سؤال يخطر في بالي كلما زرت منتدى الأنمي

[The Last Fantasy]

هلا شباب ....

فيه سؤال دايم يخطر في بالي كلما دخلت المنتدى هذا ...

طبعا أنا مالي مشاركات هنا ..

بس حبيت أسأل ..

أنا أشوف الإقبال على منتدى الأنمي كبييييير .. لكن أبغى أعرف كم أعماركم ... ؟؟؟

قصدي الأنمي اللي تتكلمون عنه فيه منه للكبار ولا كله للصغار ؟؟ مع العلم إني فوق الـ15س >> على باله كبير ..

وإذا فيه للكبار .. وش الفرق بينه وبين أنمي الصغار ..


أبغى تفسير يا شباب ..

أنا عارف أن السؤال غبييييي جدددا .. لكن أبغى أريح بالي من هالسؤال ..

وآسف إذا في السؤال إزعاج أو إحراج ..

سلملم

[TNT-BOY]

سؤال جميل
بس انت لاتحكم على الواحد من عمره
فتلاقي واحد عمره 12 "يعرف نفسه " انضج وافهم من واحد عمره 18 " ايضا عارف نفسه "

انا راح اقول عمري بس اريد الامانة قبل ما تشوفوه ......كم تتوقعو عمري ؟

قصدي الأنمي اللي تتكلمون عنه فيه منه للكبار ولا كله للصغار ؟؟ مع العلم إني فوق الـ15س >> على باله كبير ..

في منه اشيا حتى الكبار ما يستحملوها

وإذا فيه للكبار .. وش الفرق بينه وبين أنمي الصغار ..

انا راح اسوي لك شرح خفيف بما انك ماعندك اي خبرة في الانمي فراح احاول اجيب لك امثلة عن اشيا يمكن تعرفها

اول فئة من الاعمار هي " الاطفال "
ووتراوح اعمارهم بين 5 - 13 سنة
وهدوله تلاقي ليهم انميات خاصة بهم زي :
تاما
السنافر <<<<<<< ينعل ابو القدامه
سابق ولاحق
ازومانجا <<<<<<<< بدت التعقيدات عليك

وهل اشيا الى كدا
وتكون محتواهم سهل وبسيط يناسب عقليتهم
وما يتطرق الى الحب والقتال ابدا
يعني سعادة × سعاده
وقصص عن الصداقة والاخلاق الحميدة <<<<<<< يعني شي تربوي و تعليمي
ويحطو معاها شويت خيال + مغامرات بعد


الفئة الثانية " المراهقين " :
و تتراوح اعمارهم ما بين الـ 14 - ......... <<<<<<<< تفرق من شخص الى آخر
يعني دمه حار وله بارد ؟ <<<<<<< تراني من الى دمهم حار جدا
يعني ناس تنتهي فترة مراهقتهم عند الـ16
وناس ما شاء الله عمرهم 20 والى الحين لعب عيال
شكلي بقلب الموضوع حصة احيا
المهم
هل فئة تكون نوع الانميات الموجهة اليهم اعلى من الاطفال شوي
يعني فيه قتال خفيف + دراما خفيفة + مدرسة + مغامرات + حب خفيف بس بدون تعقيدات او اشيا " يعني فيه اشيا حلوه بس محدوده "

ومن هل انميات :
القناص
كابامارو <<<<<< لا تقول انك ماتعرفه
جزيرة الكنز
ناروتو
كونان


الفئة الثالثة " البالغين " : <<<<<<<<<< ترا هل فئة محذوفة من سبيس تون
وهذي الفئة الى احبها
ووتراوح اعمارهم بين ......... - ......... <<<<<<<< زي ماقلت تفرق من شخص لآخر بس بالعادة من 18
يعني شيل لعب العيال الى قبل وادخل في الجد
هل فئة يكون فيها قتال عنيف + رومانس بقوة + تعقيدات كبيرة + فلسفة + كل انواع المشاعر + بعض الاشيا المخله بالادب + كلام خادش للحياء + رعب
يعني اشيا ما تنفع لك
امثلة عليها :
Blood - The Last Vampire <<<<<<< لانه كله دم
Kimi Ga Nozomu Eien <<<<<<< لانه رومانسي بقوة + فيه بعض اللقطات نص كم
Noir <<<<<<<<< لان فيه نوع من التعقيد
Cowboy Bebop <<<<<< فيه اشيا ما بيفهمها المراهق " فلسفة " يعني يمكن يستمتع به الواحد بدون ما يفهمه

Angel Sanctuary <<<<<< لان فيه افكار منحرفة " مشاهدنه هل اسبوع "

Shonan Shunaijo <<<<<<< فيه بعض الكلام القوي جدا

اما الاشيا المخلة بالادب فما اطرقة ليها ولا اريد اعطي امثلة عليها <<<<<< لانه عارف انه المرغوب

وطبعا في فئة رابعه اسمها " المنحرفين " :
دوله المفروض انهم فوق الـ18 بس الى تلاقي لهم شعبية كبيرة من المراهقين
لا بارك الله لا في صغير ولا كبير منهم
لان هل اشيا المفروض ماحد يشوفها


شكلي طولت عليك مع اني اختصرت اشيا كثيرة لانك جديد في الانمي

وادا تريد تسأل عن الانمي لا تتردد

=============
ملاحظة : وانا اكتب الموضوع تحيرت ويش هو تصنيف دراجون بول
لانه ينفع الى كل الفئآت
ومنها البالغين
لاني احس فيه نوع من التعقيد لاني كل ما اشاهده احتار ويش عاجب الناس فيه ؟
ارجو من الجميع انهم ما يعلقو على هل نقطة بس حبيت امزح مع بعض محبيه " مو كلهم"

[QataR NighTMarE]

عمري 17
والواحد مب بعمره اخوي الواحد بمدى نضج عقله وفهمه للدنيا والحياه

[kay2]

هلا والله اخوي...

اعتقد ان شرح TNT Boy كافي ووافي...

بس حبيت ازيد الأنمي يمثل خيال الكاتب,,,الرسام,,,المخرج,,,وجميع فريق العمل.

وهذا ماجعل بعض الأنمي يتفوق على أفلام هولويود...

وعلى فكرة اخوي انا عمري 17 سنة ومن من اعلى راسي

إلى أسفل قدماي وانا عاشق للأنمي بجنون.

تحياتي,,,

[Yorae]

>_>

<_<

عمري 20 .... و ما أظن أني بتوقف عن مشاهدة الأنمي في أي وقت قريب ^^

[A.N.G.E.L]

أنا عمري16

بسTNT-BOYمدري بس يعني من 17الى20

هه كل لنا كم عمرك الحقيقي

[The Last Fantasy]

:shock22: يعني فيه شي يصلح أشوفه :shock22:

مشكورين يا الحبايب على الردود ...

ألحين فهمت كل شي .. وإن شاء الله أفيدكم في مواضيع قادمة ..

سلملم

[TNT-BOY]

بسTNT-BOYمدري بس يعني من 17الى20

هه كل لنا كم عمرك الحقيقي

اوه المفروض احطه آخر ردي الاول <<<<<<<< ما عليك متعمد

انا تقريبا عمري 18 " باقي عليي كم شهر بس "

بس ماعليك من العمر انا من كان عمري 15 وانا ما اشاهد الى اشيا للكبار على شان اخذ ليي خبرة في هل دنيا " ولو من الانمي "
وطبعا الناس الة تجلس معاهم بعد يأثرو عليك
لاني اصغر واحد في الشلة ومن خلال جلستي معاهم تحصل خبرتي قريبة ليهم " اكبر واحد عمره 24 "
فاهمين

عمري 20 .... و ما أظن أني بتوقف عن مشاهدة الأنمي في أي وقت قريب ^^

وليش توقف في المستقبل ؟
انا اعرف واحد ابو عيال عمره فوق الـ30 والى الحين يتابع انمي " ويحب وان بيس بعد "

HULK HOGEN
ايه في انميات تنفع لك وفي انميات ما تنفع
يعني انت خذ الزين وترك الشين

[The Last Fantasy]

مشكور TNT-BOY ... والله عرفت أشياء كثييييرة..

تسلمون كلكم .. بس تعرفوا أنميات حلوة تعرض الآن ... وأبغى أعرف ناروتو هذا حلو ؟؟؟ كلكم تتكلمون عنه ..

وآسف على الإزعاج

سلملم

[smarty]

أهلين أخوي hulk hogen

بما إنك مبتدئ في الأنيمي راح أعطيك بعض المسلسلات اللي تنفع لك:

1- Kenshin أو samurai X

2- dragon ball z <===== إذا كنت تحب الخيال

3- detective conan <===== لازم تشوفه خاصة الفيلم السابع

اختر واحد من الثلاثة علشانهم يصلحون لأي مبتدئ في الأنيمي


ملاحظة: ناروتو أنا ما أقدر أحكم عليه لأني ما شفت إلا الحلقة الأولى للحين وأنا قاعد أنزل الثانية بس الناس يمدحونه بقوة فجرب تشوفه

[ZeroSystem]

Naruto حلو أنصحك تشوفة أهو شوي بايخ أول خمس حلقات بس بعديين القصة وايد حلوة
إذا إنت تحب الآليات أنصحك Gundam إهيه سلسلة طويلة بس أسهل قصة قصة GGundam شرايك تبدي فيها

[The Last Fantasy]

تسلم أخوي SMART PC .. بس الأفلام اللي تتكلم عنها .. تعرض في التلفزيون ولا اشتريها دي في دي ولا كيف؟؟

وبالنسبة للأخ ZERO SYSTEM ... إن شاء الله بشوف ناروتو بس وين يعرض ..

ومشكوورين على ردودكم ..

سلملم

[ZeroSystem]

تنزلة من الإنترنت ما ينعرض
تقدر تنزلة من هذا الموقع بس تحتاج برنامج bittorrent
http://www.gotwoot.net

[The Last Fantasy]

مشكوور ZERO SYSTEM على الموقع ..

سلملم

[smarty]

إذا إنت تحب الآليات أنصحك Gundam إهيه سلسلة طويلة بس أسهل قصة قصة GGundam شرايك تبدي فيها

زيزو السلسلة هذي طويلة مره وما أتوقع لمبتدئ إنه يشوفه أنا أقول يشوف Grendizer أفضل و اوضح قصة

ّhulk hogen المسلسلات التي اللي أنا ذكرتها تعرض في القنوات الأوربية ما عدا كنشن كان يعرض على الـLBC وما أدري إذا هو يعرض إلى الآن

كونان تلقاه في سبيس توون


إذا كنت من الرياض في محل بالتحلية إسمه جيم ماستر حق ألعاب كمبيوتر جنب الجنوط المروحية يبيع أنيمي رح عنده واشتري يكون أفضل وأسهل