مستشفى المجانين

[ديابلوس]

السلام عليكم

ديابلوس يرحب بكم من مستشفى المجانين

هالمستشفى يظم عدد كبير من المجانين .... كل مجنون له قصة عجيبة غريبة ...

اللي فيه انفصام في الشخصية و اللي يكلم ناس غير مرئيين و اللي يلعب بلايستيشن بدون تلفزيون .... الخ

بس المستشفى قايم بواجباته تجاه المرضى.... خاصى السيستر المتفانية في العمل ((خلود))

تعطينا حبوب و تسوي لنا غسيل مخ ((مسوية مشرحة ماشالله عليها))... و من غير عندنا الدكتورة فطوم (( دكتورة فاهمة ..... بس ما تستوعب بسرعة))

و لو قعدت اعدد لكم اللي في المشرحة... آآآآ قصدي في المستشفى راح اطول ليومين او ثلاثة ...

عشان جذي اطلب منكم انكم تنضمون لنا كمجانين ... و...

سمايلي: بسك بسك ... تراك مصختها ويا افكارك .... انا افكاري احسن عنك
ديابلوس: لا انا افكاري احلى عن افكارك
سمايلي: لا انا افكاري احسن.
ديابلوس: لا اناافكاري احسن
سمايلي: شفتوا شلون طلع مينون؟؟

ديابلوس: الله كريم

الموضوع هذا حق الميانين فقط... اللي فيه شوية جنون او يبغي فطوم و خلود يعالجونه ايي بسرعة في هالموضوع

لين الحين محد في الجناح غيري انا و ريكس

اشوفكم على خير يالميانين

[Sparta Ghost]

ههههه وش هالصدفة ...
انا الحين قاعد اطالع مسرحية على الميانين أو المجانين

الصراحة أنا ما ودي اتعالج ...بس جايب معاي كم واحد ودهم يتعالجون ..بس مو راضيين أفصح لهم عن اسماءهم ...

إذا ناقصنكم دكاترة ترى حاضرين ..

[Hard Rock]

أنا بنضم لقائمة المجانين ، لأني وبكل فخر مجنون آخر
لا وجايب معاي سريري من البيت لأن زحمة بالمستشفى فيه اثنين حاليا !!

الله يشفينا كلنا

[Touya]

أنا شخصيا أعمل في المستشفى بلقب..
أخصائي علاج بالتدليك الكهربائي

..



أحد يبغى يجرب؟

[Neo Cid]

هل مشجعين المنتخب الايطالي تشملهم قائمة " مجانين " ؟

أنا الحمد لله عاقل

[BOiND]

شوف انا مجنون ومراقب
فتكفى لا تخبر الادارة تفنشني عشان مجنون

ذا خله سر بيني وبينك

مشكلتي الوحيدة هي : حب الموز
اذا شفت موزة انط عليها عشان اكلها

مرة كنت في بيت ربيعي وجنبه صينيه موز
وما اخبرك شو صار

بس يا ريت تعالجني بسرعة

[Rex]

السلام عليكم

يالله نحنا كلنا مجانين هني , محد عاقل!! كل واحد ومعاه جنونه الخاص بيه !!

هاي قصة عالسريع سويتها ...
واسمحولي تراه الفوتوشوب عندي ما يدعم العربية (والجرامر مالي تعبان بعد ) ...



تحرير :**** تم ازالة القصة بسبب اسباب خاصة , ستضع قريبا ان شاءالله ****

[أميرة الخيال]

خوش مستشفى بالمنتدى كل الميانين فيه وناااااااااااااااسه

شكلي بنظم آنا بعد

بس آنا مستانسة جذي على جنوني خخخخخخخخخخخخخخخخخخخخخ مجنونة كتب أساطير و من كثر ما احب الكتب هذي بعض المرات آكلهم

[الملاك الأبيض]

1-أنا أحب شخصيات فاينال فانتاسي 9 بس بشكل فضيع

2-أحب أرسم وايد وايد واااااااايد (إذا ما رسمت إيدي تاكلني)

شو العلااااااااااااااااااج

ههههههههههههههههههههههههههه يالله الدكاترة

[Rex]

السلام عليكم

ان شاء الله تنبسطو من القصة ,
المفروض تكون من أمس أصلا موجوده

[memy]

يومه

هذا ركس لاحد يجلس جنبه وقت الاكل ... يخرع تهئ

بس ماشاالله حلو الموضوع و الرسم

[Ralph Jones]

السلام عليكم
موضوع جميل كالعادة من ديابلوس .. و كومك رهيب من ركس ايضا ^^
مشهد رعاة البقر يذكرني بلعبة على الياهو مسنجر .. هههه فعلا حركة عجيبة
ربما سأرسم شيئا خاصا بهذه المناسبة السعيدة

سلام

[الملاك الأبيض]

حلوة القصة والرسم ريكس

تسلم لي الغالي

[orange road]

سويتني سيستر في المستشفى يا ديابلوس ^^
حلوة الفكرة وايد الصراحة..
يبيلي ارسم قصص على علة كل واحد وشلون احاول اعالجه من علته

^^ان شاء الله اشارك بقصص قريب.. لكن ابي اجوف تكملة قصة ريكس بعد ^^
وأبي اعرف من هالزائر اليديد الخطير حق المستشفى...

الحين انا السستر وفطوم الدكتورة وتويا مال الكهربا.. نياهاهااااااااااااااااااااااااااا
والله ورحتوا فيها...

[Sparta Ghost]

هلا ...ريكس وش هالحركات ..
ما شاء الله المجانين واجد في المستشفى .. شكلي بنضم لهم

آخر واحد كأن يشبهني ..بس شكله مو أنا


أنا كنت أشتغل على كرتون قصير بس كذا بس لكن الموضوع ده جعلني ابدل قصة العمل ...إلى هذا العمل ..أتمنى أن يعجبكم ...((شغل الماوس فقط ))

نصيحة إذا ضغط على المرفق ..صغر الصفحة وانتظر مدة قليلة على حسب سرعة اشتراك ..لكي تشاهد الرسوم بسرعتها الطبيعية ...اتمنى أن تكونوا قد فهمتوا من شرحي الممتاز