فاينل فانتسي 11 تفصل

[Lumina]

يا شباب أنا ألعب فاينل فانتسي 11 وكل مره ألعبها بعد حوالي الساعتين تفصل اللعبة

مع ان جهازي جديد و أخذت تقدير ممتاز بالبنش مارك 1 و 2

و أنا ألعب على دقة 800 في 600 و ألوان خلفية 512

سويت أكثر من مره بارتي و اذا بدينا نضارب و نقاتل تنقطع اللعبة

و أدخل من جديد أحيانا ألقى البارتي موجود و كثير ألقى البارتي رايح و مخليني و طبعا أكون بمكان بعيد و الوحوش قوية و أضطر أرجع و أحيانا يمسكني وحش و أموت

يا شباب شوفولي حل أنا معلق على ليفل 12 من فتره

و عندي سؤال ثاني اذا كنت ناوي أسوي فورمات للجهاز فيه أشياء لازم أسويها علشان تبقى معلوماتي بأمان ؟

[FoxHound]

يمكن المشكلة من الإتصال .. عاد انا مااعرف للي بالسعودية
إذا بتسوي فورمات لا تخاف بعد ماتسويه سو install للعبة واول ماتشغل الفيور اضغط for playonline members
وهي الزر اللي تحت
واكتب معلوماتك
يعني قبل الفورمات احفظ ال id بتاعك والمعلومات كلها

[Lumina]

مشكور يا hacksman على المشاركة و انشاء الله أشوفك باللعبة

يا شباب تكفون أنا متورط ايش الحل اللعبة تفصل يوميا معي كل مره

و على فكره أنا عندي dsl 64 kb

[FoxHound]

ماعليك حتى انا يصيرلي نفس الشي
هالأسبوع ممكن تصير للكل عشان زحمة النت بعد المدارس :]
يعني بس اصبر .... نصهم بيسافر ونصهم بيخيم ونبقى حنا
صارتلي كل شوي يفصل والحين الحمدلله تعدل

[Lumina]

أنا لي اسبوعين تصير معي المشكلة

انشاء الله يكون الموضوع زحمة بس

من عنده يا شباب تفسير ثاني أو حل لهذي المشكلة ؟؟؟

[solid559]

انصحك يا اخ لومينا انك تسكر كل برامج النت(المتصفح,المسنجر...)

لاني كم مرة تفصل اللعبة معي ولما ارجع لسطح المكتب اجد انواع المواقع مفتوحة وتعرف عاد اذا فتح انترنت اكسبلورر انواع الدعايات (مطاعم,قمار...) وكلها صارت مسويه زحمة على غير فايدة

فصرت اذا بغيت العب بفاينل اتجه لبلاي اون لاين فيور على طول بدون ما افتح المتصفح او المسنجر

وتأكد انك ما تسوي داونلود من النت

واذا ما صارت المشكلة كذا يفداك خطنا يا شيخ

تحياتي..,,

[فيصل سنيك]

يا شباب أنا ألعب فاينل فانتسي 11 وكل مره ألعبها بعد حوالي الساعتين تفصل اللعبة

مع ان جهازي جديد و أخذت تقدير ممتاز بالبنش مارك 1 و 2

و أنا ألعب على دقة 800 في 600 و ألوان خلفية 512

سويت أكثر من مره بارتي و اذا بدينا نضارب و نقاتل تنقطع اللعبة

و أدخل من جديد أحيانا ألقى البارتي موجود و كثير ألقى البارتي رايح و مخليني و طبعا أكون بمكان بعيد و الوحوش قوية و أضطر أرجع و أحيانا يمسكني وحش و أموت

يا شباب شوفولي حل أنا معلق على ليفل 12 من فتره

و عندي سؤال ثاني اذا كنت ناوي أسوي فورمات للجهاز فيه أشياء لازم أسويها علشان تبقى معلوماتي بأمان ؟

غريبة ماتستاهل والله اخوي الاتصال عندنا هنا ازفت من الزفت مع اني ذي الايام جالس العب دايل اب بس مافي تقطيع غريبة
انشاء الله تلقى حل

[Lumina]

مشكورين يا شباب على المشاركة في الموضوع

أخوي سلطان وينك ما تنشاف على الماسنجر والا خلاص ما تدخل النت الا لفاينل و المنتدى زيي
أنا دايم أسكر الماسنجر و ما أدخل المتصفح و لا أحمل شي حتى البرامج الي تشتغل مع بدأ تشغيل الجهاز أشيلها كلها و أوقف مضاد الفيروسات و الجدار الناري و كل شي و المشكلة هي هي

أخوي فيصل وش أخبارك عساك طيب
شي طبيعي الاتصال زفت مادام فيه شي اسمه شركة الاتصالات السعودية و انشاء الله تروح المشكلة

مشكورين يا شباب على تعاطفكم معي