كيــــف تكــــون عربجيـــــا ..

[راعي الفايبر]

العربجة او الصياعة كما عرفها العربجي المخضرم مفتاح عجل في كتابه الممنوع
(فنون العربجة تصنع المعجزة) هي انك تكون بايع الدنيا بجنط سيكل يعني تكون ماخذ الدنيا كقطفة دخان وواطي عليها.


طبعا لكي تكون عربجيا محترما لازم تتخذ اجراءات احترازية في حياتك يعني بلغة العربجة لازم تسمكر حياتك من فـوق لـتـحـت.


فالمقوم الاساسي او الخطوه الاولى عشان تدخل في عالم العربجة هو انك لازم تدخن ...
ومو أي دخان لازم يكون ماربورو احمر اما المريت و الكنت فهي دخان للمبزرة وخلك منها لانها ماتدمر الصدر مثل الاحمر.
وخله على طول في جيبك يعني كأنه الجوال حقك كل شوي تطلعه وتاخذ زقارة , وحاول تدخن قدام ناس اصغر منك علشان يقولوا والله هذا قوي ويضحي بحياته في سبيل التدخين ويدخن احمر وتكون قدوة لهم لعالم العربجة.
واذا احد سألك من متى وانت تدخن ؟قله من ايام رابع ابتدائي <== خلك راعي ارانب

اولاً/ حركات السيارات:
*اذا عندك سيارة فخمة ولا ابوك بيشتري لك فياقرا ولا لكزس لاتقبل بغير الهايلكس او الدتسن او الجمس الحوض.
*بالنسبه للأغاني فلا تسمع الا لعزازي او بشير .

*وانت تسوق لاتربط الحزام و تفشلنا ! حاول انك تسوق وانت شبه منسدح يعني لاتلزق ظهرك بالكرسي تسند بكتوفك بس وسوق وانت مسوي بأمها ثقه يعني سوق بيد وحده واليد الثانية مطلعها من الدريشة والزقارة برا .

وحاول انك تطيح الموتر يعني بلغة العربجة (ركة الموتر ) وهو انك تنقص عدد اليايات الي في الكفرات الي ورا او انك تحط كيسين سمنت او اربع بلكات ,,, يعني الثقل راح يطيح الموتر

واذا مريت قدام شلة حاول ان تقرص بالسيارة يعني (تفحط بنمرة)


ثانيا/ التفحيط:
حاول انت تتمرس على عملية التفحيط يعني تدرب واتعلم كان عند بيتكم شارع وسيع وحاول ان تكون لك سمعة مابين عمالقة التفحيط هو صحيح انك بتشمع في كم لمبة وكم زبالة ولكن التكرار يعلم الحمار


ثالثا/ اللبس:
اما من ناحية اللبس فأول ماتفصل لك ثوب اقطع اول زرار من فوق (مو حق الرقبة !!! الي تحته ) علشان تبين شعر صدرك والبس شماغ من غير عقال ودق بنت البكار او طق اللطمة
والبس نعال زبيرية واذا مشيت خل نعالك تحك في الارض يعني لاترفع رجلك


رابعا/ المدرسة:
اذا كنت تدرس لا تلبس شنطة ظهر , رح المدرسة ومعك كم كتاب يعني سوي بأمها عندك محاضرة وباقي الكتب خلهم في درج الطاولة
واجلس في زاويه الفصل وحط رجل على رجل ولا سألك المدرس :هذي جلسة ؟ قل له: لا نسخه اصلية.


خامسا/ وقت السوالف:
لاجيت تسولف خلك واثق من نفسك وسوي بأمها انك فاهم في كل الاشياء (سمكرة , ميكانيكا , بواجي ,عبث في السيارة , ومن هذا القبيل)

يعني اخترع سوالف من دمجتك انك طقيت اربع خوال وانت بلحالك<== داري ماعندك ماعند جدتي ..
وانك مره هزأت عسكري في نقطة تفتيش <== مع اني داري ان العسكري فرك بوجهك القاع
وانك مره نحشت من الهيئة <== اغسل وجهي كانهم مابقسوك!


سادسا/ قسم الشرطة:
كل تبن بس لاتوهق روحك هذي مافيها نفخة اقسم بالله تاكلها ست اشهور ابو زعبل


سابعا/ المغازل:
لاجيت تغازل سو روحك كن ابوك الوليد وعندك فياجرا وكل يوم هندي يغسله
وانك ماتخاف من احد <== انا اشهد ان اول كف من الهيئة بيسنعه
اذا صادفت بنت وودك تتحرش قل: الشفر للبيع !
هههههههه

ثامنا/ عند المخبز:
انصحك انك ماتسوي بأمها عنتر لان الافغاني بيخبز وجهك كانك رفعت صوتك عليه



تاسعا: لاجيت بتطاق
انا داري انك راح تتصفق بس لاتقول لأحد او اقلب السالفة قل انه ماجاك شي ابد





اهداف الموضوع:
هو ان تعرف ان العرابجة ماعندهم سالفة وان حركاتهم معروفة وموضه قديمه وصارو من ضمن المتخلفين

تحياتي

على فكره: الموضوع منقول من واحد ناقله من واحد ..... ألخ

[][الحرباية][]

ههههههههههههههههههههههههههههههه
الله يعطيك العافية راعي الفايبر

والله بحاول اصير ((جعرومي))

[xtreem]

ههه
تدري انحن ايش نسميهم : الدبادوب
لأن كل العرابجة بحاارتنا دباديب
:P

[Pr.Game]

خخخخخخخخخخخ

عربجي = دباب مقفع

بحاول أصير مؤدب

ما احب العربجية وشغل الحواري

ومشكور.

[Trapped Inside]

هلا ولله راعي الفايبر ^_^

خخخخخخخخخخخخخخخ موضوع فله .. ازين شي حقت المخبز لووووووووووووووووووول
فطست ضحك عليها ^_________^

اقول ترا العربجه موضه قديمه ..

الحين الدنيا طلحوا على الهياط .. وش يعرفك انت P:

الف شكر على الموضوع^^..

[راعي الفايبر]

مشكورين على الردود

[مصرقع اس اس]

امووووووووووت بالعربجة اصلن من يوم ماطلعت من بطن امي وانا عربجي

بس اللحين مصرقع على عربجي 2×1

[Fayez Fayez]

فالمقوم الاساسي او الخطوه الاولى عشان تدخل في عالم العربجة هو انك لازم تدخن ...
ومو أي دخان لازم يكون ماربورو احمر اما المريت و الكنت فهي دخان للمبزرة وخلك منها لانها ماتدمر الصدر مثل الاحمر.
.

إذ كنت تريد أن تكون عربجي درجه أولى أشرب دخان ( أبو بس ) .......
(( تحذير صحي ))
الدخان مسبب لجميع أمراض العصر و الظهر و الضحوية و أحيانا الفجرية ..

[أبوجمـــال]

خخخخخخخخخخخخخخ

والله حلوة منك.............