اندموا يالطليان

[mr.smith]

السلام عليكم

اندموا يالطليان على منتخبكم الي رح يضيع في البطولة

بسبب مدرب غبي مايعرف يختار لعيبة

اندموا على جيلاردينيو الي لو كان بدل احد الفاشلين ديل بلييرو او فييري

لشكل ثلاثي خطير مع توتي وكاسانو

كلنا شفنا فييري وديل بييرو ايش سوو

حتى الكورة مايعرفون يستلمونها ياخي لو انزاقي موجود كان سوا شي

بس مدرب فاشل جدا جدا

هذا قدام الدنمارك كيف قدام فرنسا او اسبانيا وش بيسوون

ان شالله يعوضونها المباريات الجاية مع اني ماظنيت

والله حرام توتي يلعب مع هالاشكال من اللاعبين

المفروض يلعب مع هنري او نستلروي او موريانتيس

بس وش نسوي

واقولها عشرين مرة لو فازت ايطاليا هذا بفضل توتي وبوفون ونستا فقط

اما ديل بيرو وفييري راحت ايامهم وينك ياجيلاردينيو

مع احترامي لكل عشاق الازوري لكن هذي الحقيقه

[Homoud]

قصدك بواسطة نيستا المخلص وبوفون المقاتل فقط ><

توتي ما سووا شئ ((مهتم بتسريحة شعره))

بالتوفيق للطليان

[The King Of Roma:Totti]

فييري + كامورانيسي هم اللي ضيعوا الفريق :vereymad:

توتي ما سووا شئ ((مهتم بتسريحة شعره))

ما أدري انت شفيك ويا توتي و تسريحة شعره

و توتي لعب وحاول من الكرات الثابتة ... ولعب تمريرات خطيرة ووحدة منها كانت لزامبروتا اللي ضيعها ... وكان أكثر واحد هدد المرمى الدنماركي .

[Maldini 3]

فييري + كامورانيسي هم اللي ضيعوا الفريق :vereymad:



ما أدري انت شفيك ويا توتي و تسريحة شعره

و توتي لعب وحاول من الكرات الثابتة ... ولعب تمريرات خطيرة ووحدة منها كانت لزامبروتا اللي ضيعها ... وكان أكثر واحد هدد المرمى الدنماركي .

كلام سليم عن توتي

و توتي معاه عذره و هو عن الحذاء الي يلبسه لاول مره و توتي اشتكى منه قال انه سبب خفوض مستواه


و يا الاخ Jill©Valentine تتكلم عن تسريحة توتي توتي عامل هذي التسريحه لان الجو حار في البرتغال و للتاكيد حتى كامورانيزي عامل نفسه

و طبعا نيستا و بوفون كانو افضل اثنان في ايطاليا

و انشالله نعوض امام السويد

[Homoud]

عفوا عفوا

[Donadoni]

يعني لو انت فهمان كان عرفت انه جيلاردينيو شارك في بطولة اوروبا تحت 21 سنة وانه انزاغي مصاب واعتذر لتراباتوني عن المشاركة

والتشكيلة ممتازة وما عليها عيب ... والنتيجة أمام الدنمارك كانت بسبب ضغط اللاعبين الدنماركيين على اللاعب المستحوذ على الكرة من أول ما يستلمها يعني ما يقدر يعمل شئ

وراح تشوف شو راح يعمل هذا المنتخب اللي مو عاجبك أمام السويد صاحبة الخماسية

[mr.smith]

يعني لو انت فهمان كان عرفت انه جيلاردينيو شارك في بطولة اوروبا تحت 21 سنة وانه انزاغي مصاب واعتذر لتراباتوني عن المشاركة

والتشكيلة ممتازة وما عليها عيب ... والنتيجة أمام الدنمارك كانت بسبب ضغط اللاعبين الدنماركيين على اللاعب المستحوذ على الكرة من أول ما يستلمها يعني ما يقدر يعمل شئ

وراح تشوف شو راح يعمل هذا المنتخب اللي مو عاجبك أمام السويد صاحبة الخماسية

تراباتوني يقدر يجيب جيلاردينيو المنتخب الاول

بعدين الاعب الفنان يقدر يبعد عن المدافعين الي ظاغطين عليه او يراوغ او يسوي اي شي

شف رونالدينيو او رونالدو او زيدان

بعدين تكلم

[راؤول الأسطورة]

الصراحة السبب في فشل منتخب ايطاليا في رأيي ليس اللاعبين
ولكن خطة المدرب اللي واضع لاعب واحد في الهجوم والمصيبة ان اللاعب ما حركي يعني لو ترك كاسانو بجانب فييري كان أفضل لكن المدرب الله يهديه دخل كاسانو في وقت متأخر من المباراة وفوق هذا وضعو خلف فييري
ومنتخب البرتغال دليل آخر فهو يلعب بنفس الطريقة واحد بالهجوم وهو باوليتا وخسروا المباراة

[QataR NighTMarE]

تراباتوني يقدر يجيب جيلاردينيو المنتخب الاول

بعدين الاعب الفنان يقدر يبعد عن المدافعين الي ظاغطين عليه او يراوغ او يسوي اي شي

شف رونالدينيو او رونالدو او زيدان

بعدين تكلم

أوكيه بيجيبه بس منتخب تحت 21 سنه من يلعب فيه
ياخي جيلاردينيو لاعب صغير وامامه مستقبل كبير ان شاء الله
والمنتخب الأول عنده لاعبين جيدين فلو خذوا جيلاردينيو من بيلعب بالشباب
راح يكون منتخب الشباب سيئ
فهم يبون يسوون موازنه بين الأثنين
واوافق الأخ اللي ذكر ان بتشوف الأزوري امام السويد وبتشوف وش بيعمل

[joker_zambrotta]

اهو اسمه جيلاردينو مو جيلاردينيو
واهو انولد يوم حط الاسطورة روسي ثلاثيته الخالد امام البرازيل في 82 شوف الصدف
اعتقد انه فييري مايقدر يسوي شي بروحه بالهجوم لازم احد يلعب معاه
وجاتوزو احق باللعب جمب بيروتا جاتوزو لاعب افتكاك ويحض الهجمه صح وبالنسبه للفاشل دل بييرو ظهرت عليه معالم التعب والكسل بس لو حاط الفرصه اللي شاتها بنص الجول جان محد تكلم عنه
المهم الايطاليين قادرين انهم يسيرون المباراة كما يشتهون بس شتقول الحظ الحظ والنحس وراهم وراهم

[عاشق أرجنتينوس]

ننتظر المباراة القادمة المصيرية مع السويد ونحكم على المدرب واللاعبين مع إني مع ضرورة وجود جيلاردينو،
ولكن وجوده مع المنتخب الأولمبي حرمه من المشاركة في البطولة وهذا كان العذر الواهي اللي أقر به التراب

[Donadoni]

أوكيه بيجيبه بس منتخب تحت 21 سنه من يلعب فيه
ياخي جيلاردينيو لاعب صغير وامامه مستقبل كبير ان شاء الله
والمنتخب الأول عنده لاعبين جيدين فلو خذوا جيلاردينيو من بيلعب بالشباب
راح يكون منتخب الشباب سيئ
فهم يبون يسوون موازنه بين الأثنين
واوافق الأخ اللي ذكر ان بتشوف الأزوري امام السويد وبتشوف وش بيعمل

والله انه كلامك جواهر

وانا راح اكررها : شوفوا المباراة أمام السويد وبعدين احكموا

ومثل ما قال أهل المثل
لكل جواد كبوة

[soccer-fan]

أنا ما أدري ليش الفرق الكبيرة امثال إيطاليا و البرتغال و هولندا مصرة تلعب على مهاجم واحد يعني فرق كبيرة ولديها لاعبين مميزين ولكن يلعبون بهاجم واحد وهذا يسهل مهمة الدفاع شوفوا فرنسا مثلا أو إنجلترا يلعبون بمهاجمين وكانوا ممتازين رغم خسارة الإنجليز إلا أنهم على الأقل كانوا يستحقون التعادل

[italy100%]

ياشباااااااااااااااااب

فييري كم كوره وصله عنده

وانتم شفتم الكوره الوحيده اللي وصلت لفييري صح هي رفعه زامبروتا وفييري سوى اللي عليه

انتم احكمو على فييري في المباريات الجايه

[Azerothian]

واقولها عشرين مرة لو فازت ايطاليا هذا بفضل توتي وبوفون ونستا فقط

نسيت gattuso محد يقدر ينكر مهارته في ردع الاعب الخصم اللي معاه الكوره