ايهما أفضل فاينل فانتاسي 11 على pc / ps2 ?!

[roana]

السلام عليكم

شلونكم شخباركم ..

سؤالي بسرعة ...

مثل ما تعرفون أنا العب فاينل فانتاسي 11

على pc

وحابه العبها على ps2

ممكن اعرف اي وحده احسن البلاي ولا بيسي

.. وممكن أعرف من الي يلعبون اللعبه على ps2

اذا كنتم تواجهون مشاكل من الالوان أو سرعة الإشتراك

يعني عطونا السلبيات والإجابيات ؟

أبي اعرف بعد محتاجه شنو على شان اللعبه

الي أعرفه بلاي سيشن2مو مطوره

واللعبه وبعد شنو ؟

وسؤال اخير

أبي شخصيتي الي اللعب فيها الحين على Pc

أقدر العب فيها على ps2

ولا ترووح

مالي خلق اعيد من اول

تعب 6 شهور ؟؟

ثانننننكززززززززز

جااااو

[FoxHound]

الشخصية اللي تلعبينها في PC تقدرين تلعبينها على PS
واللي بال PC وال PS في نفس السيرفرات يعني يقدرون يشوفون بعض
---
انا بالنسبة لي ال PS أحسن مع اني ما استخدمه ولكن الكمبيوتر فيه برامج واجد وثقيل
اعتقد تحتاجين للعب :
1- بلاي ستيشن 2 مو مطورة
2- Network Adapater (السبلينق مو صح) وتقدرين تشترينه من موقع بلاي ستيشن 2 الرسمي
3 - اللعبة والهارد دسك
الباقي معرف

[*RiNoA*]

يعني حتى نسخة الps يبيلها حوسه و خبصه ..انا ps مالتي مطوره -_- الحين شلون اقدر العبه o_O ..

يعني نسخه البلايستيشن 2 من ف ف 11 مو عاديه وتشتغل عادي مثل ف ف 10 وغيره ؟؟؟!!!

[FoxHound]

لازم يكون جهازك غير مطور
فيه تطويرة اللي هي تحط الدسك الجيم شارك ثم الدسك اللي تبيه
واعتقد هذي تشتغل فيها الفف11
لأن الظاهر مراقبنا جيلتي يلعب فيها ؟؟ <<< ولا انا غلطان ؟

[MrDeath]

انشاء الله قريب جداً بلعبها على ال PS2
و انشاء الله بخبركم كاشيء عنها عليها

سلام
MrDeath

[Aero]

انا العبها على البي اس 2

[aoks]

انا استخدم كل النسختين

وأفضل شي نسخة البي سي

[*RiNoA*]

اوكي عرفنا انكم تلعبونها اخواني ..بس ولا واحد فيكم جاوب على اسئلة روانا !!

ممكن احد يجاوب اسئلتها لانها نفس اسئلتي

وودي اعرف بعد شنو متطلبات ف ف 11 عالبلاي ستيشن 2 مو عالبي سي وشكراا.

تحياتي
RiNoA

[Blue Ocean]

بالله قولوا لي وش المتعة اللي على الPC ؟؟؟؟ رسوم احلى ؟؟؟؟ الرسوم مابينها فرق الابسيط جدا

المتعة كلها على الPS2 ومتطلباته كلها سهلة

ناهيك عن الERRORS اللي تطلع بالويندوز وانت في نص اللعبة

انا جربتها على البي سي كرهت حياتي


لكن نصيحة اذا بتلعبينها على البلاي ستيشن2 خذيلك دي اس ال اما اذا كنتي على دايل اب فخلي الاتصال من الكمبيوتر واشبكي البلاي ستيشن2 معه عن الطريق الايثرنت بواسطة كروس لينك كيبل وراح تمشي معك اللعبة تمام بدون انقطاع اتصال لاني لعبتها دايل اب من نفس البلاي ستيشن2 فكان مودم السوني كثير الانقطاع لكن مع التوصيل مع الكمبيوتر مايقطع ابدا

الدي اس ال مايحتاج توصيل الا اذا رغبتي في ذلك

[*RiNoA*]

مشكوور اخوي عالمعلومات ....بس انا تعقدت صراحه ....الحين انا بلعبها عالبلاي ستيشن 2 ليش دي اس ال ودايل اب ؟؟ (يعني اللعبه ما تشتغل عليها عادي مثل باجي الالعاب) ؟؟!

[FoxHound]

اللعبة Online
يعني نلعبها على الإنترنت
وانا جاوب على اسئلتك انتي وؤوانا

[Aero]

غلطان بلو اشين اللعبه العبها على البي اس 2 وماتنقطع عندي تخيل قعدت من الساعه 2 بليل الى 7 الصبح ماانقطع عندي الاتصال
واللعبه بدايل مافي اي مشاكل انا العبها على الدايل اب وموصل لفل 6

[Aero]

احتياجات اللعبه سهله بس اتخسر الواحد
بلايستيشن 2 نظام امريكي نتسك مو مطور 80 دينار
فف11 معا الهارديسك 40 دينار
مودم 20دينار
من المركز الكويتي والي يبي يشتريه خله يسويلك الهارديسك معا المودم

[SOLIDSNAKE1]

على البلاي 2


أحسن



وما يحتاج انتر نت

انزلت على سيديات بلاي ستيشن2

[SOLIDSNAKE1]

انا ماشفتها


بس متأكد

لأني سامع أكثر من واحد ثقه


قالوا


لعبوها على سيديات