عضو جديد يريد مساعدتكم .بخصوص السوني2..لاتخلوني اتوهق؟

[غزال الشرقية]

السلام عليكم
صباح بألف خير ان شالله
يا اخوان عطوني اجوبة شافية

ياليت تعملوني أفضل محل بالخبر يبيع سوني 2 مضمون ..
الى الخبراء أعطوني مواصفات السوني 2..الذي
1- يكون عليه ضمان
2- يشغل اشرطة الالعاب الكوبي والDVD الكوبي ..
3- هل أخذ ياباني = صيني = أمريكي
4- لون الجهاز الذي تنصحون به .اسود = فضي
5- مالقطعه التي تشغل الاشرطة المنسوخه والتي تناسب الجهاز
هل الميشا = الماجيك = الماسيه ..وما هو أفضل اصدار لهذه القطع
6- ماالافضل اخذ جهاز بكهرب 220 او 110
7- وهل من نصائح مهمه لتلامذتكم؟
وجزاكم الله خير

[wwal0000]

1-لازم ضمان مده ثلاث شهور
2-نعم يشغل اشرطة الالعاب الكوبي والDVD الكوبي
3-خذ صيني افضل شيء ويكون نظام بال PAL الكهرب 220 فولت
4-لون الجهاز اسود
5-القطعه التي تشغل الاشرطة المنسوخه والتي تناسب الجهاز اكيد طبعا ماشيا 2
والماشيا هي الماسيا ولكن ليست هي الماجيك وتعتبر الماجيك اسوء انواع القطع في تشغيل الكوبي
6-خذ كهرب 220 فولت والسبب لانك لوكان عندك الجهاز 110 ودخلت على فيش 220 راح يفرقع في وجهك وقد
تحترق معه بعيد الشر عنك
7-نصيحه ان مايلهيك عن الراسه والوالدين طبعا

وانا في الرياض وليس في الخبر
وسعر البلاستيشن الصيني 700ريال
وسعر اليفيدي الكوبي بالنسبه لي اشتري 2 ديفيدي كوبي بسعر 15 ريال
والمكان طبعا هو البطحاء
مع تمنياتي لك بالتوفيق والنجاح

[غزال الشرقية]

يعطيك الف عافيه اخوي وهل هذا افضل نوع الصيني
اذا ياليت تتكرم تعطيني أفضل موديل .؟
وبإنتظار أحبتي من أهل الشرقية يفيدوني؟
وشكرا لكم

[ANIMEX]

أهلاً أخواني....
لفت أنتباهي موضوعكم عن البلايستيشن 2
حبيت اخبركم ان ما فيه ضمان للبلايستيشن2 الي تشغل كوبي....وإذا كان فيه فهذا ضمان المحل وليس ضمان شركة SONY لأن تركيب الـmod-chip القطعه غير قانوني اصلا لهذا السبب بدن ضمان....

عندنا البلايستيشن الفضي بـ950 ريال
والعادي بـ700 ريال

وإذا تبي أحسن موديل للبلايستيشن 2
دور على هذا الموديل SCPH-30001 R
هذا الموديل قديم ولكن من افضلها NTCS -U/C.....الصناعه ياباني
والرقم الصغير هو 2A
الكهرباء 110
طبعا الجهاز عندي من زمان وعمري كله ما اشتكيت منه او قلت في شريط ما يشتغل او او او او......خالي من المشاكل وكل اصحابي الي عندهم مثلي ما عندهم مشاكل أبداً...هذي صوره لجهازي من الخلف...

وهم انصحك بالفضي بس الكهرباء 220 وهو جهاز محترم

[غزال الشرقية]

مرحبا اخوي انيمكس
شكرا على الاضافه بخصوص الضمان
لقيت جهاز سوني 2 امريكي يشغل الكوبي وكل شي مع ضمان 6 أشهر .ب1100 ريال فما رأيك؟
بخصوص الكهرب ليش قلت 220 ؟
بخصوص الموديل هنالك من يقول SCPH-50004
PAL
MADE IN CHINA
وهو الافضل فما رأيك؟
وشكرا

[ANIMEX]

انا قلت 220 لأن الفضي متوفر بس 220
والموديل الي قلت به مو متأكد منه بس انا عطيتك شي مجرب و مضمون عندي الجهاز تقريبا لسنتين من دون مشاكل كلياً.....فإذا كان الموديل الثاني مجرب و مضمون توكل على الله....بس يكون المحل يعرف تصليحها علشان تستفيد من الضمان ولا ما راح تستفيد منه ابدا....

[غزال الشرقية]

اهلا انيميكس
هل تعرف محلات بالشرقية مضمونه؟
وشكرا

[ANIMEX]

أقدر اعطيك محلات عندنا في القطيف...
( العلقم )
( مدينة الخيال )
هذولا المحلات من أكبرها في القطيف و أشهرها....مضمونين
الجهاز معاه 10 اشرطه و يد تحكم....

[غزال الشرقية]

يعطيك الف عافيه اخ انيميكس ماقصرت
تحياتي لك

[ANIMEX]

حياك اخوي

[khalid2001]

السلام عليكم شباب
انا ابقولكم تجربتي مع جهازي الرائع اولاً الجهاز شاريه قبل ثلاث سنين بس طبعاً
خرب هالايام هذي وموديله SCPH-30004 R -PAL - MADE IN JAPAN وانشاء الله اليوم ابشتري جهاز جديد وناوي على ال NTSC -UC لوجود مودم له نظراص لان البال لايوجد له مودم بالاسواق عندنا وان وجد فهو فقط دي اس ال.

[F I N A L]

اهلا اخي انمكس بسئلك انا ابي ابيع البلاي حقي هل مدينة الخيال والعلقم يشترو والله ؟؟؟
لاني هذا الشهر بشتري كيم كيوب من الراشد وطبعا مدينة الخيال والعلقم 1000 او 1200 والشهر الجاي بشتري بلاي2 فضي

[F I N A L]

وانا لبلاي حقي هذي قطعة Ic ضربت ولفيت القطيف ماحصلت محلات وقلت خليها على الله هدا الكلام من بداية العطلة والى الحين ماشيمت وديتها وقلت اشتر جهاز جديد ولعلمك هذي اول مرة تخترب من ثلاث سنوات ونوع الموديل
30004
pal

[جكور]

اما انا انصحك اخذ امريكي

[ANIMEX]

اهلا فاينل فانتسي X
اعذروني على الرد المتأخر لأن المنتدى مره مغلق و مره مفتوح كله مشاكل.....

بالنسبه للأبلاي 2 حقك الي اخترب فيها هو الكهرباء....الظاهر انك تطفيها من ورى على طول من دون ما تسوى off للجهاز وهذا واحد من الأسباب الي يخرب A/C

الطريقة الصحيحه لإطفاء الجهاز اضغط على الزر التشغيل ( الي لون النور اخضر ) لمده معينه وراح يصير احمر الأن الجاهز في وضعيه OFF والحين تطفي الجهاز من الخلف الي هو A/C وإذا فيه احد ما يسوي كذى راح يخترب الـ A/C

والبلاي 2 الفضي مافيه فرق بينه و بين الأسود الفرق حاجتين بس.....

الفضي : فيه boot chip يعني تشغل الشريط المنسوخ من دون ما تعيد الجهاز
والشي الثاني ان الكهرباء حقتها 220

الأسود : مافيه boot chip ونادر ما كان موجود فيهم يعني بالغلط تحصل وحده فيها هذي القطعه
والشي الثاني الكهرباء 110

هذا الفرق بينهم....

وبالنسبة للمحلين ما اعتقد انهم يشترو البلاي2

ومثل ما قال أخوي جكور لا تاخذ امريكي روح للياباني احسن لك.....وهو الأفضل