جديد: محاصرة ارهابي في حي النهضة في الرياض
السلام عليكم ورحمة الله ...
الخبر هذا من اعدادي انا لاني انا شاهدت على الموقف الذي صار في حي النهضة ....بقولة بالتفصيل
انا خرجت من البيت وبعدها على طريق خريص وبعدها شفت زحمة سير وقفت على الجانب الايمن ودقيت فليضشر ونزلت ورحت طمرت الرصيف عشان اشوف وش صاير يوم ناظرت الى الموقع شاهدت حادث فضيع وكانت المرسيدس تشتب نار من قدام ورحت ساعدتهم على اخماد النار ....وجاء واحد على جيب يستهتر بالناس وجاء واحد يعلمه الشغل ونزله من السيارة وعلمة الشغل وانا ساعدت الرجال بعدين فرقت بينهم ....
وبعدها تحركت الى العليا من شارع البحري الى شارع العليا العام وبعدها رجعت الى النهضة واذا فيه موكب تفحيط وقفت على جنب اشاهد التفحيط راعي كامري قاعد يفحط واذا به ينتقل الى مكان ثاني ولحقناه واذا به يفحط ثانية وانتقل الى مكان ثاني واذا به يفحط ثانية ولكن الان الدوريات بالمرصاد ...هههههه تدرون وش سوى راعي الكامري ...والله العظيم انه قاعد يفط قدامها وما لحقته الا بعد ما انحاش سبحان الله ..... ولا جايك واحد فزعه عشان راعي الكامري يفحط بالجهة الثانية عشان الدورية تطاردة وتخلي راعي الكامري يفحط المهم الرجال راعي السوناتا قام نطل النطلة الاولى واذا به بالكامري (واحد مسكين كلمته قال انا جاي عشان اطلب عشاء لاهلي ) وبعدها بكامري ثانية وبعدها براعي جيب راح فيه راعي الجيب انا كلمته وقال ( انا قاعد اشرب عصير واذا به يصدمني ) صدم خلق الله ولا واللي يزيد الطين بله ان راعي السوناتا الرجال انحاش هو واخوياه راحو فيها الناس اللي انصدمت
ورحت خذت كم فرة وبعدها جعت رحت النسيم وطلبت طلب الظاهر الساعة الثالثة وربع ليلا ....
وتحركت بعد ماطلبت ولكن وانا على طريق خريص وبالذات عند جدار الكهرباء شفت موكب دوريات (انا قلت راح فيها راعي الكامري عز الله حشروة )...انا استغربت وقلت خلني ارجع واشوف المشكلة (الشعب السعودي على عادته ملقوف هههه ) المهم رجعت ووقفت الا يجي عسكري ويضرب السيارة اللي جنبي وقال تحرك قلت انا طيب (مسوي فيها اني بطيع اوامره ) المهم رجعت واديور مع الفه اللي قبل تجمع الشرطة ( قلت بطلع من ورى وبعرف السالفه مسوي فيها ذكي ) المهم رحت ديورت واذا مجموعه من الجنود يصكون علي الدرب (يمكن عددهم فوق المئة) عاد انا من الخوف خلاص ماقدرت اتحرك اخوياي يقولون ارجع وانا يابس بمكاني الصراحه النظر يروع جنود فوق المئة ودروع ورشاشات المهم قلت العطة يابطة وعشقت بالاول وانطلقت وخرت عنهم رجعت للشارع اللي كان فيه تفحيط واذا به تفحيط نفس الكامري تفحط ومعاها هوندا كورد ...
المهم هذه الاحداث صارت لي اليوم من الساعه 12 ليلا الى ان قال المؤذن الله اكبر (صلاة)الفجر)
وهذا اللي صار لي والله العظيم ماكذب عليكم ...
واذا ماصدقتوني بتشوفون الاخبار اليوم تتكلم عن محاصرة ارهابي بحي النهضة .....الصراحة انا شفت الباصات وينزل منها الجنود خفت على روحي والباصات تسكر الشوارع ...(سالت واحد من جيران الارهابي قال هذا واحد له لحية مايطلع الا عند صلاة العصر يصلي ويروح البقالة ويرجع البيت بس هذا شغله بس باليوم وقالي انا مرة خشيت حارتي رايح البيت واذا به خاش من اللفة مسرع ودخل البيت وماطلع بعدها .............هذا اللي قدرت اجيبه ...الصراحة خفت ارجع لا يصير شي واروح فيها ...
وسلامتكم .........
