صرخه مصرى لوطنه ... كلام ممنوع

[خالد الخطيب]

صرخه من مصرى الى وطنه الذى يعشقه

صرخه الم ممن يرى الوطن يحكمه من لا يراعى انسانيه احد

هى صرخه عشتها ( ابان فترة اعتقالى الاولى 1998 )
*******************************************************************************

جعان اعمل احلامك عيش
مواطن فى بلدك رتبتك درويش
الاسم مصرى وعصرى
ببطاقة وفيش
ساعة التعب والضنا
دايما ينادونى انا
وساعة الهنا؟؟؟؟
دايما يقولوا مفيش
------------------------------------------
جعان اعمل احلامك طبليه
عطشان يا صبايا
ومفيش اكتر من الميه
مواطن بلا كيان
جوه البلد ديه
بلد مفهاش رحمة
ولا فيها انسانيه
الله يرحم الوليه (امى )
كانت دايما تقولى تعيش
------------------------------------------
جعان يا ولدى ؟
الكل قرصه الجوع
تعبان يا ولدى؟
انا ابو قلب موجوع
رن الندا فى قلبى بصوت مسموع
جيت اردده
طلع الكلام ممنوع
وف قلب الليل شفت الويل
على يد شاويش :shock22:
------------------------------------------
اصله ابن بلدى
وابن بلدى يا ناس حويط
ساعة الاذية
ابن جنية
ينزل تخطيط
معرفش أأذى
لكنى مرزى
بقرود وتنطيط
وامن الدوله
كدة علاوله
غاويين تشليت

اقول؟
كفاية رضاكى عليا يا مصر
واعيش

[ابو خالد]

كلمات نابعه من قلب مظلوم ..... كتبت الالم بنزيف الدموع .... وتردد فى كتابتها القلب الموجوع
اه ... اه عليك يا وطن لما تجور .... على كل وطنى اتظلم .... من القهر والجوع ... لكن هيجى يوم يا وطن
وتعود تانى تعود .... وطن لكل من لا وطن له .... ماانت يا ابن بلدى بالهم موعود ... لكن اعرف تأكد ان
مصر اكيد من تانى ها تعود ..... مشكووووووووور اخى خالد على احساسك المر الذى الامنا كثيرا
ولكن لى طلب بسيط جدا عندك لو سمحت لى كمصرى زيك .... تعالى نختلف معهم على كيف كيفنا
ولا نسب الوطن اللى فيه معاشنا ... دى مصر ام الكرم وكفايه علينا ناسها
مصر ام الدنيا .... زكرها ربى فى كتابة المحفوظ .... ويصونها ربى بعلمه ... من ضعاف النفوس
لا الظلم باقى والحكام باقين كلهم هايروحوا وهتفضل مصر من كل عين محروسه ........
لاتعتقد اخى العزيز انى لا سمح الله اهاجمك بالعكس بل انى اشاطرك الشعور
ولكن احببت الا نهاجم الوطن فى من جراء حاكم موتور .... او شرطه فى ظل القوانين الخبيثه
تصول وتجول ............. ومشكووووووووووووووووووور واهلا بك اخا كريما
بلادى وان جارت على عزيزه ... واهلى وان ضنوا على كرام

[خالد الخطيب]

اخى ابو خالد ( وانا اسمى خالد )

المنى انى المتك وما قصدى بعبراتى سوى الفك عن ضيقى لا ايلام اخوة القلم .

واكثر ما المنى ان المح فى عطور محبرتك شك فى حبى لتراب وطنى . وما كان هذا وضعى بحال .

ولا نسب الوطن اللى فيه معاشنا

دون ذلك وتسيل له الدماء ....... وما كان الوطن ارض نعيش عليها اكثر من جماعه ننام فى احضانهم هانئين راضين .

كما قلت يوما فى كتابى 99 صرخه حياة : لو لم اجد وطنا يحتوينى لاوجدت بنفسى وطنا يحتوينى .

وقد تعلمت من الثائر العظيم ارنستو تشى جيفارا ان اجعل من الظلم موطنى الابدى فى اى مكان واى زمان .

دام نزف قلمك باركانى المتواضعه ودمت بود