السلام عليكم ورحمةا لله وبركاته يالربع(ربع ولا شاص)
>>>>>>>>>>> تستهبل؟ :vereymad:
<<<<<<<<<<ايه استهبل وراك شي؟
الزبدة( المراعي ولا لوربك)
هذا موضوع حق اسم كتاب (امحق) اسم الكتاب الاسلوب الخطر في الرد على الخكر
المؤلف:مصرقع ss
تاريخ الطبع:9/9/1999 مـ وش رايكم بالرقم من يشتري؟
الكتاب يتكون من فصلين
1_ انواع الخكاريا
2 الرد الخطر على الخكر
اولا انواع الخكاريا:
يتكونون من عدة انواع
النوع نمبر ون
الي تشوفونهم سلمكم الله في سوق الثقبه اقصد في الراشد او المملكه او الفيصليه او في هالمجمعات الهاااااااااااااي
تشوفهم 4 متلاصقين والواحد تشوفه اسود او فيه سمرة شوي ويقعد يحط مكياجات اخته( قلو الرياجيل) عشان يطلع ابيض كنه ثوب توه طالع من المغسلة بس انت شف حالة الثوب قبل الغسيل هي عبارة عن حالة وجه الشاب ذاك
اقول نرجع لصلب الموضوع
ملحوظة: كلمة لصلب تميت عليها فترة لساني مو عارف ينطقها
>>>>>>>>>اقول وراك ماتهجد يالدلخ
<<<<<<<<<<<<<<<الدلخ انت ولاتطق
المهم تشوفه لابس نظارات نوعية كاريرا ولا دسار( ابو الدخلة بس) ومحتلة نص وجهه والبعض تشوفه نظره سليم بس يلبس نظارة طبية ليه؟ <<<<<<<< وش يدريني اسال ابوه الي جابه
>>>>>>>>>طيب لاتنفخ
>>>>>>>>> وش قالو لك كورة ولا بالون
المهم نرجع لمحور ( محور ولا متوازي الاضلاع)
<<<<<<<<<< اقول شكلي بتوطى في بطنك ياللوح
ايه معليه طلعنا برا السالفه وتشوف البعض لون عدسات نظارته صفرا ولا زرقا ولا وردية اصبروا شوي وشرط بيطلعون نظارة على الوان الطيف يعني على باله بالنظارة حلو
وتشوف حاط له شعره كله جل
مداخلة: جل ماهو نفسه جلي ( ياثقالة الدمل)
ولا بلكريم احمر (يالقدم) ومسوي حركات في شعره يعني مخليه مثل حركة الامريكان كنه دبابيس او بالعربي كنه مكرونة مابعد تنطبخ ويلبس لك ذاك الجينز الضيق والمرقع تقول كنه ملابس طرار واذا قلت له ليه مرقع يقولك : الموطة حتى الض ينطقها ط
والبعض منهم يحط حمره لا وتشوفه اذا سمعت غنية حزينة قاعد يبكي( كنه باكي على واحد مات في سبيل الله)
وتشوف هالخكري ماسك الجوال في يده ويسوي نفسه يكلم والا هو اصلا مافيه شريحة ولا شريحة سوا وبعض الاحيان شريحة مفتوحة ويحط لك على نغمة من اوضاع ويسوي نفسه يكلم وانه خطير عشان يجذب البنات والا هو مافي جواله الا رقمين رقم ابوه وامه
وكمن رقم من الي على شاكلته وتشوف ماخذ الجوال وحاطه بيده دام انه هو بالمجمع ويقعد اذا شاف بنت ماهي محتشمة يروح يرقمها ويقول : هااااااي خدي هزا الركم عاد فيه حالات
ياانها بتاخذ الرقم( لا ان شاء الله) او بتصارخ وبتنادي ناس وبيتوطون في بطنه او انه بتشق الرقم
لا وفي طرق ثانية تشوف انه يشوف بزر ويعطيه رقم ويقول وده لهذيك البنت المهم لانطلع على الموضوع والي يبي يطلع على المزيد من انواع المغازلات ينتظر كتاب (((الرد الجامد على كل مغازل فاسد)))
للمؤلف:د.السلمي (ايه هين دكتور حدك دبلوم تكنيس شوارع و تلميع السيارات)
المهم وتشوفه اذا طلعت البنت للسيارة يروح يلاحقها وتشوف عنده لكزس ولا بورش او مرسيدس ( واصلا غالبا يكون هالشاب مستاجر هالسيارة الفخمة عشان يغازل البنت وتشوفه قام يبوس رجل ابوه عشان يعطيه هالفلوس حق التاجير وابوه مايدري ) <<< غاير ((منهووووووو هاه
2_ النوع الثاني تشوفه اذا قلت له اطلع البر يقول وش معنىا لبر ياااااااااااااااااي واذا فهم معنى البر يقول: معقولة انا انام في خيمة؟ وش هذه الرجعيه
رجعيه؟ والله من يحطك نايم في القطب الشمالي خخخخخخخخخخخخ
**4**
وتقول له تعال معنا البر يقول لا ذبان؟
وامصيبتاه ذبان؟ كنه الحين شايف له اسد
واذا اقتنع وراح البر يشوف الضب يقول وش ذا ؟ ايش هذا المخلوق يااي ديناصور (وتنطق من الخكاريا ديناسور) ولا يقول: وش هزا المخلوق الفضائي
واذا تبيه ياكل الرز واللحم او الدجاج طبعا انت تدق بالخمس
وهو يقول مافيه شوكة وملعقه؟
عشان اقطع اللحم والدشاش(الدجاج بلغة الخكاريا)
واذا تقول له اطبخ يقول: عندنا خدم وطباخين ليه اعور يدي الركيكه
تعور يدك الركيكه؟ هه والله من حط في يدك جمرة ورعص يدك تعرف شلون الرقه
النوع الثالث: الا مايطلع من البيت ولا يروح اي مكان وش السبب؟
هو مريض وا مكسور او قاعد معتطف ولا يطلع الا للصلاة ؟ طبعا هالتساؤلات اجابتها لا لان المصيبة اعظم
السبب ان في شعره قشرة
ياربي رباه في شعره قشرة وش هالمصيبة؟ الا وين العناية المركزة عنه
فيك قشره هه؟ والله من حطك عند البل شهرين( هذا المقطع مسروق)
ولا عنده مصيبة اعظم انه فيه حبوب في وجهه وش هالمشكلة ؟ لاحول ولاقوة الا بالله
وكذا ننتهي من الفصل الأول