مسح الملفات تماما في 6600

[Better Days]

السلام عليكم

جهاز الباندا هو كمبيوتر ولكنه مصغر.....فعندما تحذف الصور او مقاطع الفيديو فأنها حقيقه لا تخرج من الجهاز

لكنها تتخزن في الذاكره الرئيسيه للجهاز....

فيأتي صاحب المحل او الشخص الذي أشترا الجهاز المستعمل ويضيف عليه برنامج أسمه

Ximplify(R) SeleQ

وظيفة هذا البرنامج هو أستخراج كل شيء مخزن على الجهاز حتى البرامج الأساسيه في السوفت وير..

واليكم طريقة عمل هذا البرنامج......
(طبعا البرنامج بالأنجليزي ولكن بحاول اشرحه لكم)....

أول شي تسويه اذا كنت مسجل مقاطع فيديو او صور عائليه اوغيرها ولغيتها.....

قبل ما تبيع الجهاز روح للمحل الجوالات وقله يركب لك البرانمج هذا

بعدين تشغله..

بيطلع لك زي كذا

:C

:E
:Z

طبعا تروح لـــــ :C
وتفتحه


بيطلع لك

ملفات حسب الترتيب التالي

cache
Documents
Nokia
PhotoSafe
System

أنت تختار ملف Nokia وتفتحه

بتطلع لك ملفات حسب الترتيب التالي

Games
Image
Installs
Others
Sounds
Videos

أول شي اذا كنت تبي تلغي الصور تروح للملف Image وتفتحه

بيطلع لك 3 ملفات زي كذا
Backgrounds
PAlbTN_
Pictures

وتحتهم على طول الصور الي انت مخزنهم بس ما لغيتهم (يعني الي موجودين في الأستيديو)

وعلشان تلغي الصور الي تم مسحها وحذها من الأستيديو تفتح الملفPAlbTN_

لما تفتحه راح يطلعون لك كل الصور الملغيه من الجهاز...

تسوي لهم Delet او أختصار للوقت تسوي للملف كله Delet قبل ما تدخل على الصور

ثانيا نرجع لمقاطع الفيديو الملغيه

ترجع للصفحه الي فيها الملفات هذي
Games
Image
Installs
Others
Sounds
Videos

وتختار ملف Videos

تفتحه

بيطلع لك كل مقاطع الفيديو الي تم حذها والي لسه مانحذفت...

وتقوك بحذف المقاطع التي لا تريد أن تبقى في جهازك.....

أما مقاطع الصوت تروح لنفس الصفحه هذي
Games
Image
Installs
Others
Sounds
Videos

وتختار ملف Sounds

تفتحه بيطلع لك ملفين
Digital
Simple

تروح وتفتح ملف Digital

بيطلع لك المقاطع الصوتيه المحذوفه.......

أنـــــــــــــــــتـــــــــــــــــــــهــــــــ
ـــــــــــــــــــى الشــــــــــــــــرح........

ملاحضه لاتتعبث وتمسح الملفات الثانيه بعدين ينلغي من عندك ملفات أصليه للسوفت وير على الجهاز...

منقول للفائده تحميل

[Pr.Game]

مشكور ديد مان على الطريقة

وبحمل الملف الحين .

[JAK]

lمشكور اخوي على الطريقه لكن الفورمات ما يمسح كل شي ولا تبقى الصور و الافلام فالجهاز بعد ما اعمله فورمات ؟؟ مشكور اخوي مره ثانيه

[Better Days]

الحـسام المهند: العفو

JAK7: العفو
على ما اعتقد انه حتى اذا عملت فورمات ما تروح الملفات

[auronxxx]

مشكور على الطريقة

لكن هذا المستوى الثالث للامان (بصراحة شيء طبيعي ان اغلب الناس اصحاب هذي الجوالات تعرف برنامج السلكSELEQ وتعرف تلغي من ملف النوكيا)

وبعدين لو تجرب بنفسك تلغي الصور بتلقاها انلغت من ملف المصغرات تلقائيا

لا يا جماعة اصحاب المحلات عندهم حيل اذكى (انا بنفسي جربت الغى ملف من الممري وبطريقة معينة ارجعها)

المستوى الثاني للامان انك تفرمت الممري او الجوال (الفورمات يمسح كل شيء بطريقة افضل من المسح العادي لكن إذا اصر صاحب المحل اصرار شديد يقدر يطلع اللي داخلة بطريقة صعبة شوي وطويلة)

اقصى مستوى للامان انك بعد الفرمتة للممري او الجوال وبعدها تملا الممري او الجوال باي ملفات عندك ما تحتاجها وبعد ما تملاهم تفرمتهم بعد مرة

[Better Days]

auronxxx

شكرا اخوي على مساعدتك

[Hit_Man]

مشكور أخوي ديدمان^^

[Better Days]

مشكور أخوي ديدمان^^

العفو اخوي

[mad_dog]

سوف يتم نقل الموضوع ..

[CHALLENGER]

طيب ما دام الشخص عارف كل شي و ما يريد يبيع الجهاز لا يعطيه لصاحب المحل يسئلنا عن اي شي و نحن نحله له بس اذا يريد يبيعه يسوي فورمات وبس !

[Better Days]

طيب ما دام الشخص عارف كل شي و ما يريد يبيع الجهاز لا يعطيه لصاحب المحل يسئلنا عن اي شي و نحن نحله له بس اذا يريد يبيعه يسوي فورمات وبس !

طيب اخوي كيف اسوي فورمات للجهاز وللميموري بعد؟؟