بسم الله الرحمن الرحيم
السلام عليكم ورحمة الله ..
أنا من مستخدمي الفوتوشوب السابع من زمان وأعرف له عدل ، وأحمد الله على هالشيء ..
وبعد مرور السنين والأيام سمعت بنزول الإصدار اليديد وهو الثامن ، وكل يوم أشوف ناس يمدحونه لمن نزلته وثبته وحذفت السابع ..
ولكن واجعتني عدة مشاكل ..
أنا بذكرها وأتمنى من إلّي عنده الخبرة أو مرت عليه هالمشكلة ولقى لها حل أنه يساعدني في حل المشاكل ..
والله المستعان
::المشكلة الأولى::
أحيانا لم أدخل على الفوتوشوب البرنامج الثامن تطلع لي هالرسالة ..
ممكن أعرف شنو مكتوب فيها ؟
::المشكلة الثانية ::
لما أفتح صفحة يديده new
وأحط فيها أشياء (مربعات وألوان).. بعدين إذا بغيت أستخدم الفلتر ،، أشوف أغلبهم ما أقدر أستخدمهم!!
على فكرة إذا فتحت صورة من الجهاز تنفتح كل الفلاتر وأقدر أستخدمهم كلهم
::المشكلة الثالثة::
لما أصمم تصميم يديد وأبي أحفظة أضغط file ثم save as ما ألقى إلا هالإمتدادات !!
على فكرة إذا فتحت صورة بالبرنامج وبحفظها من يديد ألقى كل الإمتدادات طالعة O_o
::المشكلة الرابعة ::
أنا بالبرنامج السابع للفوتوشوب صممت تصاميم وحفظتها على هيئة psd للرجوع إليها وقت ما أحتاجها ، وكانت شغالة معاي في الفوتوشوب السابع عدل ، أما الثامن ما تفتح عندي وتطلع لي هالرسالة ×_×
ممكن أعرف شنو الحل؟؟
::المشكلة الخامسة::
أحياناً أفتح صورة وأقعد أضيف لها بعض الفلاتر ، أشوف بعض الفلاتر لما تختاره وتطلع لك الإعدادت ،تشوف صفحة الإعدادات الربع منها مو طالع وهي طالعة بصورة كبيرة جداً..
فممكن أعرف الحل لتصغير هذه النافذة ..
--------------------
إخواني أنا طالب مساعدتكم لذلك لا تخيبون ظني فيكم ـ وأنا أدري أن همتكم عالية في مساعدة إخوانكم الأعضاء ..
والسلام عليكم ورحمة الله وبركاته..
الفوتوشوب الثامن والعجايب إلّي فيه
مشاركة: الفوتوشوب الثامن والعجايب إلّي فيه
