هلا بيكون شباب وصبايا
انا كتبت الموضوع هذا في منتدى الكواكب الماسية للاخ ركيشي وبعد الاعجاب منقطع النظير(3ردود)قلت يالله بانسخه هنا علشان تستفيدون من تجربتي
بداية القصة يوم نقلنا البيت الجديد اللي في العليا(<==يا كثر نصبك بس) المهم انا اعجبني البيت لاني اقدر اروح منه للفيصلية مشي(<==شكله يسمع بالرياض)المهم وانا في الفيصلية اتمشى واشوف المحلات(كثر منها ذي وبالشطة)..طيب خلاص المهم وانا اسوي نفسي حلو قدام البنات الا واشوف ذيك البنت اللي تقول القمر ليلة خمسة وثلاثين(وش يبي ذا) المهم انا قلت في نفسي لازم اشبك معاهاولكن عندي مشكلة صغييييييييرة وهي ان الوجه ما يساعد
مثل ما انتم عارفين ان الذكاء ما ينقصني..المهم انا اتلثم بالغترة بس صارت معي مشكلة اصغر من الاولى وهي ان خشمي حاد شوي فمزق لي الغترة واضطر اني اتلثم بالكوفية والعقال المهم انا اجي داعس من عند البنت وطبعا ما اشوف قدامي وارمي ذاك الرقم وادعس مبسوط اني عطيتها رقمي..وفجاة
طرطاخ طييييخ طرطرط طخطخ ططططرررررططططاخ
ابد ولا شي بس طحت من الدرج وانا متلثم بالكوفية والعالم ودوهم على المستشفى اصابات من الضحك..اللي جته ازمة قلبية واللي انفقعت الزايدة واللي ضحك حتى اغمي عليه
بس الحمدلله ثقتي بنفسي عالية جدا واقم امشي ولا كانه صار شي اهم شي ان البنت شالت الرقم تقولون كييييف؟؟انا اقول لكم ضحكت لين طاحت على الارض وطاح كل شي في الشنطة قامت تلقط حاجاياتها ومن دموع الضحك شالت رقمي معهم ما شافته
اهم شي انها شالت رقمي<==وجهه مغسول بمرق
بعد كذا انا رجعت البيت ومسنتر عند التلفون(ما عندي جوال وش اسوي)المهم استنا ذيك الليلة واسبوع بعدهاو لا اتصال ولا يحزنون
قلت في نفسي يمكن انها اتصلت والرقم مشغول(<==يصرف ولا ما احد يتصل على بيتهم ولا هم يعرفون يتصلون بالتلفون) المهم وانا افكر في جمال ذيك البنت قلت باتخيل انها معي وانها تبوسني بوس مو صاحي..بس النشبة كيف احس بالبوس وما في احد يبوسني...شوي وتولع فوق راسي لمبة(هذي علشان جته فكرة)
فاصل:
اذا كانت اللمبة 100 شمعة=الفكرة غبية بالحيل
اذا كانت اللمبة 200 شمعة=فكرة تمشي الحال
اذا كانت اللمبة 1000 شمعة=فكرة جهنمية
عدنا<==مسوي فيها سبيس توون
المهم اللمبة كانت 1000 شمعة ومولعة للاخر
شوي وجبت اخوي الصغير وابن اخوي وكلهم في عمر واحد(سنتين) واقول لهم يالله شوفو شغلكم..وبلغة الاشارات فهمتهم انهم يشتغلون بوس فيني
المهم ابن اخوي شراني ورفض حتى اعطيه توفي ...بعد اخذ ورد وعدته اني اشتري له بعدين من ساكو توفي(يا عمي روح تراك منت داري وش ساكو)
المهم الاولاد اشتغلوا بس شوفو القصة اللي صارت:
ما يحتاج اشرح ايش صار فوق لانه واضح حسب اعتقادي الشخصي وما ادري ليش سوو كذا وجهي ما فيه شي و حليو بس مليان حب شباب(الله يقرفك)
بس انا طلعت حليم وما سويت فيهم شي بس اشتغلتهم تشويت لين طلعوا من غرفتي
_________________________________
فاصل اعلاني:جربوا كوفية الاسد الذهبي...من جودتها لم يستطع انف احمد ان يثقبها..لا يوجد دليل اقوى من هذا
__________________________________
اذا عجبتكم السالفة قولو لي اكملها واذا ما عجبتكم فاسترونا في الموضوع وافضحونا في البريد(اقل شي علشان لا يستهزيء بي باتيقول)
طيبين حلوين بنحبكم
