جوالي انسرق وابي اطخ لي جوالن سنع بس محتاره

[Charlize]

سالفتي ياجماعه الخير هي

اني كان معي جوال الفيصليه ومررره خاش مزاااااااجي ولا ابي اغيره ولا ابيعه مغير ابي اشوفه قبالي

المهم الجوال انسرق الاسبوع اللي فات وقفلت معي ...

يوم رحت اليوم الصباح اشتري جوال جديد فكرت اشتري اللي نفس الفيصليه بس بكاميرا عشان مااحس بفرق ايقالي ابكي على الاطلال

بس مشكله ان الحريم مايصلح لهم جوالات كاميرا وين مانروح ممنوع دخوله خصوصا الدراسه قربت وممنوع جوالات الكاميرا بالجامعه..

المهم ذبحتني الحيره بالمحل...وشفت جهاز سامسونج مدري وش رقمه بس انه ينفتح وملون سعره ب 800 وشوي...انشالله تكونون عرفتوه..بس مشكلتي انا متعوده على النوكيا يعني خلاااااااص يوم قربت اشتريه .. بأخر لحظه غيرت رايي وشريت الساهر!!!!!!!!!! تخيلوا...الساااهر!! ( نوكيا 3100)

ولعت بالسياره شلون شريته ماادري؟؟؟؟ وتحسفت اني ماشريت السامسونج...

المهم اني من زمان خاطري بجوال ينفتح ذا اللي ينطوي...يعني لاجيت ارد افتحه شفت فيه جوال نوكيا البنفسجي مع وردي اللي من وراه قلم..مررررررررررره خطير شفته بالنت ولما اسال عنه بالمحلات يقولون انه مانزل خير شر بالشرق الاوسط مع ان اخوي شافه من سنه تقريبا وقالوا له مهرب ومن دون ضمان
غير كذا حتى لو شريته مهرب وش الفايده دامه مه معرب...مدري عرفتوا هالجهاز والا لا ياليت اللي عنده ينزل صورته لانه خاش مزااجي ..



سؤؤؤؤؤؤؤؤؤؤؤؤااااااااااالي هو :::


اني انا توني اليوم شاريه الساهر بس ناويه اغيره مع اني الى الان ماشغلته لالحين بكرتونه <------ مب عاجبها ابد
بس ماادري وش اشتري
طبعا نو واي اشتري بكاميرا.. لذا ساعدوني

ايش فيه جوالات غير نوكيا تنفتح ومميزاتها حلوه واستعماله سهل...اهم شي يخزن مسجات واجد
وان شكله يصير حلوو وانيق..مع ارفاق الصوره والسعر الله لايهينكم
واهم شي سعره مايزيده عن الالف..واذا زاد يزيد ميه ميتين ترى ميزانيتي لكم عليها والمكافات مدري متى بتنزل

ثانيا ... وشرايكم بجوال نوكيا البنفسجي مع وردي ابو قلم.. الظاهر رقمه 6180 او 8610 اللي ينفتح حلو بس ماادري شي عن مميزاته لانه مب متوفر بالسوق
ابي اسال ليه مو متوفر وكم سعره واذا لقيته مهرب اشتريه والا ماتنصحوني؟؟ وماتدرون القاه بالكويت والبحرين والا لا ؟؟ لانه لو كان موجود ابستنى لين اروح هناك واشتريه

عموما انا كلها يومين واغير هالجهاز (الساهر) كل الجامعه شارين مثله ابي شي مميز فتكفوووون لاتخيبون املي وعطوني جهاز اقتنع فيه

ادري طولت عليكم حبتين اتمنى اني القى ردود باسرع وقت ممكن قبل مااكسر الجوال بالجدار :rocketwho :smashfrea

[Randy Orton]

اختي انصحك انك تخلين الساهر معاك لأن الجوال اللي تقولينه هذا ما نزل هنا وهو بالقلم بدون ازرار وصعب التحكم وبيصير غااااااااالي ... انا شريت نوكيا 7610 اجدد شي لأن جوالي ضاع ... ... واذا تبين صورة للجهاز هذا بالرد اللي بعده بحط الصورة ... وانتي انتظري بالساهر لأن فيه اشياء بتنزل اشياء كثيييييييييرة ...

[Pr.Game]

7610 أفضل جوالات النوكيا ^^ ...

[mad_dog]

التلفون الي تقولين عنه ابو قلم مو متوفر بدول الخليج ولا راح يتوفر وحتى اذا توفر ماراح تقدرين تتصلين منه

لانه ما يتوافق مع الشبكات الموجوده بالخليج واذا تبين تاخذين تلفون يضل معاج اخذي 7610

وهوا احسا جوال حايا من نوكيا من ناحيت المواصفات

وذا تبين تلفون ينفتح اخذي 7200 وهوا حلو ونسائي ومجرب شخصيا

[BARCA 4 EVER]

اشتري الفيصلية مرة ثانية...

لأن جوالات الكاميرا ممنوع عند الحريم في كل مكان تفتيش خذي الفيصلية ورحي نفسك...

[Da S.O.S]

اشتري الان جيج الجديد كيو دي والله رهيب من جد

[CHALLENGER]

اشتري الان جيج الجديد كيو دي والله رهيب من جد

اذا عاشقة ألعاب اشتريه بس مشكلته انه ما ينطوى

[megaman]

الجوال أبو قلم على ما أظن مخصص للأسواق الصينية أو شي من هذا القبيل ..

لأن فيه قاموس انجليزي صيني ... والقلم تستعملينه لكتابة الرسائل والكلمات .. لكنه مب عملي أبد
يعني طريقة الكتابة بالقلم بطيئة وغير عملية .. خاصة أنه أغلب الأحيان ما يتعرف على الحرف ويكتب لك حرف ثاني بداله

أنا جربت هالجوال وما أشوف إن فيه مميزات غير القاموس .. والقاموس ما اظن تحتاجينه ... يعني الفيصلية مثلة وأصغر حجم منه

أما بالنسبة لجوال سامسونج فما عندي فكرة ....

أنا أشوف إن الفيصلية جوال عملي وحلو وحجمة ممتاز ... فإذا كنتي متعودة على نوكيا اشتريه مرة ثانية

أما إذا كنتي تبين تغيرين جو فاشتري سامسونج

لأن يمكن تلقين بجوال سامسونج ميزات حلوة احسن من النوكيا


معليش على الفلسفة ... إن شاء الله أكون أفدتك

سلام

[فارس العاصمة]

بأخر لحظه غيرت رايي وشريت الساهر!!!!!!!!!! تخيلوا...الساااهر!! ( نوكيا 3100)

ولعت بالسياره شلون شريته ماادري؟؟؟؟ وتحسفت اني ماشريت السامسونج...

حرام عليكي أنا معاي nokia 3100 ...... لهالدرجة هذا الجوال سيئ ..... عاد ماشي معاي زي الليرة