لو سمحت Uncharted

[---^DâT^---]

أن ابغى اشتري جهاز سوني 2 وصراحة ما أعرف عنه أي شيء ممكن تعلمني حتى ما اغلط اوأحد يلعب علي

وش الأفضل اشتريه وش الأغلى من الرياض والا من امريكا ؟

هل ال sboxهي الي تشغل الكوبي وهل هي داخل الجهاز أو خارج الجهاز وش النوع الزين منها ؟

وش الإضافات الي يحتاجها الجهاز حتى يكون ممتاز ؟

ممكن تقولي الكلمة الي تكون منحوتة على الجهاز أو ستكر؟

إذا فيه حاجات ثانية ممكن تقولها لي

وما تقصرررررررررر

أخوك
---^DâT^---

[---^DâT^---]

وينك أخوي Uncharted

[---^DâT^---]

هل هناك جهاز سوني 2 يشغل الكوبي والأصلي وهل فيه فرق بين الكوبي الياباني والكوبي الأمريكي ووش الأفضل ان تي سي والا بال ووش الفرق بينهم وإذا فيه اشياء ثانية طالبكم تقولونها لي

المسينجر ahmeddl@maktoob.com

[fsfs]

أنا عندي ps2 أمريكي
وأنصحك تشتريه لآن أكثر الألعاب بتنزل عليه
وبعدين تعرف ياباني وش حادك عليه وكمان البال أحسن

وأتمنى أن أكون أفدتك

[---^DâT^---]

مشكور وما قصرت بس أبغى معلومات زيادة

[---^DâT^---]

يقولون انه فيه هاردسك بينزل

هل في هذا الهاردسك مودم وهل هو نازل في أمريكا؟

الهاردسك كم سعره ؟

وهل يشتغل على السوني 2 المودم العادي من نوع 3com 56K
تكفى علمني تراني ما أعرف شيء

[---^DâT^---]

تكفوووووووووووون جاوبو لي على الأسئلة افزعوا لي

حتى اشتر سوني 2 وأنا مستأنس

بسرررررررررعة تكفون

[fsfs]

تبغى تعرف كل شيء عنه رح لموقع الألعاب العربي واذا بغيت أكثر راسلني

[---^DâT^---]

ahmeddl@maktoob.com

هذا مسينجري ممكن مسينجرك

[Uncharted]

السلام عليكم ورحمة الله وبركاته ..

أولا اسمحلي اخوي ---^DâT^--- علىالتأخير لاني ماكنت موجود وتفضل الاجابات الوافية ...

أولا سعر البلاي ستيشن 2 ..

اللي في الامارات 1550 شامل القطع الاتية :-

1- قطعة ال Sbox ((وهي قطعة تشغيل الكوبي))
2- جيم شارك برو1.6 ((وجوده ظروري لاكتمال تشغيل الكوبي))
3- 7 ديسكات من اختيارك . او ديسك اصلي من اختيارك
4- قاعدة لتثبيت الجهاز راسيا ..

..........

أما من وين تشتريه فالافظل انك تشتريه من أي محل في الرياض أو جده لانك لو اضطررت لاي شي أكيد بيكون متعامل مع راعي المحل ..

ودور السعر الانسب ..

وعلى فكرة في امريكا الجهاز ارخص لكن اظف الجمارك او رسوم البريد ..

الا اذا حد جابه لك من امريكا .

بس لازم توديه للمحل حتى يلحملك سلك داخلي .... وانت واقف ...


.......

بخصوص ال Sbox,,, ال اس بوكس عبارة عن قطعة صغيرة تركب من الامام وهي قطعة منفصله عن السوني ، يعني تركبها متى مابغيت على راحتك.. وهي من أفظل القطع حتى الان للسوني 2 .. لانها تعمل مستقلة كما انها لاتلحق اي ضرر بالجهاز .....

النوع الزين هو القطعة السوداء اللي اللي فيها زر واحد تقدر تفره يمين أو يسار .

.........

القطع الواجبه لتشغيل الكوبي هي ..
الاس بوكس والجيم شارك .

.......

بعطيك افضل مواصفات للسوني 2 (( يعني أفضل نوعية )) .


SCHP-30001
NTSC/UC
AC120V 60Hz 79W

أما بخصوص الاستكر فلاتشتري الجهاز اللي فيه ستيكر اسفل الجهاز لانه مايشغل بعض الكوبي كما انه لازم توفر جيم شارك برو 1.6 .
كما انه يركب ال Sbox في الفتحة العليا ..

أما الطبعة المنحوته فهي ..

CAUTION
وتعليمات بالانجليزي

بدون اي ستيكر ..

لان هذا النوع يشغل جميع انواع الكوبي وجيم شارك من 1.3 برو حتى 1.6

وال اس بوكس يركب من الفتحة اللي فوق ..

وبخصوص القرص الصلب ..

فهو يتميز بالعديد من المزايا واهمها ..

1- يعمل على شبكة الانترنت
2- يعتبر جهاز كومبيوتر
3- يزيد من سعة المومري بشكل كبير
4- تقدر انك تنزل منه مراحل الالعاب اللي متوافقه مع الانتر نت
احلى ميزه انه يسرع عملية التحميل Loading

والقطعة تركب من ورى الجهاز في فتحة البروند باند الخاصة بالجهاز



وشكرا للاخ fsfs على التفاعل والمشاركة ..

واسمحولي على التأخير

وسلامتكم

[---^DâT^---]

مشكوووووور أخوي وما قصرت بس ودي أسألك وش القطعة الي تشغل الدي في دي بجميع مناطقه يعني لو كان أمريكي وأنت بالسعودية يشتغل عندك (Regions) وكم سعرها وهل هي موجودة بالسعودية والا في أمريكا:
وماتقصررأفكر:

[ahmed99]

إنت من وين؟


أنصحك روح لجيم ماستر

[Uncharted]

هلا ..

ال DVD يشتغل تلقائيا على النظام الامريكي وبدون تحميل في المومري كارد مثل الياباني ..

والافلام تشتغل بدون قطعة ..

حط الفيلم واستمتع بالمشاهدة .

وسلامتك

[---^DâT^---]

حتى لو كان الفيلم كوبي