السلام عليكم
صراحة هاذي القصيدة معجبتني مرة لاكن للاسف ما اعرف مهة الشاعر لاني طابعها من زمان ولا اذكر الموقع اللي اخذتها منة
******************************
انا ماني بعبدن لك ولاني هايبن شرواك على مثلي تجر السيف يا مجنون وتسلة
تخوفني من فراقك تبيني اشتكي فرقاك ولي من غبت عن عينك تسوق الدمع وتهلة
تماطل في مواعيدي وتوعدني ولا القاك وانا اللي سقت لك عهدي على طول المدى كلة
وش اللي صارلك فجاة تغير كل شي بدنياك تجافيني وتهجرني وانا اللي علتي علة
تبي تقطع حبال الوصل لابو من هو ترجاك انا مابي الوصال اللي يوطي الراس ويذلة
خسارة يوم انا قلبي ومن دون البشر ناداك وظنيتك حبيبن له تعاف الغير وتحلة
نعم حبك محبة صدق لا خانك ولا جافاك غديت النبض في جوفي وتسوى عالمي كلة
وغربت العمر لاجلك ومشيت بدنيتي لرضاك وعطيتك فوق ما يعطي محب ويبذل لخلة
عليك افتح عيوني واغمضها على ذكراك ولو مني تبي عمري اقول لخاطرك شلة
حشا ما عاتبك قلبي ولا لامك ولا عاداك يسوم العمر في حبك ويلم الشوق ويلفة
انا وش حدني اقبل عذابي في الهوى لولاك انا مدري يهون الحب في لحظات وتملة
انا وش حدني ارسم خيالي فيك واتمناك مدامك في الهوى ظالم وزلة عقبها زلة
حلفت اليوم يا قاسي لقطع صورتك و انساك وعهد الحب اللي بيني وبينك في العظش بلة
تعذب كثر ما ودك ولملم حسرتك وياك صراخك ما يرجعني تعرف الدرب وتدلة
******************************
ارجوا ان تعجبكم لان اصابعي تكسرت وانا اكتبها
مشاركة: انا ماني......
