السـلام عليكم ورحمة الله وبركاته
كلنا شباب شفنا اليونان وش سوت وأخذت بطولة أوروبا ( وأعتقد إنه ما كان في أحد في الكرة الأرضية متوقع الشيء هذا )
وقبلها شفنا نادي بورتو البرتغالي بطل أوروبا للأندية ( وأعتقد بعد إنه ماكان في أحد في الكرة الأرضية متوقع الشيء هذا )
وإذا شفنا بعض البطولات المحلية في أوروبا بعد إن بعض الفرق الكبيرة طلعت من المولد بلا حمص فمثلا ( نادي فيردر بريمن ) بطل الدوري الألماني ما أحد كان يعرفه .
ونادي ( ريال سرقسطة ) بطل الكاس في الدوري الإسباني .
وما أذكر الفريق اللي لعب مع المان في نهائي كاس إنجلترا ( لو المان ما لعبوا جد كان الله يستر ) .
وقبل أيام في بطولة إمريكا الجنوبية في فريق كولومبي ما أدري وش إسمه ومن وين جاي فاز على فريق بوكا جونيورز وأخذ منه الكاس .
وفي بطولاتنا العربية حدث ولا حرج فريق الصفاقسي بطل العرب ، فريق الشباب السعودي بطل الدوري ( والفرق الكبيرة والمعروفة واللي صرفت الملايين طلعت من المولد بلا حمص )
وفي كاس مصر قبل أيام فريق المقاولون العرب من الدرجة الثانية فاز على فريق الأهلي وأخذ منه كاس مصر ( إيه ده ) .
وما أدري لو عندكم مفاجآت ثانية قولوا لنا .
وبعد كل هذا أقول للجميع إنني أحترم وأقد كل الفرق هذي ووالله إنها تستاهل أكثر لأنهم ما أتكبروا على الكورة وتعاملوا معها بكل جد وإجتهدوا وزي ما يقولون ( لكل مجتهد نصيب ) وأتمنى إنهم يستمرون على كذا الموسم الجاي ويحققوا بطولات أكثر علشان الفرق الثانية إللي تصرف من غير سنع وتجيب فلان وعلان بالملايين ويهتمون فيه ويطنشون باقي أعضاء الفريق يعيدوا تفكيرهم زين .
وإن شاء الله بتزيد متعة كرة القدم .
وعلى فكرة أتوقع إن بطل آسـيا بيكون يا ( بنغلاديش ) أو ( سيريلانكا ) .
وبطل كوبا أمريكا ( فنزويلا ) أو ( بوليفيا ) .
ما أدري وش رأي الشـباب .
