السلام عليكم
اخواني امس شريت الوننج اليفن 8 من الرحاب نسخه كوبي الكويت CD
بس ماحسيت باي تباطئ بالكورنرات بالعكس اللعب حلووو جدااا خاصتا للي تاخذ ايده على الحركات
مثل R2 مع سهم فوق او تحت
R2 مع سهم فوق او تحت مع سهم الخلف
R2 مرتين
L1 ثلاث مرات
عصا التحكم اليمين ( فوق تحت فوق تحت )
عصا التحكم اليمين دائره كامله يلف بجسمه مثل حركه زيدان
ولمن تمرر تضغط R1 وتيي للاعب اللي وراه
وهم لمن واحد يطب سلايتتضغط R2 اللاعب ينقز علشان لا ينطق
اكس + مربع
اكس + دائرة صارت هالحركتين احلى بوايد واسرع ( ولمن تسويها بالحارس اول ماتعدي الحارس اللاعب بروحه يشوت مو انت تتحكم فيه!! ) عاد مرات تيي بالقول ومرات يضيعها ( يمكن بعضكم ماراح يحب هالحركه بس انا استانست عليها لوول)
اللي يتعلم هالحركات وتاخذ ايده عليهم بصير اللعب روووعه وكله فن
والشغلات اليديده اللي بالشريط:-
1- في الاوت (رميات التماس) انت تتحكم بالاعب اللي يحذف مو تحرك اللاعب اللي بتوصله الكره
يعني يلف بجسمه يمين ويسار واللاعب اللي بتوصله الكره بروحه يفتح مساحه علشان توصله الكره
وفي ثلاث طرق تعطيه الكره:-
الاولى بزر X وتوصله عادية
الثانية بزر O كره عاليه والحلو بهالشريط ان اللاعب يرجع لي ورا بعدين يحذفها
والثالثه بزر المثلث وتكون سريعه يل جدام والاعب يلحقها
2-الحكم موجود بالملعب ومره كنت بلحق الكره انا وهنري والا لاعبي يحوش الحكم وهنري حصل الكره :@
3- الرفعات صاارت سهله جدا جدا مثلا لو ترفع ((بدائرتين)) وتيي حق لاعبك 95% هدف
4-الفاولات روعه بهالشريط فيها اكثر من حركه:-
اول شي لاعب يوقف بشوت الفاول بروحه
وتقدر تييب لاعب ثاني بالضغط على زر Select يكون واقف عاليمين واذا تبيه عاليسار اضغط زر Select مره ثانية
الحين اذا في لاعبين بالفاول اذا شت مربع عادي اللاعب الاول يهوّش عالكره (يسوي روحه بشوت) و اللاعب الاول يشوت
اما اذا ضغطت زر L1 وشت بمربع اللاعب الثاني اللي يبته اهوه راح يشوت وطبعا شوته غير عن اللاعب الاول
راح تكون سريعه حيل وتخدع الحارس
وايضا تقدر تمرر بال X والمثلث باللاعب الثاني وانت ضاغط L1
واذا تبي الاعب الثاني يحركها للاعب الاول تضغط R3 (عصا التحكم اليمين)
5- وقت الفاولات الحيطه (الجدار البشري) في ثلاث حركات تقدر نسويها
زر المربع يخليهم ينطّون
زر الاكس يخليهم واقفين ماينطون
زر الدائرة يخليهم اول مايشوت الاعب اهمه يجدمون علشان تطق فيهم الكره
6- الانميشن جدا روعه بهالشريط وزايدينها منها:-
لمن الحارس بشوت ضربه مرمى
لمن اللاعب بيرفع الكورنر يحط الكره مكانها
وقت تبديل اللاعبين يحطون عالحكم الرابع والاعب اللي يطلع يسلم على اللي يدخل
ولمن الحكم يعطي لفت نظر
واللاعبين مايتهاوشون الا اذا اللاعب تعور خذا اسعاف
ووقت الاهداف ولمن ينتهي الشوط حركاتهم حلوه
وفي عرض بدايه المباراة يحطون على الحكم واسمه
والحكم يطالع ساعته
والفاول العادي ايي الاعب الخصم يمسك ايد اللاعب ويقومه
7- وقت الفاولات تطلع صوره اذا هالفاول مباشر او غير مباشر
المباشر صوره سهم لي جدام
والغير مباشر صوره سهم لي جدام عليها خط مايل
8- بعرض بين الشوطين او نهايه الشوط الثاني الهجمات الخطره والاهداف يحطون وقت الهجمه
9- طاقه اللاعب الخضره اللي تبين اذا اللاعب تعب او لا صار لها اهميه كبيره بهالشريط
انا كنت العب بزيدان اركض اشوفه يتعب مايقدر يركض اسرع معنه بالشوط الاول كان تمام معاي!!
رحت بالخطط طقيت R1 شفت طاخته ناقصه وايد جان ابدله
حلوه هالحركه اذا لاعب تباريه عنده لاعب ميننك ويتعب حدك تستانس
10- وقت ركله الجزاء في حركات للاعبين مثلا
لمن اشوت بفيقو ينزل بجسمه شوي ويركض عالبطيئ ويقطها بالزاويه
والحارس يفتح ايده واهو واقف
11- صارلي تسلل بس ماشفت حكم الرايه طلعلي!!
12- الشريط مايعتمد على السرعه كثر مايعتمد على التمريرات والحركات
13- سمعت من بعض الاعضاء ان مستوى الكمبيوتر قوي معنه انا حطيت 5 نجوم وفزت 5/1هالشي حبطني
14- اللي يلعب اول مره بهالشريط راح يقول افا يا كونامي ماتوقعنا منج هالمستوى
ولمن تلعب وتتعلم وتتمكن من اللعبه تقول اسف يا كونامي غلطت عليج
هذا تقريبا اللي اتذكره بالشريط وانا حاضر لاي استفسار
صراحة بردو قلبي
المشاركة الأصلية كتبت بواسطة D0WN~T0WN
من هذا الاعب ؟ 
.