Ninja Gaiden 1.1 كاميرا جديدة, ملابس جديدة,أسلحة جديدة, وحوش جدد والكثير XD

[Mesharey]

....و Ninja Gaiden جديدة..اللي يقول ان اللعبة يبي لها أشياء جديدة أصلا XD

ابنزل شوي حق اللي يقرأ من خارج الموضوع ..

بشهر اغسطس 8 القادم راح يكون التنزيل الأول downloadable content لننجا جيدن من الأكس بكس لايف ..
الموعد سيكون مع Master Ninja Tournament الثاني لـNinja Gaiden بعد النجاح الكبير الأول الذي تم إقامته في شهر مايو السابق.
لم يتم تحديد موعد إصدار الـdownloadable content بالضبط لكنه سيكون في شهر 8 القادم و سيحتوي على :

- ملابس جديدة لريو هايابوسا شبيهة بالموجودة بديد أور ألايف 2 XD


- ثلاثة أسلحة جديدة, ستستطيع الحصول عليهم من من المحلات المتواجدة باللعبة (Murasama), لكن سيكون هناك سلاح أو سلاحين سريين باللعبة أو تحصل عليهم بعد قتلك لزعيم باللعبة.



- تطوير الـAI للوحوش, وسيصبحون أذكى وأصعب من السابق, بأي صعوبة تختار.
الوحوش باللعبة من غير التطوير صعبين وأذكياء..بعد التطوير شنو يصيرون ؟

- وحوش جدد, ويمكنك مشاهدتهم بالصور وهنالك وحوش أخرى جديدة غير المتواجدة بالصور,ولاتوجد مناطق جديدة.
شكلهم أقوياء وصعبين XD






- وإذا الوحوش الجدد لايكفون لك هنالك زعماء Boss جدد وصعبين XD
غير معروف إذا سيحلون محل الزعماء القديمين أم لا, لكن قصة Ninja Gaiden لن تتغير.



سلاحي المفضل حالياً ^^


- كاميرا أذكى جديدة يمكنك التحكم فيها 360 درجة, الظاهر بسبب الناس اللي قالوا الكاميرا سيئة حطوا هذي الجديدة ..
لكن اللي بعرفه الكاميرا الجديدة راح تكون موجودة ولا لأ؟! لأنها ممتازة جداً صراحة فيها مشاكل قليلة جدا..


- تطوير محرك القتال, شلون يطيرون فيه وهو Almost Perfect ؟
زيادة السرعة طبعاً !
مع ان اللعبة سريعة جدا XD
التطوير سيكون على كل شيء, سرعة ريو, سرعة الوحوش, والأهم سرعة الـcombat.
بيصير Perfect أكثر ..


Ninja Gaiden 1.1 ستكون مجانية وكل ماتحتاجه هو أشتراك Xbox Live ولعبة Ninja Gaiden.
وممكن في الـMaster Ninja Tournament سيكون هنالك Ninja Gaiden 1.2..
لمزيد من المعلومات (كل شي بالموضوع) اضغط هنا

بالمناسبة على ذكر ننجا جيدن, امس طلعت ننجا جيدن الجزء الأول والثاني والثالث اللي بننجا جيدن الأكس بكس ..
الثاني مايبي له شي بس ترمي بالسهم على الساعة الكبيرة الموجودة بـTairon ويطلع..
والثالث تحصله بمكان الـscrab اللي كانت موجودة فوق عمود مكسور بالمجاري..

[Mohmmed A]

شكرآ على الاخبار الحلوة اخي العزيز مشاري

سؤل الحين انا ما العب اون لاين (على الخط ) هل ممكن اني انسخ التطوير من واحد من الربع
او لازم اشتراك لانة شذي مش حيكون مجاني بالنسبة لي

ومبروك اظهار الاجزاء الجندرية وترى اذا ختمت العبة راتح تطلعلك على الشاشة الرئيسية

ما تلاحظ انة كل الصور علها شعار ماستر ننجا ترنمنت

شكرآ

[Mesharey]

سوري على الأخطاء المطبعية بالموضوع ..

لكن اللي بعرفه الكاميرا الجديدة راح تكون موجودة ولا لأ؟!

أقصد الكاميرا القديمة الموجودة بننجا جيدن الجزء الأول ( لأن هذا الجزء الـ1.1 )
بالمناسبة اعتقد ان السبب لتأجيل ديد أور ألايف التيميت هو الكاميرا الجديدة ..

شلون يطيرون فيه وهو Almost Perfect ؟

أقصد يطورون XD


محمد

هل ممكن اني انسخ التطوير من واحد من الربع

Dunno dude..لكن ما اعتقد يصير ..
ممكن في أمل وهو أن مجلة الأكس بكس الرسمية تصدر الطويرات بالدسك اللي يكون مع كل عدد..مع ان الأمل ضعيف لكن ممكن لكم ..
الله يبارك فيك XD

ما تلاحظ انة كل الصور علها شعار ماستر ننجا ترنمنت

Yup, لأن نفس ماقلت راح يكون بوقت الدوري الثاني..
وممكن بوقت الدوري الثالث راح يكون في تطوير جديد ^^


CAN'T WAIT TO GET XBOX LIVE AND NINJA GAIDEN 1.1 XD

[Mesharey]

إضافة :
قرأت بموقع ان اللقطة اللي طلعت فيها أياني قبل راح تكون موجودة بالداونلود الجديد..طبعا الخبر مو أكيد 100% ..


* اضغط على الصورة للتكبير..

[شرقاوجي]

وايد شييييييييييييييي!!! بللللل صج اكبار الوحوش, شيذبح فيهم؟ كف واحد و يلصقك عطوفة


الحين افتكينا من قطاوة الشوارع و طلعوا لنا في اللعبة


سلاحه جنه العصاية مالت الصعايدة اللي يرقصون فيها ايوه يا عمدة :icon6:

و الله لو هلوحوش في مراحل جديدة جان احسن انشالله في مراحل جديدة في Ninja Gaiden 1.2

سؤل الحين انا ما العب اون لاين (على الخط ) هل ممكن اني انسخ التطوير من واحد من الربع
او لازم اشتراك لانة شذي مش حيكون مجاني بالنسبة لي

لا غير ممكن, لان اكيد بيكون حجم الداونلود كبير و يمكن اكبر من سعة حجم الMemory Card

ما تلاحظ انة كل الصور علها شعار ماستر ننجا ترنمنت

يمكن بعد Ninja Gaiden 1.1 خاص لاصحاب المراكز العالية في Master Ninja Tournament انشالله يكون قابل للتنزيل لدى الجميع

ثانكس مشاري على الصور و المعلومات

[ستيف بورنسايد]

فري بيوتفل

بس مااحسها تطور كبير يعني يخليني اشترك بالايف حقها
فقط تغيير الوحوش واضافات كم سلاح
لو اضافات مناطق

[Mesharey]

ستيف
اعتقد ان المناطق الجديدة راح تكون متوفرة بالداون لود كونتينت الثاني ..
مو بس وحوش وأسلحة .. لاتنسى التطوير بالقتال والكاميرا والزعماء والملابس والصعوبة ..


ملابس ريو الجديدة من ديد أور ألايف 2 .. هذا شكلها بديد أور ألايف 2 ..

حطوا القناع وشوية تغييرات ..

بالمناسبة هذا أفضل تحديث للعبة أجهزة المنزلية حتى الآن ..
Told ya, Team Ninja ROCKS ..

لويراجعون اللعبة مرة ثانية بجيم سبوت ممكن تاخذ 10 ..
لأنها كانت 9 بالجيم بلاي .. والحين صار أفضل مع انه ممتاز جداً
والـValue راح تزيد مع التطويرات XD
ياريت لو يسوون هالشي ..

[The-DeadMan]

مشكور اخوي وشكلها راح تكون Prefect

هذه المزيد من الصور

تلقونها في هذا الموقع

neotaku.com/gaiden

[Na9er]

اول شي شكرا يا مشاري الصراحه الخبر وايد حلوو

سؤل الحين انا ما العب اون لاين (على الخط ) هل ممكن اني انسخ التطوير من واحد من الربع
او لازم اشتراك لانة شذي مش حيكون مجاني بالنسبة لي
شكرآ

شوف في طريقه اخذ جهازك وروح حق رفيجك خله يدش بجهازك بالايف يقدر يوصل جهازك على الانترنت وبعدين يدش انه يسوي استرجاع حق القيم تاج ماله ويدش عادي وبعدين حط دسك النينجا قايدن ونزل الداون لود وراح يتخزن على جهازك

[THE_X_F.B.I]

ممممم ممتاز والله رهيب احس انه كانه جزء جديد والله اعجبني الحين قلت انه ينزل بس في الاكس بوكس لايف
مشوار

[GundamX]

والله يا شباب ما افهمت كيف بعملها دوون لوود فى الجهاز

[SNYMA]

مشكووور مشاري على الخبر
الصراحة عجبتني التطويرات و شكلي برجع ألعب اللعبة بالحماس نفسه أول ما جبتها , لأني بعد ما خلصت مستويات الصعوبة كلها , و خلصت الـ Master Ninja Tournament #1 , قاعد ألعبها بشكل متقطع و من دون نفس
لكن يوم سمعت عن هالتطويرات الـ Super Hard هذي أكيد راح أرجع ألعبها
السلاح هذا كووول

ودي أجربه , اليوم قبل باجر
أحلى شي سمعته

Ninja Gaiden 1.1 ستكون مجانية وكل ماتحتاجه هو أشتراك Xbox Live ولعبة Ninja Gaiden.

هذا اللي يعجبني بالإكس بوكس , التنزيل السهل
مشكووووور مرة ثانية أخوي مشاري على الخبر الرائع
تحياتي^^

[Mesharey]

والله يا شباب ما افهمت كيف بعملها دوون لوود فى الجهاز

إذا عندك اشتراك اكس بوكس لايف ولعبة ننجا جيدن الأصلية راح تقدر تنزله بكل بساطة..
اضغط على Master Ninja Tournament وراح تحصل هالأشياء..

والعفو جميعا ..

[Mesharey]

صور جديدة وتلاحظون فيها ان السلاح الجديد متطور للتطوير الثاني والثالث ^^

تحذير للدايل اب الصور بالموضوع كثيرة !!
قوم بعمل أي شي ثاني إلى ان يتم تحميل جميع الصور بالموضوع..


ريو صاير روعة باللبس الجديد XD
صاير كأنه اطول شوي P:





























Can't wait XD

[Mesharey]