما تدمر أمبريلا نتفاهم في الموضوع

[ليون كينيدي]

معاك حقّ ...
الظاهر أني بالغت شويّ في الأحلام لدرجة أني نسيت أني عاطل عن العمل لكن والله مو ذنبي... لكن من ناحية التحويشة فهذي ما كانت حلم فعلاً أنا محوّش مبلغ يكفّي عشان أسوّي كل اللي قلته أول وزياااادة
كريس..! مسدّسك اللي أنت شايله معك في الصورة اللي تحت اسمك فيه رصاص ولاّ لا ؟؟
مشينا .. مشينا ... وأنا أخوك ... عشان نساعد كلير المسكينة .. ما تقدر تواجههم لوحدها ..لازم يوقف معاها رجال ... عشان نبغا نقضي عليهم بسرررررعة ... وأنا بأضمن لك هذا ... أنت ما قرأت توقيعي ؟؟

[كريس ريدفيلد]

أنا لما قلت إن كلير ما تبغى تفكر في موضوع الزواج قبل ما تقضي على منظمة أمبريلا كان قصدي قبل ما تقضي إنت على أمبريلا مو هي
يعني بعد ما تدمر (إنت) أمبريلا تعال فاتحني في الموضوع يعني هي تبغاك تدمر أمبريلا عشان تحوز على رضاها و بالنسبة للمسدس فطبعا فيه رصاص و لو تلا حظ إنه كان ظهري للكلام دحين صار و جهي له يعني أحترس أي كلمة ما تعجبني أنا راح أطلق عليك